الشرطة الجوية .. اسأل وأنا أجيب

نوبليس · #**151** (**permalink**) 30-12-2013, 06:26 AM

اقتباس:

المشاركة الأصلية كتبت بواسطة لآ يهمونك

يعطيك العافيه اخوي نوبلس ..

بسألك متى نجيهم لان مو محددين .. 6 آو 8 .. او اي وقت

حاول 7 بالكثير تكون عندهم

الساعة 7 ونص يبدأ الدوام

نوبليس · #**152** (**permalink**) 30-12-2013, 06:30 AM

اقتباس:

المشاركة الأصلية كتبت بواسطة باسم الطرفاوي

الله يعطيك العافيه اخوي نوبليس

اخوي انا سؤالي نجيهم حالقين ولباس رياضي ولا كيف
بالموقع ماهو محددين شئ

رياضة أو ثوب كله ماشي اهم شي الواحد يهتم بمظهره

نوبليس · #**153** (**permalink**) 30-12-2013, 06:39 AM

اقتباس:

المشاركة الأصلية كتبت بواسطة عديل الاهلي

الله يعطيك العافيه ويخليك ياارب ويوفقك وين مارحت

بس ماقلتلي كم الراتب جندي موو جندي اول انا ثانويه

يقولون الكاتب راتبه قليل مممممره

الراتب ماعندي علم فيه لكن اللي متأكد منه انه مو أقل من 4200 ريال

هذا من غير علاوة الكتبة ومدري بعد اذا في علاوات او بدلات ثانية تستلمونها

معلومة ممكن تهمك وتهم غيرك

بطريقة او بأخرى فيك تنقل على الشرطة الجوية

وتصير تستلم راتب الشرطة وعلاوة الكتبة بما ان تخصصك كاتب

نوبليس · #**154** (**permalink**) 30-12-2013, 06:48 AM

اقتباس:

المشاركة الأصلية كتبت بواسطة راعي الويله

اخوي انا مقدم كاتب ب جندي اول ب الخرج

ومعااي شهااده حاااسب

حبيت استفسر حتى اكون عندي خلفيه على كل شي

اول شي دورتنا سوا على كل التخصصات ولا كل تخصص دورته لحال

وثاني شي هل اذا تعينت ب القاعده ب الخرج طبعا مهنتي كااتب

هل طبيعه عمل استلامات او خفارات او دوام من الساعه 7 لل ساعه 2 ضهر

لان سمعت يقولون تداوم وتستلم وتلزم خفاره

ياليت تسااعدني تكفا

دورتكم بالمركز راح تكون ثلاثة شهور فقط واللي هي فرد اساسي

وبعد ما تتعين مطلوب منكم دورات تخصص

وياليت ترجع للصفحات وتاخذ فكرة عن الدورات وعلاوة الكتبة

بالنسبة للدوام راح يكون من الصباح للظهر

وممكن كل شهر او شهرين تلحقك مناوبة 24 ساعة

وممكن ماتلحقك

خالد الأهدل · #**155** (**permalink**) 30-12-2013, 12:34 PM

اقتباس:

المشاركة الأصلية كتبت بواسطة نوبليس

للأسف ما اطلعت على الشروط الأخيرة

لكن أقول كل شخص سجل بيانات غير مطابقة للشروط

وبالذات من ناحية العمر

يحاول يكلمهم ويشرح ظروفه وان شاء الله يتساعدون معاه

والله يكتب له اللي فيه الخير

شكرا لك اخي الكريم على الرد على استفسارات اخوانك المتقدمين
بنسبة للعمر من ضمن الشروط ماهم حاطين حد معين وادخلت بياناتي صحيحة وان شاء الله راح الروح الرياض وربنا يكتب لنا اللي فيه الخير ان شاء الله طبعا عمري 33 سنة .
تخصصي طباخ كم الراتب تتوقع علما ان شهادتي ثانوية عامة ؟؟

نوبليس · #**156** (**permalink**) 31-12-2013, 12:11 AM

اقتباس:

المشاركة الأصلية كتبت بواسطة خالد الأهدل

شكرا لك اخي الكريم على الرد على استفسارات اخوانك المتقدمين
بنسبة للعمر من ضمن الشروط ماهم حاطين حد معين وادخلت بياناتي صحيحة وان شاء الله راح الروح الرياض وربنا يكتب لنا اللي فيه الخير ان شاء الله طبعا عمري 33 سنة .
تخصصي طباخ كم الراتب تتوقع علما ان شهادتي ثانوية عامة ؟؟

الطباخين عندنا مرتاحين اخر راحة ومبسوطين من عملهم

ياخذون دورات في كليات السياحة والفندقة

ويستلمون صنف على الطبخ

الرواتب ماعندي علم فيها لكن ان جاتك لا تفوتها

فزْعتكم · #**157** (**permalink**) 31-12-2013, 12:58 AM

السلأم عليكم ورحمه الله وبركاته

الله يعطيك العافيه نوبليس

اخوي بسآلك عن راتب جندي اول كاتب ..؟ كم انا اعرف ماله دخل بـ قسم الشرطه بس اذا كنت تعرف كم راتب

القحطانيي · #**158** (**permalink**) 31-12-2013, 04:25 AM

اخوي نوبلس كم مدة دورة الاستخبارات وبعد الدورة الاساسية ثلاث اشهر فين بتكون الدورة التخصصية وطبيعتها كيف دوام رسمي ولا زي الدورة الاساسية حجز بالمركز

نوبليس · #**159** (**permalink**) 31-12-2013, 04:17 PM

اقتباس:

المشاركة الأصلية كتبت بواسطة فزْعتكم

السلأم عليكم ورحمه الله وبركاته

الله يعطيك العافيه نوبليس

اخوي بسآلك عن راتب جندي اول كاتب ..؟ كم انا اعرف ماله دخل بـ قسم الشرطه بس اذا كنت تعرف كم راتب

للأسف ماعندي علم بالراتب

لكن ارجع للصفحات السابقة وان شاء الله تستفيد من بعض المعلومات

عن تخصص كاتب