اتمنى كل من يقرأ موضوعي ماياخذه الحماس يوم وليله فقط

اللي مفكر في مشروع لابد يجهز نفسه للتعب

واقول التعب في (( البدايه فقط ))

اتمنى ماحد يتحمس ويسوي الشي ويمل ويتركه ويلحقني ملام منه أو دعوة

لابد من تعب وجديه

لابد انك تحط لنفسك قوانين وشروط قاسيه

ماتحاول في أي ظرف من الظروف تخل فيها او تنقضها

وأرجع وأذكّر وأقول (( في البدايه بس ))

انا افكر اشتغل على ونيت تموين مواد غذائية اشتري من الجمله واوزع

بشكل اسبوعي لاني مرتبط بوظيفة

مادري اخوي بلاقي خير فيها وايش المعوقات في البدايه بحكم خبرتك

الله يجزاك عنا ألف خير عندي استفسار انا عندي محل غرفه صغيره بالحوش مساحتها تقريبا 5*9 وأبغى اسوي فيها بقاله لان الحي الي انا ساكن فيه ما فيه بقالات وش الأغراض الي اركز عليها اذا بغيت اشتري والي تناسب مساحة المحل واغلب احتياجات سكان الحي وتقبل شكري اخوي واذا تقدر واكون شاكر لك تعطيني بس نبذه سريعه لاحتياجات المحل كم ثلاجات تحتاج وهل يحتاج اسوي مخزن

مساء الخير انا حاب افتح محل محامص وتمر مع الحلويات لكن لفيت لين مدخت لقيت اليمنة ثم الهنود مسيطرين عليها عجزت كل ما اسل احد ما اجد جواب واخر شي لقيت شركة خاصة بحلا التمر والحلويات
اخذ من عندهم وكالة بس لقيت الاصناف لديهم قليلة ولا حق الشروط الى طالبينها وهي مقرها في الرياض اذا ما عندك مانع ارسلك اسمهم وتفيدني بجدو المشاركة معاهم واخيرا اتمنا بان توجهني التوجيه الصحيح في طريقة البداية ولك الشكر والاجر من الله
ابو عبد العزيز مكة

شكراً لك اخي الكريم على الموضوع
ولبقية الاخوة على الردود
سؤالي عن المطاحن والمحامص
من اين نستطيع استيراد الهيل وخلافه ( من حيث الاسعار والاجراءات )
وكم المبلغ المطلوب للبضاعه المبدئيه للمحل
تحياتي لك