السلام عليكم ورحمة الله وبركاته

تصدقون اخواني اخواتي عمري الان 26 مقبل بعد شهرين ادخل 27 ولم اتزوج
كنت احلم بزوجه واطفال اعيش بين اسرتي سعيد

انا موظف بشركه راتبي 1500 والحمد لله

دخلت التخصصي ذات يوم وشفت الناس الشبعانه فلوس وغبطتهم على حالتهم قلت في نفسي الله الله لو كان حالي مثلهم

شفت البيوت والسيارات

انا اعرف ناس بالانترنت واحد يقول بصيف باوربا واحد يقول تركيا وسالوني قلت عندي ضروف ماقدر اروح

انا كنت في السابق مافيني شي ,,, اما الان اتعالج بالعيادات النفسيه تدرون ليش ؟

ضروفنا القاسيه المعيشيه انا مستعد اقطع من لحمي قطعه قطعه وبيعها لاجل اسعد امي وابي وخواتي ولااجعلهم يتمنون شي لايجدونه

والله ياخوان اختي مرات تروح المدرسه بدون فسحه

قلبي مليان هموم لايعلمها الا الله

وانا احمل شهادة الكفاءه وقررت اكمل دراستي الثانويه

فاهل تنصحوني ان اكمل دراستي وهل فيه وظيفه تقبلني بعد العمر هذا

يعلم الله قلبي مافتحته لحد غيركم ونتو اخواني وبيكم ترشدوني وتنصحوني

الله يفك ضيقتك ويرزقك من اوسع ابوابه

الله يفك ضيقتك ويرزقك من اوسع ابوابه

وعليكم السلام ورحمة الله وبركاته
اخوي بارك الله فيك كمل دراستك الثانوية وانسى موضوع العمر وخبرتك هي الاهم
انا اخوي كمل الثانوية وهو في الثلاثين والحين ماشاء الله راتبه ممتاز بالثانوية هذه لأن عنده خبرة (وبدون واسطة)
وانصحك تتابع هذا المنتدى لأنه تنزل وظايف هنا كويسة أحسن من ال1500 اللي بتاخذها هذه ما تسوي شي
كمان روح الضمان الاجتماعي بيساعدوكم في وضعكم هذا
واخيرا واهم شي ((ألزم الاستغفار)) ووصي بيه اهلك

الله يفتحها عليك من كل باب يارب

وعليكم السلام ورحمه الله وبركاته

أخوي كمل دراستك ,,, ماراح تتغير اذا ما أخذت شهاده و لاهو عيب ولا حرام انك تكمل بهذا العمر ,,, الله يفتحها عليك ويسهل امورك وامور المسلمين آجمعين ,,

اخوي.. اول شئ لي وقفه مع العمر..

عمرك 26 بعدك شاب قابل للتعليم.. مو انسان راحت عليه.. وكونك مو متزوج.. عاااااااااااادي جدا الان صار تأخير بعد الزواج يشمل البنات والشباب
ووضع البنت يكون اسواء بكثير... من الشاب..




وقفه مع العيادات النفسية.. طبعا انا مستحيل اطلب منك تترك العلاج اذا انت تتعالج.. لانه المرض النفسي مثل العضو.. وان كان بينهم فروق بالمدد..
وعلاجك هذا شئ جميل واحييك عليه يدل على جديتك بالامور..
((انا ما اعرف ايش حالتك بالضبط وايش الانسب لك.. بس لا تخلي الزواج فكرك الدائم.. أنت شاب والفرص قدامك..والشباب الحين بعمر 32 و34 يتزوجون.. كثر تفكيرك وخوفك من الوقت راح يسبب لك وقف الزمن في العقل الباطن.. يعني لا راح تحس بالناس ولا الزمن ولا شئ.. وافكار غير منطقيه راح تعاني منها..وانت بقرارتك تعرف انها غير منطقيه.. بس الخوف مسيطر عليك.. مو مخلي مجال للعقل انه يتحاور .. فكر انه انت رجل.. والرجل ما يعيقه العمل ابدا.. لا عندك مشاكل عنوسه ولا طلاق ولا غيره.. وبكل عمر تبقى مرغوب..))


بس بالاضافة للعلاج عن طريق الجسات والحبوب.. انت تقدر تعالج نفسك علاج اضافي ومهم جدا بالدين..

حط لك برنامج ديني لنفسك ماهو صعب .. لانه احب الاعمال الى الله ادومها وان قل..
محافظة على الصلاة..والسنن الرواتب.. واذكار بعد الصلاة.. وحاول تستشعر اخوي وانت تصلي كلمات سورة الفاتحه وشوف عظمتها.. حاول لمن توقف بالصلاة تنسى كل شئ والشيطان بيكون شاطر.. خلها ساعة لنفسك ولربك.. راح ترتاح..

عيش بنفس الرضى.. وهو اقصر طريق للسعادة الرضى بما قسم الله..

أنت تيقن من امر.. وخليه دائم في بالك.. الله ابتلى الفقير بفقره.. لانه يعلم جل جلاله انه لو كان غني ممكن يفجر.. وكذلك الغني..

تصدق بنية انه الله يفك كربتك.. والتزم الاستغفار.. قد ما تقدر.. والشيطان راح يتعبك كثير..
بس واصل..

وتذكر الله قال في سورة البقرة(( استعينوا بالصبر والصلاة ان الله مع الصابرين))



اذا أنت تخشى السؤال احد يوجهه لك.. هل تزوجت.. او هل لقيت وظيفة ازين او لسه انت على وظيفتك وراتبك ؟؟

خلك واثق من نفسك وراضي بقدر ربك.. لسه ما أذن الله لي..



وقفتي الاخيره.. مع التعليم..

اخوي بالنسبة للتعليم اكيد انا اقولك كمل تعليمك..وبالنسبة للدورات.. ما انصحك تاخذها بهذا الوقت. .. تتأجل شوي.. لانه انت تعمل الصباح.. ومن الساعة 5 الى الساعة 9 بالمدرسة .. ويلزم ترجع تراجع على الاقل كم درس.. يلزم لها ساعة بيت النازل.. راح تكون قربت من الساعة طبعا محسوب معها مسافة السيارة..

الدورات ممكن يوم الخميس والجمعه ممكن.. واذا على الانجليزي انصحك جيب باكستاني تعامل معه اهم شئ الان هي اتقان اللغه اكثر من دفع الفلوس على معاهد... تصرف جيبك ولا تفيدك.. فيه طريقه قريتها لاحد الشباب مره حلوه.. ياخذ قطعه ويخلي المدرسة يقراها له .. وهو يروح يقراها بعدين باتقان خمسين مره.. منها يتعلم الكلمات بسرعة مو نفس طريقتنا التقليديه.. ومنها يتعلم القراءة.. مع الوقت يتعلم كميات كبيرة من الكلمات..

يعني لو حسبنها كل خميس وجمعه تجيب لك باكستاني.. لمده 3 سنوات هي مده دراستك.. راح تكون اتقنت الانجليزي.. وخلصت الثانوية..


والله يوفقك..

الله يجعلك من كل هم فرجا ومن كل هم مخرجا ،،،