12-05-2014, 11:50 PM
|
عضو متواصل
|
|
تاريخ التسجيل: Mar 2014
المشاركات: 77
معدل تقييم المستوى: 23
|
|
الحمدلله.. باذن الله اوراقي كاملة وعلى ما تقولون اباشر قريب
الي سألت عن الجامعة هي سيئة ولا لا
والله مدري اش اقولك.. اسمحيلي افضفض وادري انه خارج الموضوع
اولا شكل الجامعة من قال حلو؟ قارنيها بجامعة جدة ولا وجه للمقارنة.. بالعكس انا اشوف انها قبل 7 سنين كانت تجنن لكن خربوها.. قطعوا اشجارها.. واستبدلوها بالكفتريات.. يناس احتياجاتنا مو بس طعام وشراب
وجدت الذوق في جامعات عريقة وجامعات ناشئة ولم اجده في ام القرى الا نادرا
وهذا بشهادتي وشهادة معيدات يدرسون في الجامعة
قالوا جامعة من اعرق الجامعات... بصراحة جامعة من افشل الجامعات
الطالب فيها محتقر والموظف مقدس
اذا راجعتيهم على سبيل المثال يصيحون في وجهك "نعم اش تبغين" << يختلف من قسم لقسم وعمادة لعمادة
اذا قلتي طالبة.. قالوا "رئيسة القسم مو موجدة.. في اجتماع.. روحي وتعالي"... لاحظي هذا وانتي طالبة ماجستير!!
واذا قلتي انا "استاذة" قالوا "اهلا وسهلا.. تفضلي ادخلي.. او انا اخدمك"
اذا تعبتي واستلقيتي على الارض.. جائوك من بعيد متعنين يقومونك
واذا شافوا بنات وفي نفس مكانك (............) محد يتجرأ يقولهم كلمة
في ام القرى البوية موقرة والمؤدبة ملطشة
ناهيك عن الاجراءات المعقدة والتأخير اذا الماجستير مدة 3 سنين الجامعة تخليه 4 سنين
اكثر شيء يسيء لجامعة ام القرى هو التأخير والاجراءات المطولة لدرجة انهم خلوني اعتقد انهم صنفوا الاجراءات لنوعين..
1. اجراءات طويلة والطالب نادرا ما يلجأ لها .. هذي خلاص اعتبروها اجراءات ملغية مع انها من حق الطالب
زي مثلا التحويل من قسم لقسم ضمن الكلية لمرحلة الماجستير.. هذا من حق الطالب حسب لائحة الدراسات العليا المادة 90 ولكن الاقسام الغوا هذا الشيء (من راسهم) بسبب انه اجراء معقد او بالاحرى هم خلوه معقد وبالتالي مهما حاول الطالب مارح يحول الا بوااااااااااسطة جااااااااامدة
2.اجراءات طويلة وضرورية (يعني لابد منها) هذي ياحبيبتي ياخذون راحتهم فيها ولا عليهم في وقت الطالب وسنوات عمره
مثلا زي الموافقة على خطة البحث في الدراسات العليا هذا لوحدها ي عسل تاخذلها ترم بحاله (3 إلى 4 شهور) او اكثر وقيسي على ذلك بقية اجراءات الرسالة العلمية!!
اعرف معيدة من منتصف شهر 10 العام وهي تحاول تجيب موافقة لخطة بحثها وهذا احنا في شهر 7 ولا تمت الموافقة يعني شهرين وتكمل سنة!!
ترى تعهد الابتعاث للخارج رحمة من الله... في بريطانيا الماجستير في 9 شهور.. المبتعثة المتزوجة ترجع بشهادة ونونو ههههههههههه
اما ماجستير ام القرى لو كان سنتين فتصير 3 ولو كان 3 تصير اربع وشفت طالبتين تاخروا 4-5 سنين مع انهم مجتهدات
شخصيا بعد تجربة الماجستير في ام القرى.. ادركت اني كنت مقدرة اكثر يوم كنت بكالوريوس.. مع ان المفروض العكس
يعتقدون بان طالب الماجستير موجود هنا لانه مسكين ما لقي وظيفة.. مو لانه انسان يبحث عن العلم
اضيف الى ذلك جامعة ام القرى يندر انك تراجعين عماداتها واقسامها من دون ما تتلقين اهانة ولو من بعيد لبعيد
احيانا حتى وانتي تدفعين فلوس مقابل الخدمة تحسين انك ماخذه شيء من حلالهم
وتطبيق لانظمة مالها اي اساس
مثلا الجوال ابو كميرا مسموح لكن لابتوب ابو كميرا ما يدخل الا بتصريح!!! يعني بسيب كمرة الجوال واصور بكمرة اللابتوب!!
مسموح تدخلين بلابتوبك المكتبة المركزية لكن ما تستخدمينه الا في طاولات جنب الموظفات عشان يشوفونك... يناس طالبة جامعية.. ولو عندي شيء غلط بتفرج عليه بروح القاعات الفاضية!! اقول لو.. لكن ما ادري كيف يفكرون.
طالب الماجستير يحتاج بعض النماذج اذا طبعها من صفحته الالكترونية الخاصة.. وراح يراجع الجامعة.. قالوا له هذا نموذج للبكلوريوس روح العمادة جيب نموذج دراسات عليا.. طيب يا حلوين انا ماجستير ليه تحطوني لي نماذج بكلوريوس في صفحتي!!
التنورة البيضا ممنوعة ليه خير مافي شيء في الاسلام يمنع اللون الابيض
يعني البوية تشمي براحتها بقصتها واكمامها المرفوعة ومشيتها كأنها ولد عااادي جدا، لكن بنت طبيعية تلبس تنورة بيضا ممنوع!!
من فين يجيبون قوانينهم!!
حبيبتي لا تستعجلين بتجربين وتشوفين
وهذا من تجربتي في هذي الجامعة ما جبت شيء من عندي
والحمدلله معد لي علاقة بهذي الجامعة الا لاجل توصيات واشياء سطحية
التعديل الأخير تم بواسطة خيرالنساء ; 13-05-2014 الساعة 12:19 AM
|
العرض العادي
