[align=right]


- للتوضيح ، أي معاملة تختص با ( المعيد و المحاضر ) لا تدخل مجلس الجامعة ، بل تدخل مجلس اللجنة الدائمة سواء كانت معاملة ترشيح أو تعيين أو ترقية ...الخ. إذا إن شاء الله صرتم أساتذة وقتها يصير مجلس الجامعة هو المسؤل عنكم.

- تقدرون من خلال موقع الجامعة تدخلون على الخدمات الإلكترونية ومن ثم الاستعلام عن المعاملات. تكتبوا هويتكم ورقم المعاملة تبعكم وتشوفون وين وصلت ووين راحت. طبعاً كيف تعرفوا رقم معاملتكم ، كلموا كليتكم أو روحوا للاتصالات الإدارية وهم يعلموكم.



بالتوفيق[/align]

جزاك الله خير معلومة قيمة

اثناء تصفحي للانترنت وجدت هذه المشاركة لاحد المعيدات (جزاها الله خيري الدنيا والآخرة)

سأعطيكم مقطع من كلامها والباقي ستجدونه في الرابط آخر شيء

وهذا بعض مما كتبت:

( ما بعد التعيين )


كيف عرفتِ بخبر تعيينك ؟ هل اتصلوا عليك أو نزلوا الأسماء في الموقع ؟
اتصلوا علينا بالجوال فقط،
وأعرف معيدات بس في كلية ثانية نزلت أسماءهم في الموقع.




ماهي إجراءات التعيين ؟
بعد المقابلة بـ 8 شهور، اتصلت علي موظفة من الكلية وبشرتني بالقبول،
قالت لي أخلي أحد من محارمي الرجال يروح لقسم شؤون الموظفين بفرع الجامعة اللي بالسليمانية، وقالت اسم الموظف.


راح الوالد الله يحفظه وأعطاه الموظف كم ورقة يعبيها عبارة عن معلومات شخصية،
وطلب صور من وثيقة التخرج وبطاقة الأحوال،
وورقة يعطيها الأحوال المدنية (طلب تغيير مسمى وظيفة إلى عضو هيئة تدريس ) وورقة كشف طبي أسويها من الإدارة الطبية بالجامعة
وورقة أوقعها من كليتي عبارة عن تعهد بإنه التخصص اللي أدرسه في الماجستير يكونوا موافقين عليه.


عبيت الأوراق، وراح الوالد الله يحفظه الأحوال في نفس اليوم وغيروا مسمى الوظيفة وأعطوه برنت لها،
ورحت الإدارة الطبية بعدها بـ 3 أيام تقريبا عشان الكشف الطبي:
هو مطلوب تحاليل وأشعات كثيرة، بس هم بصراحة ما يسووها كلها لك إلا إذا انتِ متعينة بوظيفة طبية،
يعني مجرد كشف بسيط ظاهري في نفس اليوم، ويوقعوا الورقة ويختموها والحمد لله.


بعدها أخذ الوالد الأوراق ووداها للموظف، فقاله: يومين بإذن الله وينزل قرار التعيين.
وفعلا يومين تقريبا وراح له الوالد وأعطاه الموظف القرار
فأخذته ورحت الشؤوون التعليمية لكليتي، فطلبوا مني أعبي كم ورقة،
وأوقع ورقة مباشرة (إني بدأت دوام اليوم)،
وقالوا لي لما أرجع البيت أسوي مباشرة الكترونية من نظام أنجز،
وطلبوا برضو صورة شخصية عشان يسووا لي البطاقة.


بعدها رحت لمشرفة قسمي وسألتها كيف حيكون الدوام، وتمّ الموضوع بفضل الله.



ماهو راتب المعيدة ؟ وماهي البدلات وكيف أطلبها ؟
الراتب: 6650 للي دراستها 4 سنوات في البكالوريوس.


البدلات:
بدل نقل 700 ريال: ينزل مع قرار التعيين.

بدل ندرة 20% وبدل تعليم جامعي 25%: أعطونا الشؤون التعليمية زي الخطاب لطلب هذولا البدلين، ووقّعنا عليه.

بدل حاسب آلي 20% أو 25%: هذا لازم انت تطلبيه بنفسك، وعشان تاخذيه تعبي نموذج
(صرف بدل للأكاديميين السعوديين العاملين بصفة مستمرة في مجال الحاسب الآلي)،
وهذا رابطه على موقع الجامعة
http://labor-admin.kau.edu.sa/Show_f..._ID=433&Lng=AR

ثم تسوي لنفسك موقع على موقع الجامعة، وهنا الشرح بالخطوات لطريقة عمل الموقع
http://www.kau.edu.sa/Admin/pdf/Staff_guid.pdf

بعدين تعطي الشؤون التعليمية النموذج بعد التعبئة + رابط موقعك
وينزل لك البدل بإذن الله.


ملاحظة: ممكن تتأخر عليك البدلات فما تنزل مع راتب أول شهر على بال ما يوافقوا عليها وتمشي معاملاتها،
المهم اتأكدي إنهم بعدين ينزلوها لك بأثر رجعي (تعويض)،
يعني لو اتأخرت للشهر الثالث فاطلبيهم ينزلوا لك معاه بدل الشهر الأول والثاني اللي ما أخذتيه.



طبعا مجموع الراتب الكلي حيختلف بين معيدة والثانية
فالمعيدة اللي تتعين في جامعة ناشئة تاخذ بدل اسمه (بدل جامعة ناشئة)،
والمعيدة اللي ما تعطي محاضرات ما تاخذ بدل تعليم جامعي،
وأهل الطب اللي دراستهم أكثر من 4 سنوات راتبهم يكون أعلى من 6650، وهكذا.




متى أبدأ أدرس ماجستير ؟ وهل يشترط الابتعاث للمعيدة ؟
المتعارف عليه والمعمول به إنه المعيدة تشتغل سنة ثم تبدأ في دراسة الماجستير،
لكن فيه بنات يتأخروا لسنتين، وفيه بنات يبتعثوا مباشرة من بعد صدور قرار التعيين
(هذولا في العادة يكونوا مجهزين أوراق ابتعاثهم من بدري ويبغوا يسافروا).


الكلام في الابتعاث يطول، لكنهم في الغالب يشترطوا ابتعاث خارجي (كندا أو أمريكا)،
وممكن إذا ظروفك مرة صعبة تقدمي خطاب تشرحي فيه وضعك، ويسووا لك مجلس قسم
ويشوفوا بعدها إذا يرضوا لك بابتعاث داخلي أو لا (يعني تبتعثي لجامعة الملك عبد الله مثلا)،
وإذا ظروفك ما تسمح لك نهائي بالابتعاث، يحولوكِ لإدارية.

التفاصيل في هذا الموضوع بالذات حتتناقشي فيها مع مشرفتك بإذن الله.



ماهي وظيفة المعيدة بالضبط ؟ هل تلقي محاضرات أم تساعد الأساتذة أم ماذا؟
حسب قسمك وحسب الاحتياج. بعضهم يمسّكوهم معامل، وبعضهم يساعدوا الأساتذة،
وبعضهم يدرّسوا المواد السهلة اللي تكون في التحضيري،
يعني إذا تخصصها حاسب فيعطوها تدرّس مهارات حاسب لطالبات التحضيري، وهكذا.

ممكن كمان تمسك عمل إداري: لجنة إسلامية أو ثقافية أو رياضية بالإضافة لتدريسها.



كم نصاب المعيدة ؟ وهل يختلف إذا كنت أدرس ماجستير ؟
16 ساعة هو أقصى نصاب للمعيدة،
وإذا كانت تدرس ماجستير فيخففوا عنها العبء التدريسي، حتى يصل لـ 9 ساعات فقط أو 6.
وطبعا ينسقوا بين مواعيد تدريسك ودراستك حتى ما يكون فيه تعارض.


المزيد:

http://www.skaau.com/vb/showthread.php?t=581481

الاتصالات الإدارية موجودة في العزيزية بجنب مبنى الإدارة العامة

الاخت خير النساء
اعتذر عن التأخير ... وكلامك اللي ذكرتيه في ردك صحيح ١٠٠٪
ودام ان الكليه ارسلت الاوراق للجامعه بتاريخ ١٢/٥
فأعتقد انها ما تحولت لمجلس الجامعه الاخير
لانه موعد اجتماع اللجنه الدائمه للمعيدين والمحاضرين كان ٢٩/٥ وتم تأجيل الموعد الى تاريخ ٦/٦
( هذا حسب كلام استاذ بندر الزويهري شخصياً )

الاخ الغالي ترككي
اسمح لي اني اخالفك الرأي ... قرار التعيين يصدر من مجلس الجامعه
لاني انا بنفسي قرأت قرار تعيين صديق لي معيد وكان مكتوب
تعيين المعيد ( فلان الفلاني ) في كلية (...) تخصص (...) والصادر من اجتماع مجلس الجامعه رقم (٢) بتاريخ (...)
وكمان يالغلا تقدر تدخل على محرك البحث ( جوجل ) وتكتب اجراءات تعيين المعيد جامعة ام القرى
وتقدر تقرأ الخطوات وايضاً تلقى مكتوب في الاخير بالنص ( ويصدر بالتعيين قرار من مجلس الجامعه )

للعلم : انا اتمنى يكون كلامك صحيح وما يحتاج تدخل مجلس الجامعه ... لكن هذه هي الاجراءات

بالتوفيق للكل والجميع

هل اتصلوا عليكم اللجنة الدائمة ؟

شكرا على ردك طموح آخر

عكس ما كنت اتمنى والحمدلله

الافضل الواحد يشيل الموضوع من راسه وينتظر الاتصال ويسوي شيء مفيد بوقته