المشاركة الأصلية كتبت بواسطة ترككيي

[align=right]/



- هلا بك يالغلا (طموح آخر) ، والله يعطيك العافية على تفاعلك. كلامك صحيح ولكن أبشرك المعاملة لا تدخل مجلس الجامعة ولكن تُوقع فقط من قبل مدير الجامعة تفويضاً عن المجلس ، لأن مجلس الجامعة يعتبر أعلى مجلس ويترأسه وزير التعليم العالي نفسه ، فما عندهم وقت يناقشوا معاملات صغيرة مثل تعيين المعيدين ولجل كذه تم تأسيس لجنة دائمة معنية بهالأمر ، فطالما اللجنة أوصت بك كمرشح فليس على مدير الجامعة إلا التوقيع فقط مثل ما قلت نيابة عن المجلس وهالشي ياخذ من 3 إلى 4 أيام ولو أنت أخذت معاملتك بنفسك لمكتب المدير رح تخلصها ف نفس اليوم. ، لأن هذا الي صار معي. وهذا رابط أرفقته لك ( بند 6)

http://uqu.edu.sa/page/ar/141

- وهذا خط مسار المعاملة بالضبط من تجربة شخصية.

بعد المقابلة الشخصية يتم الإتصال بكم لإبلاغكم عن ترشيحكم كـ مرشح أساسي للوظيفة. بعد كذه يتم عرض معاملتكم على مجلس القسم وبعد موافقة مجلس القسم يتم عرضه على مجلس الكلية وبعد موافقة مجلس الكلية يتم إرسال محضر الإجتماع إلى مدير الجامعة للمصادقة عليه. في هذه الأثناء يتم مراسلة عمادة شؤن أعضاء هيئة التدريس لحجز الوظيفة بإسمكم. بعد ما يرجع المحضر من مدير الجامعة وبعد ما ترسل العمادة خطاب لتأكيد حجز الوظيفة بإسمكم ، يتم إرفاق هذه الورقتين في ملف معاملتكم وتبدأ ترسلها الكلية إلى اللجنة الدائمة. كذه الكلية خلاص سوت الي عليها وهذا الإجراء يأخذ تقريباً من شهر إلى شهر ونص.

- بعد ما توصل معاملتكم إلى اللجنة الدائمة. يتم توقيعها أولاً من وكل الدراسات العليا ومن ثم تحول إلى سكرتارية اللجنة ، يقوم السكرتير بالتأكد من جاهزية معاملتكم وإنه مافي شي ناقص (وهنا انتبهوا لو الكلية ارسلت أوراقكم ناقصة كذه رح ترجع أوراقكم مرة ثانية للكلية وهذا يكلفكم وقت وتأخير ، لجل كذه يفضل إنكم تتأكدون من جاهزيتها) ، بعد ما يتأكد السكرتير إن كل أوراقكم كاملة هنا يتم عرضها على أقرب موعد إجتماع للجنة. طبعاً اللجنة اش تسوي اش دورها هنا يعني ، تجلس تتأكد من معدلكم ومن درجاتكم ومن عدد أعضاء هيئة التدريس بكليتكم وتتأكد من كل شي يعني فعلاً يتم فتح ملفكم ودراسته دراسة كاملة. إذا كل شي تمام خلاص تبدأ اللجنة توافق عليكم ويتم عمل محضر للإجتماع ويرسلوه لمدير الجامعة للمصادقة عليه. بعد ما يرجع المحضر من المدير يرفقوه مع معاملتكم ويرسلوها لعمادة شؤون اعضاء هيئة التدريس. هذا الإجراء ياخذ تقريباً شهر ونص إذا كانت أوراقك كاملة.

- أول ماتوصل أوراقك لعمادة شؤون اعضاء هيئة التدريس ، يبدأ يجيك أول اتصال ، فلان الفلاني تعال عندنا عشان تعمل الكشف الطبي وكشف السموم. تاخذ الكشف الطبي وتروح للإدارة الطبية الي بالعزيزية وبعدين تروح لمعمل السموم ف جرول ، تخلص كل أمورك ولو كنت محظوظ تخلصها بيومين. بعد ما تعطي العمادة نتائج فحصك واذا كل شي تمام ، تبدأ العمادة بإرسال أوراقك كاملة مع الكشف إلى مدير الجامعة لإصدار قرار التعيين. وهنا نقطة الاختلاف ، هنا أوراقك ماتحتاج تدخل مجلس جامعة بقدر ما تحتاج إلى توقيع من المدير فقط لاغير ، لأن سبق ودرستها اللجنة فما له داعي يرجعوا يدرسوها مرة ثانية في مجلس الجامعة. هذا الإجراء مايطول ياخذ اسبوعين بالكثير.

- بعد كذه يقوم مكتب المدير بإرسال أوراقكم مرة أخرى إلى عمادة شؤن اعضاء هيئة التدريس لإصدار القرار التنفيذي. يدقوا عليكم العمادة يقولوا لكم يلا خلاص روحوا كليتكم باشروا. هذا الإجراء ياخذ أقل من 4 أيام.

- تروحوا لكليتكم وتباشروا وتعبوا ورقة المباشرة وترجعوا تعطوها للعمادة ، لجل بعد كذه ترسلها العمادة للخدمة المدنية ووزارة التعليم العالي.


- يفضل تراجعوا معاملتكم بنفسكم وتحركوها لأن أحيانا تجلس مجمدة في مكتب من المكاتب ومحد داري عنها. وبالنهاية بالتوفيق لكم وللجميع ^^[/align]

المشاركة الأصلية كتبت بواسطة أهزوجة الغيم

ممكن رقم لجنة المعيدين والمحاضرين,

الي معاه الرقم يزودنا فيه إذا سمحتو, عشان نتصل ونتأكد

المشاركة الأصلية كتبت بواسطة جادة الطريق

آمين
الله يجعل بعد هالتأخير خيرة
الله يعيننا على الإنتظار
إن شاء أتصل اليوم وأشوف مع إن كل الأرقام إلي عندي ماحد يرد عليها