المشاركة الأصلية كتبت بواسطة متفاعل جدا

أنا ابغى الاخوان المرشحين اللي لهم صلة مباشرة بالمشكلة يجو بأنفسهم عشان يحكو معاناتهم للمدير مو معقولة المرشحين موجودين، والمرشحات يرسلو أولياء امورهم الي مو فاهمين المشكلة بالضبط اوك يرسلوهم ع اساس انو يعرف ايش صار وايش ماصار، انا امس اتصلت بمنسوبي مكتب المدير العام وسألت اقدر ادخل للمدير ع طول بدون موعد قالو ايه تقدر بأي وقت وسألت عن مكان المبنى وخبروني انو بجنب قاعة الملك عبدالعزيز التاريخية، وأنا بإمكاني اطلع للمدير لوحدي بس الخوف أنو يقولي زي ماقالي أحد المسؤلين بالجامعة كل المرشحين يواجهو نفس المشكلة مو بس انت وقتها انا ايش ارد عليه؟! يعني عباله كل المعيدين ساكتين ومنتظرين ولاتنسو انو الكثرة تغلب الشجاعة، لذلك أنا اقترح انو بدل مانعمل الهاشتاق وقبل مانوصل الموضوع للاعلام نقابل المدير ونعطيه مشكلتنا ونسمع رده اذا مقنع اوك تمام اما اذا رده زي باقي المسؤلين وقتها نوصلها للاعلام نعمل برقيه، لذلك ارجو من الاخوان المرشحين انهم يتفاعلو ويتحركو ونقابل المدير بمشيئة الله يوم الاحد الساعه 11 صباحا عند بوابة القاعة التاريخية واللي موافق يعطينا خبر ع العام عشان نشوف العدد ونأكد الموعد... وربنا يكتب لنا مافيه الخير ولا يضيع تعبنا

المشاركة الأصلية كتبت بواسطة متفاعل جدا

تم تأكيد موعد مقابلة مدير الجامعة الاحد الساعه 11 صباحا عند بوابة قاعة الملك عبدالعزيز التاريخيه طبعا التأكيد بيننا مش مع مدير الجامعة انا ماعملت موعد معاه ولا حاجة، لانو منسوبي مكتبه خبروني متى ماجيت تقدر تدخل عليه بس ان شاء الله يكون متواجد بالمكتب.

اما بالنسبة لإيميل وزير التعليم فأرجو انو الكل يرسل ونوحد عنوان الرسالة ونكتب معيدو جامعة ام القرى عاطلون اي شخص ناوي يرسله ايميل يكتب هذا العنوان اتوقع انو مية في المية راح يقراه، عن نفسي راح ارسل بعد مااعرف رد مدير الجامعة لنا واللي يبغى ينتظر براحته

المشاركة الأصلية كتبت بواسطة على كيف كيفك