أصحاب الشهادات العليا مايطولون ( :
والصبر زين وكل مطرود ملحوق

من زمان وحنا نقول واسطات وسطات هلكت امنا الواسطات اعمارنا صكت 30 وفوق لا وظيفة ولازواج اقسم بالله وضع البلد من سيئ الى أسواء والي مايعجبه كلامي انا غير مسؤول عن اذا عيونك مسكرة وماتشوف الواقع
الحل لازم تغيير اخوي انا كنت زيك درست دبلوم دفعت عليه 25 الف ريال وربي الشهاده معاي بالغرفه الحل اخوي لا تعتمد عليهم جداره وكذبه السعودة سو لك اي شي اشتغل مشروع صغير اي شي وربك بيفرجها وربي كرهت البلد صار عندي حقد على الناس بلا سبب تولد الشعور مع الظلم اقول ليه الي اصغر مني عنده وظيفه عشان ابوه والا عمة والا قريب له وانا عشان ماعندي واسطة انذل وانهان استمر بالشهور ماجيبي ولا ريال اقسم بالله مابقا لي الا الايمان بالله نسأل الله الثبات كرهت البلد وربي احس انها موبلدي احس اني بغربه
والله احيانا ودي ابكي من القهر بس ما اقدر مدري ليه الله يستر خايف يجيني سكر والا ضغط الله يستر من الجاي

اخوي خيره ماتدري حسب ما سعمت من ناس بالجمارك انهم تحت ضغط شديد الأداره ضاغطة عليهم وشفتات والدوام متعب الله يعوضك خير

عني انا وصلت في الماجستير لخطة البحث وسحبت لاني عارفه ماوراها فايده بس يطلعون عينك وهات وجيب وكتب من برى ودراسات وحوسه واخرتها عالفاضي
الحين لو معك اولى ابتدائي وجنبها واو تمشي اكثر من اهل الماجستير والدكتوراه
بلا شهادات بلا هم ماشفنا منها خير .. العوض على الله

الأخت الكريمة ( كل القصايد ) اعتذر للخطأ الغير مقصود
الأخت الكريمة ( شقية ) أجل كلنا في الهوا سوا
أمس شفت أعلان وظائف أكاديمة في جامعة أم القرى شوفيها يمكن تلاقي شي يناسبك
والله يرزق الجميع الوظيفة اللي يتمناها

الأخ الكريم أحمد شرفني مرورك ومشاركتك
( خلق الأنسان من عجل )
وأظن الانتظار قرابة السنة تجعل الصبر ينفذ

الأخ الكريم عاطل مستاء شرفني مرورك ومشاركتك
يقول الشاعر ( ما أضيق العيش لولا فسحة الأمل )
يبقى الأمل في الله كبير بتيسير الوظيفة والرزق

..


أحرقت الشهادة ولا ما أحرقتها مادروا عنكم
والرزق مو من عندهم حتى لو جات أكبر الواسطات دام ربي ما كتبه ،
أنصح نفسي قبلكم : " زيّنها مع الله تزين " لننظر لمواضع الخلل بعلاقتنا مع الرازق ونصحّحه وبنلقى ضالّتنا بإذنه ، بتقولون كلام مكرر وحنا مو مقصرين مصلين وصايمين وغيرنا ما يصلي ووو.. فتّش عن النية النية النية وعباداتك الخفية ، أي شخص تحبه ولا تتواصل معه إلا كأداء واجب أكيد بيحسّ تجاهك بتهميش أو تجاهل ولو جيته بوقت حاجة وماعطاك لا تلومه !! فكيف بالكريم -تعالى وجلّ- اللي متفضل علينا بكل النعم حولنا ومهما قصرنا بحقه يعطينا ، تتوقع لو تقربت منه وأصلحت كل اللي بينك وبينه وبحثت عن كل وسائل رضاه بيرجعك خايب ؟ محتاجين حسن ظن وإصلاح قلوبنا ودعاء ؛"
هالكلام عن تجررربة الكثييرين ممن فتح الله عليهم ورزقهم وكيف تحوّل حالهم وأغلب قصصهم موجودة بهالمنتدى بقسم التجارب الوظيفية الناجحة على ما أظن ..
و أنصح بقراءة طريقة التوكل على الله لمشاري الخراز

ربي يرزقنا ويّاكم كل خير .

ما أحرقت إلا تعبك ولا أحد درا عنك الله يهدينا وإياك ويرزقك من واسع فضله

مالنا إلا نصبر ونرجي هالحي القيوم ولا غيره مابيدنا شيء بس اللي سويته

غلط في حق نفسك وتعبك الواحد لما يتعب يحافظ على النتيجة اللي وصل لها مهما كان

عموما طلع بدل فاقد من شهادتك حتى لو تبروزها وتعلقها في غرفتك وادع ربي من كل قلبك

رب العالمين سبحانه كرييم ورزاااق بس لازم نتوكل عليه بالشكل الصحييح وندعيه في الرخاء قبل الشدة

الله يوفقنا ويرزقنا وإياك .