الحمد الله تاهلت جاني مسج وفتحت الموقع طلع لي مؤهل ..
وش اسوي الحين ؟ لان كاتبين الاطلاع ع دليل حافز وشو هذا وكم مره اطلع عليه !

الحين وش اسوي وكيف احدث وكل كم يوم .. تو بالموقع مكتوب لازم تدخلين قبل نهايه يوم الاربعاء القادم عشان ماينخصم منك
يعني يوم الثلاثاء الجاي ادخل !
وادخل وش اسوي ؟

ومتى بتنزل لي الفلوس ؟ واذا نزلت يجي مسج انها جت حسابي ولا كيف اعرف انها نزلت كامله وكذا


ومكتوب عندي غير مؤهل لخدمات التوظيف فقط وش يعني

ع البركه ياخوي وتصرفها بالعافيه طبعا راح تنزل لك يوم 5/3/1435

موفق

يسلمو شكرا

بس باقي استفساراتي ابي احد يفهمني خصوص موضوع التحديث ماعرف

التحديث عادي تدخل كأنك بتشوف انت مؤهل او لا

اول صفحه حط صح وانزل تحت صح واتنتقل للصفحه اللي بعدها بيقول سجلت دخول ناجح في تاريخ ... الخ

التحديث افضل لك كل ٣ ايام ادخل عشان مايخصمون عليك والا لو الموقع كان معلق وقت تحديثتك... فالافضل كل ثلاث ايام تدخل

الفلوس تنزل بتاريخ ٥ او ٦ من كل شهر

اذا انت مفعل خدمه الرسائل بالبنك بيوصلك مسج انه تم ايداع المبلغ بحسابك

دليل حافز حمله مره وحده تكفي...

طيب طريقه التحديث كيف ؟

بعد الصحين الي باول صفحه اذا جاني حق الواجبات والاستبيان وش سوي هنا ؟

وعقبها خلاص اسجل خروج ؟ ولا امشي على ملفي واحط احفظ واستمر

للمعلومية لازم تدخل على الاقسام الثلاثة اللي هي الاستبيان و الواجبات و الاعلام

اذا كان فيها واجب او استبيان لازم تعبيه

اذا خلصت منها تحت فيه استمر الى صفحة الاعضاء اضغط عليه راح تنتقل لصفحة اخرى ة يعطيك فوق التاريخ و الوقت باللون الاحمر و تاكد من التاريخ اذا كان نفس اليوم حدثت تمام اذا تاريخ قديم ما تحدثت البيانات.

الافضل تدخل اكثر من مرة خلال الاسبوع الواحد و اضمن من ناحية يمكن تواجه مشاكل في النت بعدين تكون مامن وضعك

يعني بس ادخل وحط صح الي باول صفحه
وشيك على الواجبات وكذا وانتقل الى صفحه الاعضاء

واسجل خروج ؟

ايه نعم بس كذا و راح اعطيك اياها بالخطوات من البداية

- ادخل على موقع حافز و سجل دخول
- تجيك صفحة الاقرار حط علامة صح في المربعين الاول و الخير و اكتب رقم الباركود في مكانه المخصص
- تجيك صفحة فيها 3 خانات: الاستبيان و الواجبات و الاعلام
- ادخل على كل واحد منها و اذا فيها شيء لازم تعبيه
- اذا خلصت منها اضغط على خانة استمرار لصفحة الاعضاء راح يعطيك التاريخ اللي دخلت فيه و التاريخ المستقبلي اللي لازم تحدث بياناتك فيع باللون الاحمر


افضل شيء تدخل عن طريق اللابتوب و تستخدم متصفح قوقل كروم
الايباد يمكن ما يفتح الملفات اللي في الاستبيان و حتى الجوال

الله يجزاك خير

شكرا ربي يرزقك ويوفقك