موضوع شامل الحرس الوطني 1435هـ

طموحي نظره عيونك · #**101** (**permalink**) 22-12-2013, 02:07 PM

انا عطوني جندي اول الكتيبه 123؟؟

ابي اعرف وش الكتيبه123؟؟؟؟؟

وشكرا,,,,,,,,,,,

مجردنك · #**102** (**permalink**) 22-12-2013, 02:46 PM

شباب ردو عليناااا اللي عنده علم .. انا من مكه وتصلو علي وما رديت وقدمت على التقديم الجديد هل اروح لهم الرياض او انتظر قبول المبدئي .. او اروح اقرب مكان لي بجده رغم ان جده مافيها تقاااديم

مبآرك الشمري · #**103** (**permalink**) 22-12-2013, 03:01 PM

اقتباس:

المشاركة الأصلية كتبت بواسطة برنسووو

أنا فني طب طوارىء ومقدم في الموقع ولا اتصلوا علي ؟

أروح لهم بالملف بكره الأثنين ؟؟ يعني باقي التسجيل بالملفات وإلى متى ؟

أو أنتظر رسالتهم ؟

التسجيل مازال مفتوح ,, ملفات وانترنت ,,

الافضل انك تروح لهم لانهم متساهلين مره ,, وانت تخصصك صحي ,, فا 90% ان شاء الله يقبلونك

مبآرك الشمري · #**104** (**permalink**) 22-12-2013, 03:10 PM

اقتباس:

المشاركة الأصلية كتبت بواسطة ولد شخصيات

طيب انا طولى 157 يقبلوني لاني رحت قبل فترة وطردوني على الطول

وبعدين لو اصلح عملية ليزر راح توضح لهم واالا لا

أنت روح لهم بالقبول المبدئي وقولهم طولي 163 ,, وراح يمشونك بالاجراءات ,, وتخلص كل الاوراق ,, ويعطونك موعد للكشف الطبي

(( اذا جاء الكشف الطبي شغل واسطاتك أو حسب تقديرهم لك ,, يمشونك او لا ))

بس انا انصحك حاول ,, لانه تقديم على وظيفه ,, يمكن يتم بالقبول ويمكن بالرفض ,,

وبالنسبه اذا عندك مشكله بالنظر وتبي تسوي عملية ليزر ,, عادي سوها ,, وراح تنجح بالنظر

لانهم راح يحطون لك ارقام مع رموز [[ @ # $ % ^ & * - + ]] ويسئلونك اوش هالرمز اللي قدامك (مره للعين اليمنى ومره لليسرى )

أتمنى أني افدتك ولو بالقليل ,,

مبآرك الشمري · #**105** (**permalink**) 22-12-2013, 03:15 PM

اقتباس:

المشاركة الأصلية كتبت بواسطة سنة عطالة

ياشباب الي قدم عن طريق النت ينتظر منهم خبر
او اروح لهم واعطيهم الملف
تكفون افيدوني بسرعه..

لاتنتظر الرساله اذا انت خريج جامعه او كليه ,, روح لهم وراح تنقبل باذن الله تعالى

مبآرك الشمري · #**106** (**permalink**) 22-12-2013, 03:19 PM

اقتباس:

المشاركة الأصلية كتبت بواسطة مجردنك

شباب ردو عليناااا اللي عنده علم .. انا من مكه وتصلو علي وما رديت وقدمت على التقديم الجديد هل اروح لهم الرياض او انتظر قبول المبدئي .. او اروح اقرب مكان لي بجده رغم ان جده مافيها تقاااديم

روح لاقرب ادارة تجنيد الافراد عندكم ,, قدم عليهم وامورهم تساهيل كلها ,, مافي تعقيد

ومثل ماهو موضح لك تحت ,, تستطيع الاتصال بهم ,, اأو الذهاب إليهم كما هو موضح بعنوانهم ,, (( الافضل لك تذهب بنفسك ))

الجهات والمكاتب المسؤولة عن القبول
1-الرياض/ هيئة شؤون الأفراد / إدارة التجنيد ، حي الربوة ، شارع الأمير بدر بن عبدا لعزيز ، هاتف مباشر 4933620
أو 4912222 تحويله 28004
2-جدة/ إدارة شؤون الأفراد / قسم التجنيد ، شارع الميناء ، خلف مبنى وزارة الإعلام .
هاتف 6711334 تحويله 363 – 364 – 365
3-الدمام / إدارة شؤون الأفراد / قسم التجنيد ، وكالة الحرس الوطني ، طريق الخبر.
هاتف: 8580000 ، تحويله : 24307

طموحي نظره عيونك · #**107** (**permalink**) 22-12-2013, 03:57 PM

شباب بليز ردو علي انا عطوني جندي اول والتخصص ماعرف والكتيبه 123؟؟؟

ابي افهم وش الكتيبه 123؟؟؟

عايش في حلم · #**108** (**permalink**) 22-12-2013, 04:01 PM

يا شباب اللي سوا الادلة الجنائيه وين موقعهم في الرياض

حارس بلدية · #**109** (**permalink**) 22-12-2013, 04:25 PM

الله يمسيكم بالخير جميعا اخواني وهذي اول مشاركة لي وان شاء الله افيد واستفيد بخصوص تقديم الحرس ان خريج كلية تقنية تخصص قوى كهربائية لكن المعدل مقبول وقدمت واخذت رقم طلب لكن ماجاني اي اتصال منهم مادري هل يدققون على الطول والوزن لان طولي 160 ووزني 68 وبالنسبة للعمر مشددين ولا لا اسف على الاطالة

اتمنى اعيش معك · #**110** (**permalink**) 22-12-2013, 09:32 PM

[align=center]
شباب جزاكم الله خير
ابيكم تفيدوني
انا قدمت على الحرس الوطني معكم فـ التقديم 05/02/1435هـ وإلى الان ماجتني رسالة منهم وش السالفة انتظر من زمان وشكلي متحطم ...
وعندي استفسار انا معي دبلوم الكلية التقنية تخصص إدارة مكتبية ,, وش يعطوني رتبة هل هي صحيح وكيل رقيب ,, بس في واحد من الشباب هنا معه تقنية نسيت تخصصة الوكاد يقول عطوه عريف هو سئلهم قالو له قفلت الارقام حقت الوكيل رقيب
بس ربي يعطيكم العافية تقبلو مروري
[/align]

موضوع شامل الحرس الوطني 1435هـ

إستفسارات ونتائج الوظائف العسكرية

1- أين ستعقد الدورة , وكم مدتها , ومتى تبدأ , وأين سيكون التعيين بعد الدورة ؟ 2-آليه الكشف الطبي ؟ 3-كم راتب الرقيب/وكيل رقيب/عريف/جندي أول؟ 4-ماهي...

موضوع شامل الحرس الوطني 1435هـ

تسجيل الدخول

موضوع شامل الحرس الوطني 1435هـ

إستفسارات ونتائج الوظائف العسكرية

1- أين ستعقد الدورة , وكم مدتها , ومتى تبدأ , وأين سيكون التعيين بعد الدورة ؟ 2-آليه الكشف الطبي ؟ 3-كم راتب الرقيب/وكيل رقيب/عريف/جندي أول؟ 4-ماهي...

موضوع شامل الحرس الوطني 1435هـ