كيف حالكم ياجماعه
ادخلبكم بصلب الموضوع
انا الحين ادرس بمعهد نيورهيزن دبلوم شبكات سيسكو المهم
دقيت على الخدمه المدنيه ابسالهم عن تخصصي يمشي بالتوظيف قالي الى الحين ماتوظف احد
جاني احباط
تكفووون هل فيه امل مستقبلا اتوظف حكومي

سيبك من الخدمة المدنية عندك الصحة يقبلونك والشركات والكهرباء

تقدر تكمل دراستك .. إذا شهادتك الثانوي علمي

وش تبي في الحكومي اذا شهادتك سيسكو

ياخي عندك القطاع الخاص يعطونك الراتب الي يناسبك وافضل بعد

الحين القطاع الخاص تغير وصار افضل

انا زيك كنت افكر في القطاع الحكومي بس يوم دخلت الشركات وعرفت النظام عرفت ان القطاع الخاص افضل لانها تخليك تتطور وتصير احسن لان القطاع الخاص يخلك تختلط مع اناس غير سعوديين وهذا يخليك تكتسب بعض من الخبره

بالرغم ان بعض الاجانب يجيبون رفعت الضغط بس انت اخذ الجانب الجميل واترك عنك الجانب السيئة

هذا كان ما في خاطري وكل واحد يعرف وش يرغب فيه

الخدمه المدنيه استغرب ليش كل من يستفسر يقولوا نفس الكلام تقريبا باغلب التخصصات
بما انك بديت كمل والله كريم
مالنا الا الصبر الله يرزقك ان شاء الله

أذا كنت دارسها عن رغبه وقتناع فكمل فيها ولا يهمك كلام الخدمه المدنيه
وترى من جد كلام الاخوان عن القطاع الخاص صحيح ميه الميه
وبعدين ترى فيه قطاعات حكوميه يشغلوك
أضرب لك مثال بوزارة الصحه تقنية المعلومات كلهم مثل شهادتك الى اعرفهم زين
الحين يوضفون بالتشغيل الذاتي والتعاقد
والله يختار لك الصالح

تخصصك زين و حلو بالسوق

خلك من الخدمة المدنية لاتحصر نفسك بوظايفها اللي ما دري متى يتكرمون ويعلنون عنها !
هذا المدرسات مافادوهم للحين !

عندك مثلا وزارة الصحة قسم تقنية المعلومات يقبلون الي يثبت جدارته في الاختبار و الادارة معك بنفس القسم يعني حتى تاخير الراتب مستبعد فيها وغير كذا رواتبهم حلوه

والله يكتب لك الخير

انا اشوف انك أقدمت ع خطوه انه فيه تحديد مستقبل اهم شي أستخير وتوكل ع الله ويمكن الله مخلي لك الموضوع فيه حيره ويكون لك خير فيه الي الأفضل والله يكتب لك خير يارب

والله ي اخوي الرزق بيد الله لكن شوف مستقبلك وين وابحث لاتضيع عمرك على شي مامنه فايده


اعرف واحد نفس تخصصكك وعلى طول توظف بنك مرتب عالي على كلام اخوي دعوااااااتك لي .....