لو منطقتك محتاجة حضانه افتحي حضانه مو شرط تكون كبيرة مثل مشاريع المدارس
خليها بسيطه وعلى قدر حاجة المنطقة يعني شي يكفي 15 طفل
تكلفتها ايجار دور او نص دور يطلع يمكن 10 الاف حسب مكانك
صبغ الجدران الوان وتأثيث المكان ارضيات لباد ملونه تناسب الطفل وارجوحه او اثنتين و ثلاث عربة اطفال رضع ودراجات رضع الدائرية وثلاث سراير وكملي وزيديها بعدين حسب قدرتك
وشوية العاب وتعليقات في السقف فراشات وصور ونجوم وبالونات هاديه وابتعدي عن الالعاب الحاده او الكرات لان فيها ضرب وبكاء وابتعدي عن الالعاب البلاستيكيه وخذي الاسفنج والقطن حلوين
ووفري ادوات نظافة ومناديل وفرشاة تنظيف زجاجات الرضاعه وغسالة صغيرة لملابس الصغار لو استفرغوا ومعقمات للمكان وغلاية ماء وطفاية حريق وابتعدي عن معطرات الجو ومع
طرات الارضيات لان الاطفال بعضهم يتحسس صدره منها بدون تحسين
والافضل تجيبين دولاب مقسم درج لكل زبونه يكون فيه
( كيس بامبرز وكيس مناديل وعلب حليب وزجاجه رضاعه احتياطيه وعضاضه ولهايه وشراشف للطفل وطقمين ملابس احتياط للتبديل لو استفرغ الطفل << الملون بالاحمر هذا كله على الزبونه تجيبه لطفلها كمية تكفي شهر وتحطينه في درجها الخاص وعليه اسم الطفل )
ولا تحتاجين وسائل تعليميه وسبوات وطاولات الا شي بسيط مثلا طاولة وحده واربع كراسي لان انتي في حضانه وليست روضه
هاذي امثله للصور
طبعا انا قلت لك حضانه مو روضه لان الحضانه ابسط في التجهيز وسهل توفرين معك موظفه او اثنين ورواتبكم تختارين تكون ثابته او تتقسم بالنسبة عن كل طفل تمسكه الحاضنه
انا شفت كثير حضانات كل حاضنه مسؤوله عن خمس اطفال وسعر الحضانه من 300 الى 500 غالبا للطفل الواحد وخصم خمسين 100 ريال لو طفلين
ويمكن يكفي وجودك انتي فقط في البداية مع خمس اطفال ولو زادو هاتي موظفه معك والافضل سعوديه عشان ما تستقدمين عمالة
واعتقد ان الحضانه ما تحتاج ترخيص تجاري والله اعلم
الشي اللي بعد التجهيز هو الاهم انك توزعين كروت فيها اسم الحضانه وموقعها ورقم التواصل والاسعار
والزبائن المهمه تكون الطبيبات خاصه المقيمات و المعلمات وباقي الموظفات وطالبات الجامعه
يعني احرصي تتركين رقمك في غرفة المعلمات في المدرسة معلق وفي تجمعات الممرضات وغرف الطبيبات
ووزعيه في قاعات الجامعه والصقيه على المداخل ولوحات الاعلانات وقريب من منافذ البيع في الجامعه
الشي اللي يجذب الزبونه وهو المهم بالنسبه لها هو ان تكون الحضانه مفتوحه من بدررري ولاطول وقت ممكن الى الساعه 2 او 3 الظهر مثلا
وطوري من خدمات الحضانه خليها تستقبل اي وقت بالاتصال مثلا لو الام عندها موعد عند الطبيب او مناسبة او طالعه مشوار اكتبي في الكرت انه يمكنك استقبال الطفل في اي وقت 24 ساعه وسعر الساعه 10 ريال
انتي حددي الاستقبال من خمسة ونص او سته الى 2 واي وقت زائد تعاملي معه بالدفع 10 ريال عن كل ساعه تأخير
مواضيع يمكن تفيدك
> اضغط هنا
> وهنا
> وهنا
> وهنا
طبعا الكلام كله كتبته من نظرتي للموضوع وحاجتي انا كأم لطفلي
لان جميع الحاضنات متشابهه ولم تعجبني خاصة في مسألة الافتتاح في الصباح متأخر اتأخر على دوامي و الاغلاق المبكر الساعه 12 وانا باقية في دوامي وايضا غلاء الاسعار بعضهم 800 للطفل كثير
لو الموضوع يناسب مكان سكنك راح يكون ناجح جدا
ولو قدرتي تاخذين مكان في طريق مستشفى او جامعه راح يكون دعاية حلوه لك
او خذي مكان بعيد لكن احرصي على الاعلان في النت ونشر ملصقات في التجمعات النسائية
اذا اعجبك الموضوع ولو انتي من القصيم نتعاون انا وانتي فيه لانه في بالي
موفقه
24-12-2013, 12:38 AM
العرض العادي
