بسم الله الرحمن الرحيم

اسعد الله ايامكم ورزقم الله من حيث لاتحتسبون :

انا سجلت بالمننتدى لاعجابي به ولاني طالب الرزق والله يجعله من ابواب الرزق على وعلى غيري من المسلمين وماحب اطول عليكم انا مبتدى بالتجاره على خفيف ومادتي ضعيفه بصراحه والنشاط الي اشتغل فيه شغلات نسائيه غالبا مثل (( الاكسسوارت _ العطور _ الشنط النسائيه _ المكياج بس على خفيف )) وقلت اذا فيه احد عنده الماده بس مو فاضياو مو عارف يجيب البضاعه من اسواق الجمله اوماعتده جهد مستعد اني اوفر له البضاعه ان بجهدي وهو بماله لو حب ويكون الربح لى بالنسبه _ واطلب من اي من الاعضاء الي يقدر يفيدني مثل ماسمعت من اخوي فتى نجد انه يعرف بعض الموارد او التجار في الشغلات هذي خارج سعوديه او داخله اتمنى يفيدني ومايحرم الاجر انشالله وبالنسبه للمشاركه فانا مستعد بجهدي لاني كما ذكرت من ناحية الماده فلست بالميسور ولاكن ان تصل متاخر خيرا" من الا تصل .

واتمنى من الاعضااء المساعده في افادتي بخير الموارد في هذه الشغلات غير مدينة الرياض لاني اعرفها وبالله التوفيق .

طيب اخوي انت وين مكانك وابي اسال بكم يعني بيطلع لك قطع الاكسسوارات سعرهم لانه انا موجود بالدمام بس افكر شلون اجيب البضاعه من برا ابي واحد يكون معاي ونا من قبل طرحت موضوع شبيه لهذا الشي يعني انت في مكان كل شي رخيص نتعاون ونستفيد اثنينا انتظر اجابتك اخوي .؟؟؟؟؟

اهلا وسهلا اختي / heavenmoon

والله يعافيك على الرد ويجزاك خير وخليك متواصله معي اول باول وادعمي مواضعينا الله لايحرمنا مشاركاتك اختي _ وبخصوص اسواق جده اشكرك وفعلا سمعت عنها وعن الميناء بعد لاكن المشكله راس المال والمسافه برا من الرياض الى جده شوي بعيده(( والفين 2000ريااال))احس ماتساهل العناء ولهذا السبب حبيت اذا فيه احد عنده راس مال اجيب له البضاعه عنده ويكون لى حصتي لتعبي كتوفير البضاعه من السوق والبيع عليه طبعاا (( يعني باختصار انا مستعد اسافر لان السياره وعندي والعمل انشالله اجازه كم يوم والى اشوفه ان جده يمكن افضل مكان لانها مايلزم فيها الجمركه ودبي حلوه ولاكن مشكلة الجمرك بيكون شوي اصعب واطول وقت من جده بحكم انها بدون جمرك .والي حاب يتعامل معي بماله وانا بجهدي فالله يحيه وبالنسبه للنشاط بصراحه انا فهم فهم الى حد ما حلووو في هذي النشاطات (( اكسسوارات _عطور _ شنط وابواك _ ساعات )) لاني بعت وشريت فيهم والحمد الله الشغل فيهم مربح بعد توفيق الله وخاصة في المواسم بدون ادنى شك ... وبالله التوفيق .


* ومن يكون عنده وجهة نظر تفيدني بشكل او باخر لايبخل علينا ترى المساله اخذ وعطاء ولاتحقر من المعروف شى .

حياك الله اخوي / تاجر المستقبل ,,

ارسلي رقم جوالك على الخاص ..... وإن شاء الله خير .

وموفق بإذن الله .

هلا وغلا اخوي //جرح سيهات
يشرفني مرورك وردك العطر ويشرفني التعاون معك _ حبيت ارسل لك مسج على الخاص لاكن مشاركاتي اقل من العدد المسموح _ المهم ماعلينا بخصوص مكاني انا من الرياض بخصوص القطع ماقدر احكم على سعرها لان الي اعرفها باسواق الرياض انه تختلف من قطعه لقطعه ومن تاجر لتاجر لاكن المساله اشوف انك لازم تنزل السوق وتشوف بنفسك وعلى فكره ان قبل فتره نزلت عندكم بالشرقيه ونزلت سوق الجمله بالدمام المعروف(( بسوق الحب)) وفيه حاجات حلوه بس اسعاره اسعار الرياض مع انه بصراحه اسواق الرياض افضل واكبر واكثر من سوق بالرياض تقدر توفر بضاعتك حتى اني طلعت للميناء بالشرقيه حسبالي انه مثل جده لاكن للاسف قالو انه يختلف عن ميناء جده ولازم يكون معك تصريح بالدخول وسالفه طويله وعريضه ورجعت مادخلته ولا شفته _ لاكن فيه حاجه احب اوضحها بسوالك وهو انك تبينا نتعاون فاذا انا رحت معك فما اضن بستفيد شى لاني بدون مال الا اذا بتعطيني على سفرتي معك <<< امزح _ لاكن بصدق ذهابي معك بدون راس مال معي فما اشوفه مجدي الا اذا تبيني من باب الاخوه فابشر ويشرفني بس كان قصدي انا استفيد وافيد بحيث ان بعض الناس عنده راس المال بس ماعنده الوقت او انه ينزل ويتبضع من اسواق الجمله فكذا انا احاول اجيب الي يبيه وتكون الفايده باتفاق بيني وبينه والله يعين على تشرطكم يالتجاااار _هههههههههههه .

اتمنى اتواصل معك وارسلي على الخاص اذا حاب والله يحييك أخو عزيز يالغالي ويكفيني ربح اخوتكم بالمنتدى .

الله يوفقك بصراحه فكرة بالمرة حلوووة

وإن شاء الله نستفيد منك بالأيام الجايه ..

للاسف اخوي فتى نجد ماقدر ارسل رقم الجوال على الخاص لان مشاركاتي اقل من الحد المسموح فياليت ترسلي جوالك وانا ادق عليك اذا تكرمت استاذي .

تسلمين اختى / عاطله من الشرقيه وانشالله نفيد ونستفيد ومروك عطر الموضوع استاذتي الغاليه .