فيه وحده تعبت من شغل البيت وحبت ترتاح شوي وتتغلا على زوجها طبعا لماجاء جلست تشتكي وتقوله ماأدري وش فيني

تعبانه ومالي خلق ماأدري وش فيني طبعا الزوج ذكي قال لها لا سهله راح أجيب معي عشاء من المطعم وأنتِ ارتاحي

وإذا تعبتي اتصلي علي طبعا طلع الزوج وراح للإستراحة واتفق مع أخوياه إذا اتصلت زوجته يفتح الاتصال ويبدون

أخوياه يتكلمون عن التعدد وطبعا الأخ ماقصر اتصلت زوجته وفتح الاتصال ومارد عليها وراح يتكلم علي أخوياه ويشتكي

إن زوجته تعبانه ومايدري وش يسوي وأخوياه كلهم صاروا يقولون له أن الحل الوحيد انك تتزوج ثانية واللي يقوله كبرت

وخلاص تعبت وأنت ماشاء الله عليك طبعا الزوجة مايحتاج أقول لكم وشلون تلون وجهها وتتسمع وهي ساكته وطبعا واحد

من أخوياه قاله ازهلها عندي أختي توها متخرجة من الجامعة لوتبيها زوجتك إياها الليلة طبعا يكذب بس يسمّعون الزوجة

المسكينة والثاني يقول القصر علي والثالث يقول والرابع وطبعا راحوا يعرضون خدماتهم علي خويهم وشوي يفصل

الاتصال وانتظر نص ساعة واتصل عليها وبدأ يعتذر منها ويقول لقيت لك اتصال وماانتبهت فيه شي حبيبتي تعبانه شي

وطبعا مابين لها شيء ولاسألها سمعتي شي يعني كأنه مايدري أنها سمعت شيء وبدأ يطمن عليها قال تبين شيء شوي

وأجي أجيب العشاء معي الزوجة المسكينة حلفت أيمان مغلظة أنه مايجيب لاعشاء ولاغيره وحلفت له أنها لاتعبانه ولاشي

وأن اللي فيني صداع وأكلت مسكن وخفيت مافيني شي ومحضره لك عشاء يحبه قلبك واستناك علي نار وأنا مافيني

إلا العافية والله عرفلك الرجال وعرف كيف يخليك تنقزين زي الحصان

قصة حقيقيه..


وصلتني هالقصة وعصبت منها يعني لييييه حتى الشكوى( بعض )الرجال يحرمونها على زوجاتهم

إذا أنت ياسبع البرومبه لما تكبر تتقااعد من عملك وتأخذ إجازة شهر بالسنة غير إجازة نهاية الأسبوع

هذا وأنت تستلم راتب ودوامك كم ساعة وشلون ذا الضعيفة اللي 24

سااعة تكرف في بيتك لك ولعيالك رفقااا بالقوااريير لاتتلاعبون بمشاعرهن ريحوهن جسديا ونفسيا الحياة

شراكة مو تسلط أنا ما أنكر ذكاء الزوج لكن لو مكان الزوجة دعيت عليهم كلهم في كل ليلة على هالآراء البايخة اللي تدل

عالأنانية المطلقة يبون الحرمة 24 ساعة بصحة وعافية ومالها حق تشتكي ولا تتألم وإذا اشتكت مسكوا سيرة الثانية

ماأقول إلا هداكم الله وطبعا مو كل الرجال كذاا فيه بعضهم ماشاء الله مقدر درجة أولى بس تسني به نادر

طيب هذا الي ابيه انا كرجل تطبخ لي وتغسل هدومي وتكويلي وتعطيني كل حقوقي ما دام اني اعطيها كل حقوقها
يعني وش تبين رجل على رجل وافلام وطلعات وخرابيط مو مشكله تاخذين طلعات ورجل على رجل وافلام وو بس مو دايم
اساسا ما عاد فيه زوجات من هالجيل صح كلهن دلع وخوف بعد وشغالات واذا صار شي من جرائم هالشغلات تجاه الاطفال قامو يتبكبكون بعد ما طاح الفاس بالراس
وانصح اي واحد يبي يتزوج لا يعود الزوجه على الشغاله

..



لا تعلمينهم هالخطط الإبتزازية ترا بيحطونها براسهم : p

بالنسبة لأخونا في الله صدق أنه ذكي بحركته بس ودّك أنه سوّاها وهي مهملة مقصصرة ..الخ
مو تعبانة المسيكينة تبي أحد يوقف جنبها ، و غالباً بعض التشكي عند النساء غرضه طلب الإهتمام
ولفت نظر الزوج والتقدير لو بكلمة تُكتب له صدقة ، وهو ماقصّر زوّد همها همّ .. حزّنتني ؛(

سبحانك اللهم وبحمدك نشهد أن لا إله إلا أنت نستغفرك ونتوب إليك .

من كانت له حيلة فليحتال

والله إني دائما انبه على أخواني وأقاربي
اللي كل سنة بـ ( بزر ) إما أن تساعد في شغل البيت
أو الله لا يهينك تجيب شغالة ..
لأن من جرب عمل البيت يعرف إن الله حق

[align=center]ياااااااااااااااااااااازين العزوووووبيه زينااااااااااااااااااااااااااااااه [/align]

[COLOR="Blue"]
بناخي مرزوقه

الله يصلحك هي ماقصرت المرة تعبت من شغل البيت تراها آدمية مثلها مثلك من لحم ودم تحس وتتعب

ترا حتى الآلة تفضى بطاريتها وتنتهي أنت بالذات لازم تراجع حساباتك قبل تقدم على الزواج الأفكار اللي عندك تحتاج

دورات مكثفة عن الحقوق والواجبات الله يهديك .



نسيان

صدقتي ياوخيتي مايدرون وش أثر الكلمة والتقدير على الزوجات ياعمري هالحريمة ماتبي إلا كلمة طيبة وتقدير

هي ماقصرت هلكها الشغل وبغت راحة بعض الساعات واستكثرها الله يهديه ويسخره لها ويسخر لبنات المسلمين

أحمد
يحيا العدل يحيا العدل الله يجزاك خير جد في سعيك بالنصح والإرشاد <<




عذاب الجرح

كل مرحلة لها مميزاتها والله يرزقك الزوجة الصالحة اللي تسعدك وتهنيك وكل عزاب المنتدى

أتفق مع الأخ بناخي في رده

لكني ضد حركة الزوج المذكروة في القصة

للبيوت أسرار يعرفها الصغير قبل الكبير فاذا كان الزوج لا يعرف كيفية الحفاظ على اسرار البيت فهو غير مؤهل أن يكون زوج أصلاً حتى يتزوج الثانية

أنا لا أؤيد التهديد بالزواج ولكنه بعض الاحيان يكون أفضل حل لأنهاء الخلاف بأسرع وقت

^^
اسمح لي أنت وبناخي رأيكم أحترمه لكن ليش نظرتكم للحرمة أنها غير قابلة للتعب بس تكرف تكرف تكرف!!!

هي ماقصرت بس يوم من الأيام تعبت وطلبت ترتاح ماكفرت ولاسوت منكر لكن الله يعين بنات حواء على بعض الأوادم

بالنسبة لكلامك عن أسرار البيت صدددقت فيها لا والأخويا جاهزين للفزعة وتسميع بنت الناس مافيهم من نصحه

ولا قال ريحها اليوم ولا سو لها مفاجأة هي ماقصرت طلعها تتعشى في مطعم بدل حكرتها فالبيت غير جوها بسفرة

داخلية أي شيء ينسيها تعبها ويحسسها أن لها قيمة وقدر عنده موب تحس بعدم الأمان والخوف الدائم وأنها لو تتعب

بيرميها ويدور على غيرها شعووور صععععب صعععب مثل شعور الرجال لما يفلس فجأة وزوجته تطلب الطلاق تقول ماتعودت ع هالعيشة

ماراح تقولون مافيها خيير !!! ترا نفس القضية اللي يسوي في أم عياله كذا لسبب تعبها مافيه خير .

الرجال يبون الاله شغاله 24 ساعه لو تتعب يوم قال بتزوج.. شي يرفع الضغط
ليه ماتمرض ماهي بششر تفكيرهم عقيم واناني
بعدين اللي يطلع اسرار بيته عند القريب والبعيد ماهو رجال ولاهو قد مسؤوليه .

من لا يرحم لا يرٌحم

ليه ما اكون الشخص اللي انتشل التعب والارهاق منها ...
ليه ما اكون الشخص اللي اريحها من شغل البيت أيام محدودة ترد لها انفاسها وصحتها ...
وش الخساره اني افاجئ زوجتي بشي يسعدها كعزيمة بمطعم او اي شي يخليها تنسى التعب اللي هي فيه
وش بخسر اذا انا كلمت زوجتي او اختي وقلت لها لا تسوي غد وتتعبي نفسك او بلاش تغسلي ملابسي وتكويها بوديها مغسله ارتاحي اليوم وادري ما بتقصري علي بشي ....


للاسف بعض العقول لا تتقبل النقاش بهذا الشي
مثل القصة مزح بسيط مع زوجته بس اجبرها انها تشتغل بتعبها وبأرهقها ولا قدر او ضرب حساب انها هي انسانه تتعب مثلي مثلها

كلمة اخيره
رفقا بالقوارير ..........

يعيطك العافية خيه