السلام عليكم
وشر ايكم بدوام فترتين
من 8.30 ص إلى 1 ظ
ومن 5 إلى 9 م
مع أن الراتب مغري جدا جدا جدا
لكن الدوام بعيييييييييد جدا عن المنزل أنا اسكن حي العزيزية جنوب الرياض والدوام في مخرج 4 شمال الرياض
وتدرون مع زحمة الرياض صعبة الواحد يروح مرتين ويرجع
هل منكم من جرب دوام فترتين يحكي لنا واقع تجربته لانو الراتب مغري لكن أيضا لجسدك عليك حق

وعليكم السلآم
جدا متعب الدوام وخصوصا زي ما قلت بعيد وتعرف زحمه الرياض تكره عمرك , واهم ما على الواحد صحته ونفسيته , اشوف راتب جيد ودوام فتره افضل من فترتين حتى لو راتب عالي

والله بعييييييييييييييييد بقوة ..
اصلن تطلع وحدة مايمديك توصل بيتكم الا الساعه 3 العصر
وش يبقى علشان ترجع للدوام الفترة المسائية

لاكن اذا فعلا الراتب مغري ع كلامك
استاجر لك شقة او غرفة حولهم ..

ربك يحلها لين تحصل باللي افضل منها

الدوام فترتين ، كـانك تداوم اصلا من 8.30ص الى 9 م ، الفترة الي بين الشفتين بريك ماتحس فيها ولا يمديك اصلا

اذا بيتكم اجار ممكن تقرب لشغلك ، بس لصار ملك ودوامك بعيد كذا جرب شهر اذا اعجبك ولا بتلقى غيره

الحل سهل

دور غرف عزاب تأجير ( رخيصة )

واستأجر لمدة شهر

وجرب الوضع

وفي الاجازة الاسبوعية خلك عند اهلك



لقمة العيش تتطلب بعض التضحيات والتغيير

شوف الهندي والبنقالي وين اهله ؟؟ وين دولته ؟؟ وين مدينته ؟؟ وين بيته هناك ؟؟

ليه جاء للرياض والا الدمام ؟؟

عشان لقمة العيش

وانت ان شاء الله امورك طيبة


دور اقرب غرف عزاب للآجار ....جربها شهر او شهرين
والله يوفقك

مثل ماقال اللي فوق ..

جرب شهر .. وم تدري يمكن تفتح لك امور كثيره

اسال الله التوفيق لي ولك وللجميع

والله مشكلة فترتين وزحمة ولا غير كذا بعد يسألك ليش متأخر وخصم ومادري أيش أخذ لك أقرب شقة الآجار

وأن أعجبك الوضع خلك وأذا ماأعجبك أطلع منها

وعليكم السلام ورحمة الله وبركاته

من واقع تجربه سابقه كول سنتر .. نفس عدد ساعات دوامك بس إشراف فترتين .. آخذها وانا في نفس المبنى نطلع قروب نتغدى أشغل نفسي بجهاز يمر الوقت، عملي كان بمحافظة جده ومقر السكن بمكة طبعاَ من مكه لمقر العمل "مائة كيلو " اصحى بـدري وأمسك الخط على شان أتفادى أي زحمة في طريق الميناء وسبحان الله ميسره الأمور لغاية سنتين ورجعت كل إنسان له طاقة معينه
( مميزات وراتب مغري )

أمامك واحد من الخيارين

هل أنت عمر وعافية بعد مدة تتعود وتواصل على هذا الوضع، وتكون علاقات وتشوف أفضل بنفس القسم

أو

تستمر لمدة زمنيه و تمل مثل ما سويت أنا بعد سنتين وحصلت أقل ( ماهو مغري ) بجانب المنزل
في السكة الثانية وابشرك فترتين.



هـذه من واقع تجربه شخصية من الماضي وما زالت مستمره

ماشاء الله الأعضاء ما قصرو

ما تدري بعد الصبر تفرج وتُـفتح كل الطرق

الله يوفقك ويوفق الجميع

أشكركم جميعا على الردود القيمة
قال تعالى
:
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

وأسأل الله أن يوفقني وإياكم وجزيتم خيرا