وش اللي كملي معاهم ..!!

يعني تكمليين وانتي محروق قلبك على حالك وتعبك و رزقك ..!!

الظاهر الاخوات اللي يقولولك كملي شكلهم مديرات في القطاع الخاص او صاحبات اعمال وما يبون سعوديات.

انا انصحك انك ما تسكتين عن حقك ودقيين عيونهم وتدخليين على اعلى مستوى في الشركه وتفهمي الموضوع ومن حقك..


هذي مشكلتنا بالسعوديه دايم نسكت ونمشي اليين يووطون على وجييهنا ويطردونا برا الشركات .. وبعدها ما ينفع الندم والمطالبه بالحقوق قد فات.

دقي خشومهم بالحق .. طالبي بحقك والتوضيح عن الراتب , هذا من ابسط حقوقك...

^^^

ما قلنا لها تتنازل عن حقها
لكن تكمل معهم عشان تاخذ الخبرة بدون مشاكل بدون انتقام بدون احتجاز شهادة الخبرة
تاخذهم على قد عقولهم بالعامية يعني
وبعدها تقلب عليهم و تشتكي و تسوي اللي تبيه
معليش ياخوي ما ينفع مع القطاع الخاص الا كذا

و لا حنا صاحبات اعمال و لاشيء
الا في البطالة متسدحين و لحافز منتظرين و شهاداتنا الجامعية مبروزة لا قيمة لها و لامعنى في هالبلد المفلوت

الموضوع بسيط جدا قدمي شكوى على مكتب العمل مع ارفاق برنت التأمينات الاجتماعيه وصورة من العقد

ياليت تفيدوني انا في موضوعي ...
انا توظفت في شركة اول ثلاث شهور تجربه وراتب متفق علية 4500 و بعد كذا وقعوني عقد ودعم من الموارد بشريه على ورق فاضي يعني على بياض ... الله العالم وش كتبو فيه عقب وكان ينزل في حسابي 4230 بعد خصم التأمينات 270 ريال .. المهم تحققت من اشتراكي لقيت انهم مسجليني المؤهل ثانوي وانا جامعية والراتب 3000 .
وبعدين شيكت على اسمي في موقع الموارد لقيت ان المسمى الوظيفى مختلف عن مسماي في شركة انا اداريه وحاطني حارسة امن وثانيا مكتوب الراتب خلال التوظيف 1750 ..
الان انا متخوفة ولي تقريبا 5 شهور معاهم وافكر بالاستقالة لان احس ان الدعم مافادني كثير بالراتب خاصه انو يجي مرة وحدة ..
ثانيا هل يأثر مسمى الوظيفي في التأمينات والموارد ؟؟ اطلبهم بالتعديل او اسكت .
وهل حسبتهم صحيحه او فيه اختلاس ؟؟

المسمى الوظيفي اكيد لازم يتغير لأنك في وظيفه غير عن وظيفتك اللي تشتغلين فيها الحين وثاني شي الدعم الموظف يندعم مرتين مو مره وحده وانا اشووف انك تقدمين استقالتك ولا تكملين ست شهوور معاهم عشان الدعم الثاني يشملك والله يووفقك