وعليكم السلام ورحمة الله وبركاته

حسب علمي البلدية هي التي تشترط مساحة المحل، وبمجرد حصولك على الرخصة من البلدية تمشي أمورك في استقدام العمال

ياليت أحد يصحح لي إذا كنت غلطان

وبالتوفيق

صحيح كلام اخوي راع الجيب
اذا عندك رخصه من البلديه للمحل يحق لك تستقدم عامل بعد ما تفتح لك ملف بمكتب العمل وملف في التامينات وتحتاج تفتح بريد واصل قبل الاستقدام
بالنسبه للسعوده تقدر توظف إمرأه ولكن بعض الانشطه لها شروط.

ادخل موقع التامينات الاجتماعيه وشوف طريقة التواصل معهم اما تلقى لهم رقم او عن طريق شبكات التواصل الاجتماعي اطرح استفسارك لهم ويفيدونك.

بالتوفيق

اعتقد طالما المحل يعمل به رجال يكون الموظف رجل
تسجل موظف باسم امراءه والمحل رجال مااعتقد يقبلون
محلات نسائيه عماله نسائيه وحتى لو كانت ام الزوجه يقبلون
تسجل بالتامينات وبالمنشئه موظفه
اللي اعرفه انه اي محل يقل مساحته عن ١٥٠ او نفس المساحه
يعطوك عاملين فقط تاشيرتين
هذا اللي اعرفه موفق باذن الله*

والله ياخي ما تقدر انا سعودت اختي وغرموني 5000ريال من التامينات قالو ليه توظف حرمه؟!!!!!!!!!

عادي تسجل حرمه اهم شيء السعودة .., والرد على اخوي اللي يقول غرموة هذا في مجال العقار كان مسموح والحين مدري وش صابهم مكتب العمل كل شوي قوانين

تقدر تستقدم بدون ما تسعود .. طالما انك لست موظف حكومي

قصدك اذا مو مسجل في التآمينات

يا أخوة الرجاء تحري الدقة في المعلومات اللي تكتبونها
ترى فيه ناش غشمان مثلي مايعرفون شي

لازم نسعود ولا مش لازم ؟