26-12-2013, 09:24 AM
|
عضو جديد
|
|
تاريخ التسجيل: Nov 2013
المشاركات: 1
معدل تقييم المستوى: 0
|
|
ظلم وقهر .. وأحلام ومستقبل ضاع بسبب مدير لايحمل ذرة من الرحمة ( قصتي )
السلام عليكم ورحمة الله وبركاتة
أولا : قبل لآ أبدأ .. أتقدم بخالص الشكر لكل القائمين على هذا المنتدى الرائع ..
الله يعطيهم العافية وعسى الله يكتب لهم أجر فرحة من حقق حلمه بوظيفة
يتمناها وبدأ مسيرة حياته العملية من خلال هذا الصرح ..
بقولكم قصتي مع شركة قدمت عليها قبل سنة أو أكثر من خلال هالموقع ..
أتمنى من أصحاب الخبرة أنهم يساعدوني ويخففون القهر والظلم اللي عشته من
هالشركة ...
طبعا انا قبل سنة ونصف كنت عاطل عن العمل وقررت إني أتوظف ..
خلصت دراسة دبلوم صيدلة قبل لا ادخل بهالشركة بس لحد الان مااختبرت اختبار الهئية
أجلت الاختبار علشان إني مأاخسر هالوظيفة اللي تقدمت عليها ..
# دخلت الشركة وقبلتني إني أكون ( مدقق بيانات فيها براتب 3000 ريال ) ..
طبعا هي شركة مساهمة .. مستثمرين يمتلكون أسهم فيها وتعطيهم أرباح على مشاريعها
المحددة ماابي أوضح أكثر .. علشان ماابي أصرح باسم الشركة
* تحمست لها بالحيل لاني شفت انها شركة ناشئة وبنفس الوقت مدير الشركة
حمّس الموظفين بان تكون لهم امتيازات مستقبلية بعد نجاح الشركة
أخلصت في عملي وخليته بشكل أفضل ومنظم .. لدرجة اني تعلمت بعض الاعمال
الغير مسؤول عنها .. أرد على المستثمرين وأتكلم معهم بأسلوب تسويقي وخدمة عملاء
فقرر مدير الشركة انه ينقلي الى ( قسم علاقات المستثمرين) .. بعد ماشاف تعاملي وإسلوبي مع
المستثمرين .. أخلصت في عملي .. وصار أكثر اوقاتي كله عمل في هالشركة حتى لو ان دوامي يكون منتهي .. اهم شي اني مايقتصر شي وبنفس الوقت مااحب اؤجل عملي اليوم الى بكرة
ماطلبت فيها اي زيادات كراتب او مميزات .. كان كل همي ان الشركة هذي تنجح .. وبعد فترة
نزل قرار باني اكون ( مدير قسم علاقات المستثمرين ) وصارت الشركة تحقق نجاح كبير بفضل الله وبفضل جهودي وجهود الموظفين .. طبعا مدير الشركة حمسني بامتيازات لي بعد سنة وبعد نجاح الشركة .. كبرت الشركة ووصل راس مالها الى 5 مليون .. ولما تقدمت لها كان راس مالها 200 الف
لدرجة عشقي للشركة كل ماواجهت أشخاص لازم أسويلها تسويق واعطيه نظام الشركة بشكل عام ..
# أكثر المستثمرين كلهم عرفوا الشركة من خلال تواصلي معهم وخدمتي
# باللحظة هذي انعكست لي سلبيا مع المدير العام وأصبح يتخوف من أشياء يمكن حدوثها
بترشيحي لادارة الشركة من قبل المستثمرين او رئاسة ادارتها وهذي الشي أقولها ورب الكون
مافكرت فيه .. وصار تعامله معي بشكل غريب .. باني كثير مشاكل واخطاء بالقسم بدون اي مبررات او اثباتات .. فصار يعطيني من الاوامر اللي عرفته من خلالها بعدين انه يبي يستبعدني من الشركة ومع ذلك تحملت .. صار يعطي امتيازات للموظفين وانا لا .. وبرضوهه ساكت لاني اعرف وش يفكر فيه .. صار فيه وكالات من مستثمرين مختصة بالشركة ويبغاها تكون له .. ولكن اكتشف اغلبية المستثمرين بحطون الوكالة فهذا من تفكيره من غير صالحه .. وانا بنفس الوقت مافكرت ان احد يوكلني ولا ابغى هالشي علشان ماادخل في متاهات مع المستثمرين ..
وايضا امنعه من العاب يلعبها شخصيا له داخل الشركة بس من صلاحيتي اني ماارضى فهالشي اني اكون خائن او نصاب في بعض الاشياء ( حماية لي فقط ) ولاامانتي مع المستثمرين بوضع الشركة
( والله على مأقول شهيد )
# ( راح أكمل بقية القصة في أقرب وقت .. لاني ماسمح لي الوقت )
( ياليت القاء تفاعل بالردود ) ( بحيث اذا مالقيت حل لها .. ماأبي غيري يقع فيها )
# أراكم على خير
|
العرض الشجري
