السلا عليكم ورحمة الله وبركاته

اخواني اعضاء ومشرفين هذا المنتدى الراقي بصراحه
بخدماته لشعب السعودي

اسف على الاطاله لكن انا خريج ثانوي ومعي شهادة حاسب 6 اشهر
ادخال بيانات ومعالجة نصوص

وانا سجلت بالثانويه العامه فقط وبعدين انتبهت مكتوب اللي معه
دبلوم ستة اشهر ومادري يعني الدبلوم ستة اشهر نفس شهادة معالجه النصوص وادخل بيانات
او شي ثاني اذا هي نفسه هل يمكنني تغيير طلبي يعني تحويل من
الثانويه العامه الى جندي اول عن طريق موقعهم او خلاص زحلطت

سوال اخر هل الثانويه العامه اللي انا سجلت به اذا قبلت ان شاء الله والجميع
يعني الوظايف تكون امن المنشآت او شي ثاني انا مادري ماهم موظحين شي
واذا كانت نفسه بأمن المنشآت ياليت تقولولي

هل رواتبه تسوى يعني تسوى تخليني اتغرب عن اهلي لأن الظاهر مافيه امل
نقل لمدينة حائل يعني هل رواتبه مثل الامن العام يعني تسوى
او مثل رواتب الجيش يعني اذا جاء نص الشهر اروح التسلف وادور الخمسه
مثل عادتنا الحين

اسف على الاطاله لكن حب استفسار لاني كل من واجهته من اخوياي
يقولون والله ماندري يقولون مانخبر كلية الملك فهد الامنيه الا انه
تخرج ضباط

وتكفون ارجو التوضيح لاني بصراحه ما افهم السالفه هي طايره

يعني لازم شرح وافي

اااااااااااااااااااااااااااسف على الاطاله
لكن والله ادري ان فيكم الخير والبركه
وانا متأكد اني راح القى الجواب عندكم

لكم خالص تحياتي
اسف على الاطاله مره اخرى

والله انا مثلك اخوي مادري عنه
لكن ان شاء الله الاخوان يساعدونه

اخي العزيز

فيه الان تقديمين في الكلية

الاول في امن المنشئات الرتب:
1- جنود(منتف) 2- وجنود اوال 3- وعرفا 4- ووكلا ء رقباء
بنسبه للمؤهلك اللي هو ثانوية ودبلوم ستة اشهر رتبة جندي اول

والثاني اللي هو مجندي الكلية الرتب:
1- جنود اوال 2- جنود(منتف)
جندي اول الثانوية ودبلوم سنة جندي (منتف) الثانوية

يعني شوف انت قدمت على ايهم امن النشئات ولا مجندي الكلية

بالنسبة للراتب في كل الحالتين افضل من الجيش لانها كلها تبع وزارة الداخلية
اما الجيش والدفاع الجوي والبحرية تبع وزارة الدفاع والطيران

امابانسبة للتعديل فما عندي خبر لكن اتصل هاتف الكلية واستفسر

وبالتوفيق انشاء الله