السلام عليكم
فكرت بمشاريع كثيرة بحدود ميزانيتي اللي هي 1200ريال ودورت الشيئ اللي مو متوفر بمنطقتي
واخترت ماسكرا الحواجبelf طلبتها من أمريكا عن طريق وسيطة طبعا حسبتها لي بالحبة يعني سعر
تاجرة وطولت على ماجتني والان جتني وانصدمت مانباع منهاشي رغم اعلاناتي المتكررة سؤالي كيف اصرف الكمية اللي عندي توهقت ماعندي معارف كثير ماعندي الا هالمبلغ وطار اللي عنده حل يلحقني به
وادعولي لو يرجع لي راس المال وتوبة اصير تاجرة

هههههه الله يسعدك ويرزقك من واسع فضله

التجاره تبغى صبر وطولة بال غض النظر عن راس مالك 1000 ريال والا 100 الف
في ناس تصرف بضاعتها بشهر وناس تجلس شهور ماتصرفها
وهذي ترجع اولا لتوفيق الله ثم الخبره والاجتهاد وقوة التسويق والصبر ونوعية البضاعه وامور كثيره تخفى عني وعنك وعن الكثير.
بدايتك بسيطه والى الآن مافي خساره لان البضاعه عندك
غيرك ابتدا بمبالغ كبيره وخسر خساير كبيره

اعتبريها تجربه تتعلمين منها الاخطاء وتكتسبين منها الخبره
اجتهدي وحاولي تدخلين مع مسوقات يساعدونك بالتصريف

الله يرزقك ويوفقك.

راسليني وان شاء الله أساعدك في تصريفها
بالتوفيق

الله بيرزقك ان شاءالله..ولاتستعجلين...
استمري بالتسويق عليها وان شاءالله بتمشي..

الله يسعد الجميع ياااارب

الف شكر لكم رفعتوا معنوياتي كنت متحطمة
الله يرزق الجميع من واسع فضله

الله يرزقك لا تيأسين استمري في البيع واختاري اكثر من مجال للتسويق والبضاعه وشوفي الشي الماشي
من وجهة نظري

1200 كثيرة في هالمجال اللى داخله فيه المفروض النصف
والمره القادمه نوعي في تجارتك لكي تكسبين وتظمنين الشي الماشي في السوق بكثرة

والله يوفقك

مشكور
ادري اني تهوووورت
لا مافي مرة جاية اذا تصرفت اللي عندي توبة أصير تاجرة التجارة لها اهلها

اعرف وحده ممكن تساعدك راسليني

راسليني لو حابه تصرفيها براس مالها