ليس لدي خبره في اللموزين

مبلغ حلو 3000 لا تنسي مجال اللموزين بكثره حتى المتوظف تلقى وقت فراغه عنده سيارة لموزين يكد عليها والله يرزق الجميع من واسع فضله + مصاريف البنزين والزيت والكفرات وتكاليف آخرى للسياره خلال الشهر

انا من وجهة نظرى انه مبلغ حلو الصافي 3000 خاصتا ما عندك زبائن بالبدآيه والبدايه دائما تبغى واحد يعزم ويتوكل على الله وما يوقف عند حد معين يواصل حتى لو كسبت 500 اول شهر مع مرور الوقت راح تطلع لك بالشهر 3000 ريال

أما سيارة اقصاد ودين لا تاخذ الا سيارة على قد وضعك الدين ابعد عنه لان بتجيك فلوس وبتدفع اقصاد منا
ما فيها بركه

والله يبارك لك في الدنيآ والآخره


والسلام مسك الختام

دخلك في الشهر على المزين
على حسب جهدك
وانت مدير نفسك
اذا اشتغلت حصلة
واذا مشتغلة منتب محصل شي
والارزاق بيد الله سبحانة وامنية ان ارى جميع اصحاب سيارات الاجرة سعودين
ولاكن الاسف ان اسعار السعودين اصحاب السيارة الاجرة مرتفع عن اصحاب سيارة الاجرة مقيم
مع العلم ان المقيم يدفع لشركة 170 ريال يوميا
والسعودي لا سيارة حر فيها
لو فكر كل سعودي بي 200 ريال كل يوم على مدار 23 يوم في الشهر
لحصل في الشهر 4600 ريال
10 مشاوير في اليوم على متوسط 10 ريال تحصلها بين صلاة الفجر والضهر بئذن الله

اخوي جاتني فكرة ممكن تفيدك بما انك راعي لموزين

تقدر تقسم وقتك على حسب المشاوير

يعني مثلا من العصر الى العشاء تقدر تلف في الشوارع او المستشفيات

وفي بعد العشاء الى 12 تتواجد عن الاسواق توفر وقت وتكون عارف السوق يقفل والعالم تخرج من الاسواق

وبعد 12 ص تمسك خطوط على المطار >>> هذه لحالها بتغنيك عن المشاوير الباقية لكنها فيها مجهود ..

وتقدر توزع كروت مشاوير خاصة حط رقمك واسمك بس

اتمنى اكون افدتك ..

بامكانك تركب 2 للمطار على كل واحد 100

والنتيجة 200 <<< صارت معي

بس لازم تاخذ راي الزبون الاول اذا موافق او لا

أخوك صاحب ليموزين ..
اللي يقول أول شهر 500 ريال .. وتوزع كروووت ما عنده سالفة !
بالبداية أنت من وين ؟
أتكلم عن الرياض .. أنا موظف في الصباح وبعد صلاة العصر مباشرة اشتغل إلى الساعة 12 الليل ولا أوقف إلا بالصلاة
دخلك اليومي كالتالي
( أول 10 أيام من الرواتب 250 .. العشرة الأيام اللي بعدها 200 والعشر الأخيرة 150 ) ونادر حصلت بيوم 150 ريال
بس نعتبره حد أدنى
الشغلة ممتعة .. ويجونك زباين يعطونك حقك دبل .. ولا يعطيك إلى النساء يس
انتبة من ساهر والحوادث وأمورك زينة
لو تشتغل من الفجر إلى 1 الظهر ومن 4 العصر إلى 12 الليل بتجيب 10 الالف كحد أدنى

الله يوفقك

اتوقع افضل اللميزنات هي النترا هواندي
وبعدين حسب ما سمعت من بعض الاخوة ان اللميزين اوقات تلف حتي تطفش ما تحصل شي واوقات مشوار او مشوارين يكفيك

في كل الاحوال اللميوزين احسن الجلسة في البيت والبطالة