[align=center]
السلام عليكم ورحمة الله وبركاته


ياشباب بكل اختصار امي بالاربعينات المشكلة انها دائماً مكتئبه وحزينه حاولت اسوي كل شيء
بس عشان اسعدها علماً انها ماهي مريضه وكل الفحوصات الحمدلله سليمة لكن طبيعة الحياة
وبحكم انها ماتطلع كثير ولا تقراء او تكتب عشان تسلي نفسها ودي تساعدوني

بالحلول وش اسوي لها شيء يفرحها وش الحل قلت لها تحفيظ قراءن تروح له قالت ياولدي
مقدر اخلي البيت فيه اطفال واب يحتاج الاهتمام


( انا ابي حلول وش اللي اقدر اسويه عشان اسعد امي وارسم لها حياة حلوه )



وشاكر لكم[/align]

خذوا عُمرة أو اشتر لها شيء تحبّه

الله يفرج همه ويزيل ضيقة صدره
وانا من رأي اخوي خذلها. عمرة واجلس معها اهم شي تطلع من جووو البيت

وعليكم السلام ورحمة الله وبركاته ..

العمره حل جميل ومعقول لكن مؤقت !
بالإضافة الى هذا الحل بإمكانها التواصل مع جاراتها ، ابحث عن شيء تحبه وادعمها من خلاله ( مثلا اذا كان لها ميول للخياطه او أي نشاط آخر ) بإمكانك تسجيلها في دوره للخياطه ، تعلم حياكة الصوف .. الخ
ما أقصده هو أنشطه بإمكانها ممارستها داخل المنزل إذا كانت لا تستطيع مغادرة المنزل لفترات طويله ..
ممارسة الهوايات المفضلة هي أفضل وسيله للقضاء على الوقت والكآبه ..
بارك الله فيك ..

[align=center]اخوي حاول تطلعون سوـأ ... مثل الكشته الخفيفه ... في بر او على بحر

شوي وطبخ ونفخ ... وحاول سواليفك تكون ايجابيه كلها

حليها تغير جو
[/align]

__________________
"لله دُر أمي إذا ابتسمت
تهادت جروح قلبي والتئمت"

بالبداية اسأل الله العظيم رب العرش العظيم ان يرزقك برها ورضاها ثانيا سن الاربعين هو بداية لسن اليأس ويحصل للمرأة بعض التغيرات ممكن يكون سبب في اكتائبها ومن الممكن اشتكت من شي فعشان كذا عملتو تحاليل وفحوص لها وهذي خطوة جيدة واتطمنو عليها يبقى اعملو لها كل فترة والثانية فحص شامل عشان تبقو متأكدين من صحتها لانه اصعب شي ان الواحد يشتكي من شي وموعارف السبب نجي للمهم وهو كيف تسعدها ان شاء الله يكون الامر بسيط خليك عند رجولها سلم يدها وراسها كل ماتشوفها ودلعها ياغالية ياحبيتي وخليك دايما ملبي طلباتها تعرف انها لو بغت شي بتلقاك اذا احد ضايقها او كدر خاطرها روح نكد عليه عيشته هي بتحس انه وراها ظهر يحبها ويساندها يمكن هي عارفة بس ساعات الواحد يحتاج يشوف ويحس بها دايم اسألها محتاجة شي ناقصها شي او روح اشتري لها لبس حلو حبيته لها او عطر اوحتى احرام للصلاة او مسبحة كشخة مصحف وجيبه هدية ممكن تعرف انها تحب اكلة معينة اشتريها وكل معها او اطلعو مرة بالاسبوع لمطعم او حديقة تغير جو
بختصار ابدأ بشي بسيط وروتيني واستمر عليه وحاول تسوي مفاجآت لها كل فترة والثانية وان شاء الله تتحسن نفسيتها

انا اشوف انك تاخذها مكة والمدينة .. لانها راحة بال ونفس ..
وتنزل جدة كم يوم تخذها للبحر تغير جو لها ..

الله يوفقك ..

[align=center]الله يجزاكم كل خير

اسعدني حضوركم وتفاعلكم مع الموضوع بأذن الله باخذها عمره هالايام وبعدها

بشوف اي شيء تقوم به داخل البيت من الاعمال اليدوية وببدا اسوقها لها وابيع ممكن لما تشوف
ثمار ونتائج عملها تفرح وتستمر تعمل وتترك التفكير عنها والحزن ،


شكراً لكم حبايبي والله يوفقكم [/align]