السلام عليكم


احب اعرفكم عن نفسي ...

انا خريج بكالوريوس نظم المعلومات الادارية التابع لكلية العلوم الادارية بمعدل جيد جدا من احدى الجامعات العريقة في السعودية ودراستنا كانت 5 سنوات بذلت فيها الغالي والنفيس من اجل الحصول على معدل مرتفع والحصول على وثيقة التخرج وكلي حلم بأن اتخرج من الجامعة مرفوع الرأس حاملا شهادة علمية كبيرة مثل بكالوريوس نظم المعلومات الادارية ..

لكن تفاجأت بعد التخرج بشح وقلة الوظائف المطروحة !! ( وانا حاط في مخي وراسم صورة اني أول ما اتخرج راح تتهافت علي العروض و سوف احتار من بين الشركات الي تحتاجك حسب كلام الدكاترة و عميد الكلية !! )


تخرجت قبل عام ونصف ووالله ما خليت شركة ولا جهة حكومية او غيرها الا قدمت عليها سواء بالايميل او التقديم الالكتروني او التقديم اليدوي او حتى البحث عن الواسطات هنا وهناك !!! ولكن لا جدوى من ذلك ....

حاولت ابحث واجد اكثر واكثر في البحث حتى في المدن البعيدة و المتباعدة ( جدة الرياض الشرقية الشمال الجنوب !!)

اقدم يوميا على مواقع الشركات زي ارامكو ومعادن وصدارة و ساسرف و موبايلي والاتصالات وغيره وغيره و جمعت قائمة باكثر من 200 شركة كلها قدمت عليها

قدمت في مواقع التوظيف مثل طاقات وبيت كوم ومهنتي ومونستر ووووو الخ



لم احصل الا على وظيفة صغيرة الان اعمل فيها براتب زهيد لا يقارن بطموحي وشهادتي !

اي اني جلست سنة واكثر عاااطل والان قبل شهر حصلت على الوظيفة الصغيرة ولكنها ليست طموحي ابدا !!!

لازلت ابحث وابحث واقدم واحدث بياناتي يوميا ولكن بلا فائدة

راح اكمل سنتين الان متخرج ولم احصل على وظيفة تلبي طموحي !!



ما اقول الا حسبي الله ونعم الوكيل وبس

ما اقول الا الله يفتح ابواب الخير في وجهك ويحقق طموحك ويوفقك ويوفقني ويوفق كل عاطل عن العمل

نفس معاناتك انا خريجة علوم حاسب والكل يثني على تخصصي ومن اعرق جامعه وكنت اتوقع الكل يتهافت على
مجالي ودائما اسمع ان تخصصي مطلوب مابقى جهه ماقدمت فيها ماينزل اعلان بتويتر او منتدى الا اكون سباقه في ارسال السي في ولكن مامن مجيب وليومك بالبيت من تخرجت بعد مااصبت بحاله من الياس والاحباط انهارت احلامي بعد ماكنت انسانه طموحه صرت محطمه مدمره بعدها سمعت ان لي زميلات توظفوا بمجال كاشيرات وكول سنتر بعدها قررت انسى شيء اسمه وظيفه وانتظر القدر...

الله المستعان ، أنا خريج تقنية معلومات وللأسف لي 7 أشهر ولا جاني عرض واحد .
المشكلة أراجع الشركات التقنية وألقى نسبة تقارب 90% و أكثر من المبرمجين والمهندسين أجانب ، شي يقهر .

تدرون ويش اللي مخرب في الموضوع هو الواسطة يعني أنا أقول هالحين فيه ميزانية الدولة العامة كبيرة المفروض من ضمن هذه الميزانية يكون في توظيف شباب سعوديين بدون واسطات ولاهم يحزنون المفروض حتى الدوائر الحكومية المفروض بدون واسطة لاأنه الواسطة هي اللي تقطع أرزاق العالم

عزيزي ، وفقك الله

تصـورك وتفائلك للمستقبلك اثناء الدراسة هو اساس المشكلة
يـ اخي بقطاع الـشركات أحلم تتوظف بنفس شـهادتك الا مع خبرة لو بمجال ماهو اختصاصك

لابد من التدرج الوظيفي عشان توصل للي تبي

تفائل لاكن لا تغتر بشهادتك وتخصصك ، لانه هالشي عائق يخليك ماتفكر ب اي وظيفة

اشتغل بشركة ناشئة اي شيء لو معقب وابرز اهتمامك بشيء معين وابن سمعتك وصدقني بسنة توصل للي تبي

كلنا عانينا بس اشتغلنا شيء ماهو اختصاصنا وتحملنا لاجل نوصل للي نبي والحمدلله على كل حال

اي شيء تشتغله يكسبك مهاره خبره شيء جديد يكسبك علاقة يكسبك اطلاع ياخي يكسبك روتين العمل

تخصصك ترا عادي يعني مافيه شيء مميز اعرف هالشيء ولا تقول لا انا معي هالتخصص لانه هالشي مايخليك تنظر لأي وظيفة

انا كان معي بكالريوس وكنت مدخل بيانات ..! بس عند مين ..! عند مدير مشروع اجنبي
كان مديري المباشر
اكتسبت منه مهارات واشياء ماتعلمتها بالجامعة

ارضى بالقليل بالنسبة لراتب وابرز نفسك ، وخل شهادتك على جنب
لقلت معي بكالريوس ، ترى مراح تتوظيف
رح وقابل وابحث وكأنه مامعك شهادة لانه مراح يعجبك عروضهم

اتمنا لك التوفيق ،
وممكن ترسل سيرتك على yazeeed@outlook.com

اقولكم الأن يبون يغطون البطالة بوظائف براتب متدني جدا الفين ريال وثلاث الاف ريال ايش تسوي تبي تسدد كهرباء ولا مياه ولا اتصالات ولا بنزين ولا اكل ولا ملبس ولا الى اخر ارحمو من في الأرض يرحمكم من في السماء
حسبنا الله ونعم الوكيل

ياشيخ كل المستحيل سويته ولكن مازلت انتظر الفرج من الله بتغيير الحال
توظفت بالثانوية وتخرجت بالانتساب تدرجت وظيفياً ومازلت ابحث على طموحي بالرغم انه صار سراب الا ان ايماني وصبري لايسمحان بهذا غير ان اواصل الطموح والانتظار
ماخفيك سراً ان ربي اكرمني بالخبرات والمهارات ماكنت بيوم أحلم امتلكها ولكن ربي انعمها عليه والحمد الله وشكر