انا ارسلت لهم سيرتي واتصلو فيا ورحت لهم وسالني واحد قالي انتي جايه تسجلي ادارية ولا فنية قلت والله قرينا الاعلان فنيه بس لو فيه اداريه فهذا مايمنع الاقال لي اداريات اكتفينا نبغى فنيه ؟؟؟؟؟؟؟؟؟

قلت انا اوكي وقالو لي راح نسويلك امتحان ؟قلت انا مره ماعندي خبره جيت على اساس اتصالكم وانو يكون فيه تدريب الصراحه البنت ماقصرت اتوقع اسمها اسماء قالت راح اساعدك وكمان لقيت وحده ثانيه وهم بعد محترمه وكل شوي تقولي تبغين شي اساعدك بحاجه

يعني للامانه البنات كويسات وحست فيهم روح التعاون يسعدهم ربي

الموهيم والله سويت امتحان قالت لي البنت مبين انوه مبتدئه قلت لها انا قلتلك انو مررررره ماعندي اي خلفيه

وباالنهايه سابو عملي على جنب الين مايجي المدير ويشوفه وشكلهم سحبو علي هههههه مع انو شغلي يجي منه باالنسبه لوحده مبتدئه واول مره تزين يمكن في اسبوع انافس منال العالم خخخخ انقلعي بس
امزح

انتظر اتصالهم باالموافقه او الرفض ولاحولك احد عموما الله يكتب لي اللي فيه الخير


شكلي برجع لهم اقدم على الاداريه بس استغرررب ليه ماكتبو نبغى فنيات واداريات ؟

بنسبه للاختلاط ي بنات صار الامر عادي ومجبورين عليه .. العيب الوحيد اذا مافي امكانيه للوحده انها تتنفسس
شووي ..

الاختلاط وخاصه في جده وربي صارت الوحده خلاص لازم تصبر وتتحمل في كل مكان الاختلاط زمان العمل كان محصور اغلبه ل الرجال الان دخلو البنت في كل شي الحمدالله ..

وكلي امرك لرب العالمين وهذي رزقتك يعني لا ترحمي نفسك من الوظيفه عشان رجال واختلاط هذا احنا نروح الحرم ونزور بيت الله اختلاط في اختلاط وبرضك تلقين الي بيعاكس ويلاحقك .. ماعليك الا تقبلي الوظيفه وبنسبه لرجال لو اي واحد سبب لك اذيه بلغي الاداره عليه وخليهم هم يتفاهمو معاه ..

والبنت تحاول تكون محافظه على نفسها ولبسها يكون بشكل محترم مو ريحتها تقول فواحه ولا راسمه عيونها ومتمكيجه وتقول فلان يلاحقني وفلان يغازلني هي الي تجبرو على هالشي ..

كلامي بشكل عام .. انا موظفه الان ب شركه عقاريه وكنت متردده صراحه بس الراتب طيب والعمل حبيته والحمدالله الموظفين فيه ماشفت منهم اذيه ولي مكتب لوحدي اقدر اقفله واخذ راحتي

الله يوفقكم ويرزقكم ب الي تحبونه وترضونه

يابنات ندري ان الاختلاط في كل مكان وحسبي الله عليهم
بس انتم ماشفتو المكان مرررره ضيق واعتقد مالنا مكان خاص لنا
والرجال كثيرين انا مشكلتي مو بالاختلاط مشكلتي اني مالقيت مواصلات وكمان مرره بعيد عني واهلي مو راضين
وبعدين ماكانو صادقين معانا قدمنا على اساس انه بشارع حراء وقالوا لنا بعد ثلاث شهور ننقل للحمدانيه
وقالوا رجال يدربكم ولما رحنا لقينا اكثر من واحد هذا غير اللي تحت يشتغلو
وبخصوص الاختبار قالوا لي بالاتصال فيه اختبار بس لما رحت ماعملو معاي شي بس سالني صاحب الشركه
وكان كانه زعلان يمكن لان ولاوحده قبلت بشروطهم

تفسير الآية

http://library.islamweb.net/newlibra..._no=49&ID=1229

يابناات لاتدخلو الدين في هالامور
بعدين الحرم مكان للعباده وانتي تروحين معاكي محرمك مو لوحدك
وكل واحد لاهي بنفسه ماتختلين باحد مو زي الوظائف تشتغلي لوحدك
فمافيه مقارنه بينهم ابدااا

اصلا واضح عليهم يبغون والله متعلمة وجاهزه بمعنى اصح مايبغون يدربونهم هاالمصانع حسبي الله عليهم يبون الواحد يجيهم جاهز وللمعلومية اولوية الوظيفة للاجنبيه اللي زوجها ولا امها سعودين ياحلوين

الله يورينا فيهم يووم

معاكي حق هموم عذري لما قابلت صاحب الشركه سالني اذا اخذت دورات او لا
قلت له لا يعني من فين اخذ دروات في اشياء زي كذا
وكمان طلب مني صور لشغلي لاني قلت له قد سويت كوب كيك وزينته
بس للاسف جوالي كان خالي من الصور
مدري انا حسته زعلان او معصب مدري ايش فيه هذاك اليوم يتكلم كلمتين ويسكت
يمكن لان ماحد قبل بشروطهم
بعدين اخر مره لما اتصلت علي قالت برجع اتصل عليكي ولاحس ولاخبر يمكن يجمعو موظفات
انا بسال دحين فيه وحده داومت وانقبلت بهالوظيفه تقول لنا كيف الوضع!!

الأخوات الكريمات

السلام عليكم و رحمة الله و بركاته

تم شغر جميع الوظائف ، ارجو منكن عدم إرسال المزيد من السير الذاتية
بالتوفيق للجميع