السلام عليكم ورحمت الله وبركاته .. تحية طيبه وبعد , أنا رجالٍ قدر الله علي وتخرجت من التقنية تخصص إدارة مكتبية بتقدير ممتاز 4.83 والثاني على الدفعه , وسبق أن درسة بجامعة القصيم تخصص لغة عربية وطلعت منها بـ34 ساعه جامعيه موثقه بأوراق المعادله معي للحين (طبعن فصلت من الجامعه ورحت للتقنية لضروف خاصه) ومعي أيضاً خبرة موثقه من التأمينات الأجتماعيه (52)شهر أربع سنوات وأربع شهور من شركة خاصه كنت موضف فيها يوم أني ادرس بالجامعه , ومعطيني خبره بمسمى وظيفي سكرتير تنفيذي , المهم الحين أنا تخرجت من شهرين وماخذ نقاهه منتظرَ السنة الميلادية الجديده بحكم كل القطاعات راح تضخ وظائف بداية كل سنة ميلادية حتى الحكومية , المهم أنا عندي واسطه بشركة المراعي وواعدني بعد سبوعين بوظيفه بموقع يليق بخراتي ودراساتي والخ... وبنفس الوقت عندي ريح واسطه بالبلديات التابعه لمنطقة القصيم والظاهر شهادتي وخبراتي اكبر واسطه لي , فأبي أتوظف بالمراعي وتسلى فيها وبنفس الوقت اسجل في كل وظيفه حكوميه تفتح ,, لاكن طلع لي برنامج الانجليزي المكثف واحترت هل ادرسه مع العلم راح احرم نفسي من تقاديم بداية السنه الميلاديه والوظيفة المراعي , مع العلم أني رحت الى ادراتهم وقلت لهم قصتي قالو وش تبي فيها مادام ضامن لك وظيفة خلها تولي ورح توظف " بالحرف الواحد" , وانا ماعندي مشكله ادرس بمثل حقت ارامكو منتهي بالتوظيف أقلها مهو انجليزي مكثف (وقدمت على حقت ارامكو لاكن شروطهم بالنجليزي واختبار ومدري أيش شكلها ماهي من نصيبي من غير المخالفات ساهر معطيني عضويه ذهبيه فمن شاور ماخاب فأرجو توجيهي ( هل أدرس الانجليزي المكثف والمهم : هل معتمد عند الخدمه المدنيه مثل ياتوظفت بالبلدية تنفعني بمرتبه أو بدرجة او او وأسف على الأطاله وجزيتم خيرا ياأخوتي .

الصراحه انصحك بالاستخاره قبل كل شئ
ثاني شئ اشوف الوظيفه فرصه واهم والانقليزي ممكن تتعلمه من مصادر متعدده ممكن تاخذ دوره او تروح عند معلم يعلمك
انا اشوف الوظيفه اول شئ واذا قدرت تطور من نفسك اكثر طور
اتمنى باقي الاعضاء يفيدونك

اذا واسطتك ضعيفه ومحدوده لاتفوت الوظيفه

اما الانجليزي في اي وقت تعلمه وتاخذ دوره في اي وقت

شوف اذا لك نية تكمل دراسة خذ الدورة ولا هي معتمدة بس تنفك كا لغة
وبالتوفيق

الله يجزاكم خير والله يسعدكم وييسر لكم الوظيفه الرسمية العاجلة
أنا احسبها معتمده اقدر اتعلم الانجليزي بأي وقت , وحالين أركز على الوظيفة أفضل
وفقكم الله

توظف والله يوفقك
الشهادة غير معتمده من الخدمه المدنيه
انا درست فيها ما اقولك ما تستفيد تستفيد لكن ما هي ذيك الفايده الكبيره .. يعني ما تستاهل اضيع 5 شهور ونص عليها ..
وانا يوم كنت ادرس فيها ضيعت وظائف بالهبل بسبتها ..
موفق

[align=center]
شوف بختصار شهادة الكلية التقنية غير معتمدة و شهادة الغة الانجليزيه كمان غير معتمدة

فا انا اشوف دام عندك واسطه و شهادات خبره معتمدة لا تفوت الفرصه من بين يدك و توظف

ومن الراتب ادخل معهد لغة معتمد افضل من شهادة الكليه

ولا تنسا استخير والله يكتب لك الي فيه الخير
[/align]