مكاتب التوظـــــــيف

قدرات عاطله · #1 (**permalink**) 15-01-2007, 09:33 PM

الســــلام عليكم لجميع العاطلين والعاطلات امثالي

هذع اول مشاركه لي طبعا اول ادخل اجمع ارقام فاكسات واقرا مواضيع واطلع

المهم وماني مطوله عليكم و اقولكم وانا كلي امل انه الفرج قريب ان شاء الله لي ولكــــم ..

طبعا سمعتوا عن مكاتب التوظيف اللي بكل مكان انا قبل فتره يمكن شهرين وبعد ماعجزت و

زهقت قلت وش خسرانه خلني اجرب ورحت عبيت الابليكيشن عندهم واستفسرت عن نظامهم وعرفت كل شي وقلت ماني بخسرانه 20 بالميه من اول راتب (حلالهم ولو يبون اول راتب كله ) و45 ريال اول شي ياخذون (حلالهم بعدبس يلقون لنا وظيفه )

وغثيتهم كل فتره ادق لين اليوم دقوا علي قالوا لي فيه 3 وظائف وطلبوا مني مقابله اجيهم بكره واذا كل شي تمام تصير مقابله مع مسؤؤلين الوظيفه وتوقيع عقد معهم وان شاء الله

يصير بكره كل شي تمام واودع العطاله واشغل قدراتي ومايصير شغلهم نصب في نصب

يعني الواحد يحاول يدور من هنا من هناك لعل وعســــــى يضبط شي

واسفــــــــه طولت :o
اختكـــــــــم قدرات عاطلــــــــه

مزعوجة كتير · #2 (**permalink**) 15-01-2007, 10:37 PM

السلام عليكم ...

بالنسبه لمكاتب التوظيف ..مدري ليش مااثق فيهم ههههههههه يعني ممكن تقولين انا دقه قديمه ..بس ماش ماتدخل براسي احسها نصب x نصب ...قبل فتره امي تعرفت بوحده في المستشفى هههههههههه المهم هي بنت وتوضفت عن طريق مكتب توضيف والله نسييت اسمه ((اذا تذكرت بحطه هنا )) المهم دقيت عليهم ((من الفضاوه اللي فيني هههههههه)) قالتلي هاتي 75 ريال وتعالي عبي الابلكيشن
طبعا وبكل بروده قلتلها منيب جايتكم ...يالحراميه هههههه

المهم يابنات اللي تتوضف صدق عن طريق مكتب توظيف في جده تحط لنا اسمه الله لا يهينها ....

وشووكرن ...قدرات عاطله ..
((اذا انتي من جدة ...حطي لنا اسم مكتب التوظيف اللي سجلتي عندهم وتلفونهم الله لا يهينك ))

وينك يالوظيفه · #3 (**permalink**) 15-01-2007, 11:10 PM

عسى الله يوفقك يارب ويرزقك ..

عن نفسي جربتهم خاصه مكتب خلدا النصابين الحراميه

حسبي الله عليهم آقسم بالله احتراف نصب

tot · #4 (**permalink**) 15-01-2007, 11:36 PM

الله يوفق الجميع
اهم شي يكون المكسب حلال.

غيمة عطر · #5 (**permalink**) 16-01-2007, 12:21 AM

والله مكاتب التوظيف تعمل جـاهده

فيهم النصاب وفيهم اللي مايقصر لكن ماتضبط معـه

والسبب غالبا الشهـادات اللي معك .. والشروط اللي حاطتها

ومدى ملائمتها للي تعرضـه الشركـات

هو مكتب التوظيف الاكاديمي مثلا بدأ بداية قـوية ووظف كثير

بعد كذا صاروا من ياخذون الرسوم اللي هي 400

ينكرونك ويقلبون عليك

فيه مكـتب النور اللي عند الكوبري المربع في نفس العمارة اللي فيها مطاعم شامي <<< أهم شي المطعم

مدحـوه لي ناس وذمـوه نـاس

وبعدين تدرين أصحـاب المكاتب مثلنا يدورون في الفرص المتـاحـة ويكلمون لك الشركـة ويرسلونك لهـا
غيرك ممكن يلقى الأعلان ويروح

ونادرا ماتلاقين مكتب يتعب عمره ويلف على الشركـات ويسألهم عن الشواغر ويقدم لهم عروض يعني مثلا رسم يدفعـه مقابل توظيفك وهو اصلا ماخذ نصاول راتب

مكاتب التوظيف بنظري اشبه بمكاتب العقـار

ممكن اذا مستغنية عن الرسم وعندك امكانية خليه كسهم صاب صاب ماصاب تجربـة

لكن محد يتكل عليهم

إذا مكتب العمل بكره مايتكل عليه
وقبل أي أمر توكلي على الله واستخيريه عند كل تقديم

وهو بيسخر لك الخير وين مـاكان

تمنياتي لك بالتوفيق وآسفـة على الإطـالـة

fatat · #6 (**permalink**) 28-01-2007, 10:35 PM

قدرات ؟؟ وش اسم المكتب ؟؟ وباي منطقه

النجوم الساهره · #7 (**permalink**) 29-01-2007, 02:54 AM

السلام عليكم
انا من جده و في مكتب اسمه مكتب النور للتوظيف
طبعا دقيت عليهم و قالت لي الموظفه ادفعي 150 ريال وخلال ثلاث شهور نرد عليك واذا ماحصلنلك من حقك داخذين المبلغ
بس ما صدقتها عشان حسيتهم انهن نصابين
واستغلالين

آه يالقهر · #8 (**permalink**) 29-01-2007, 12:27 PM

اقتباس:

المشاركة الأصلية كتبت بواسطة وينك يالوظيفه

عسى الله يوفقك يارب ويرزقك ..

عن نفسي جربتهم خاصه مكتب خلدا النصابين الحراميه

حسبي الله عليهم آقسم بالله احتراف نصب

هذا رحت له وعمل لي المقابله واحد اسمه ناصر او منصور الضفيري على ما اعتقد

بصراحه من طريقه كلامه واسلوبه معي وانا غاسله يدي

خاصه لما جلس يضحك ويسولف مع وحده الله يستر عليها كانت موجوده معي في الغرفه وساحب علي

بعذره شاف ثنتين وحده تقال عجوز متكمكمه بعبايتها

والثانيه بنظارتها الشمسه وغطاها الخفيف والعبايه المخصره

اموت واعرف وش الحكمه من النظاره الشمسه في غرفه لا وبعد متغطيه

المقابله لي انا وهي خاشه عرض كل ما سألني سؤال نطت هي وردت عليه

المهم كل شوي ادق عليهم ويقول والله ما حصل لنا شي

فيه منتدوبات تسويق تبغين ؟؟

فأقول لا.. والى الآن والله كل شوي ادق عليهم واسأل يمكن احصل شي

بس بصراحه فيه ناس كثير يمدحونهم ويقولون انه اكثر الموظفات في بنك ساب جايين عن طريقهم

هذا موقعهم للي يبغى يستفيد ويجرب حظه ^_^

http://www.******group.com/******ar/index.php

moh5139 · #9 (**permalink**) 29-01-2007, 02:21 PM

طيب واذا كان هناك مكتب توظيف يقلك ادفع الرسوم ورح على الوظيفة واذا ما ناسبتهم تعال خذ فلوسك ومع السلامة

ابغى رايكم

وفقكم الله

قدرات عاطله · #10 (**permalink**) 30-01-2007, 06:30 AM

fatat المكتب دليل التوظيف اسمه

وابشركم شكلهم نصابيين رحت لهم هذاك اليوم قالت اسفه راحت الوظيفه وحنا ندور للي مقدمين على حسب الاوليه وانتظري دورك
بس صراحــه شكلهم ماعندهم سالفه

وخيو moh5139 ياليت يكون فيه مكتـــــــب كذا بس ماظنتي صايره المكاتب تجاريه بس

مكاتب التوظـــــــيف

إستفسارات ونتائج وظائف القطاع الخاص

الســــلام عليكم لجميع العاطلين والعاطلات امثالي :p هذع اول مشاركه لي طبعا اول ادخل اجمع ارقام فاكسات واقرا مواضيع واطلع :d المهم وماني مطوله عليكم...

مكاتب التوظـــــــيف

تسجيل الدخول

مكاتب التوظـــــــيف

إستفسارات ونتائج وظائف القطاع الخاص

الســــلام عليكم لجميع العاطلين والعاطلات امثالي :p هذع اول مشاركه لي طبعا اول ادخل اجمع ارقام فاكسات واقرا مواضيع واطلع :d المهم وماني مطوله عليكم...

مكاتب التوظـــــــيف