04-01-2014, 09:27 PM
|
 |
مسؤول توظيف مؤسسة حدائق القصر
|
|
تاريخ التسجيل: Jan 2011
المشاركات: 98
معدل تقييم المستوى: 29
|
|
مرحبا عاطلة ..
اهنيك على التفكير السليم ..
بعطيك سر الشغلة بما اني دخلتها ..
اذا كنتي خطاطة أو رسامة وتبين تسوين مثل
هالمشغولات اليدوية يجب انك تحطيم بالحسبان
5 أمور :
1- نوع المعدن ؟ ( ذهب , فضة , نحاس )
2- ثقل الكتابة ؟ ( المعتاد 3 جرام وكل مازدتي عدد الجرامات زاد سمك الكتابة )
3- الجودة ؟ ( غالباً المستخدم 18 قيراط لكن بالطلبات الخاصة ممكن يزيد وعموماً مايفرق بالشكل )
4- الاضافات ؟ ( الماس , زيركون )
5- السلسال
بالبداية تخطين الخط على ورقة A4 وبنفس المقاس المطلوب , بعدين تعطينها
المصنع , طبعاً المصنع عندنا بالرياض 3 مصانع حسب علمي وصعب توصلينها أو
بمعنى أصح لازم يكون بينك وبينهم وسيط .. فاقترح أفضل حل
تتوجهين سوق طيبة شمال الرياض , وتحصلين كشكات صغيرة
أو معامل صغيرة ( الي يصغرون الساعات ويصينونها ) بعربات في الممرات
تتفقين معهم على الجودة , والجودة الدارجة بالسوق :
* فضة مطلي ذهب , 4 أو 3 جرام على حسب حجم الخط , 18 قيراط , بدون اضافات.
والحساب يكون كالتالي :
* لازم تعرفين سعر الجرام لليوم ( كل يوم يختلف سعره ) وهذا رابط يعلمك بالسعر :
http://saudi-arabia.gold-price-today.com/
اذا كان سعره مثلاً 117 اضربيه بعدد الجرامات مثلاً 3 = 351 + حق الوسيط ( 150 ريال ) = 501 ريال
عاد انتي تحطين ربحك.
واذا كان فضه طبعاً بيطيح سعر الجرام ..
نصائح لتجارة الذهب :
1- احرصي يكون خلف الكتابة سواء كانت قلاده او خاتم او غيره ( ختم عيار المصنع ) واشترطي عليه قبل يبدأ انك راح تشوفين الكتابة .. طبعاً الكتابة تجيك بخط صغير جداً مكتوب 18 وهذا العيار يدين المصنع , لان الي مايخافون الله بالذهب الان طايحين بحركة ينقصون العيار الى 14 ويبيعونه انه 18 لانهم عارفين كثير من الزباين مايدققون.
2- لازم تحسسين الوسيط انك فاهمه , فتسبقينه وتبلغينه ان سعر جرام الذهب اليوم 117 مثلاً لانهم يحاولون يلعبون على هذا الوتر ( ان جرام الذهب غالي ).
3- الاضافات مثل الزيركون .. رخيصه جداً جداً لكن مجال اللعب فيها كبير.
4- السلسال طبعاً فيه خيارات كثيرة , فيه بـ 100 ريال الى 500 ريال .. حسب تبينه ذهب او فضة او مطلي
كان ودي احط رقم بعض الوسطاء المميزين بطيبة بس اخاف القوانين ماتسمح , عموماً اي استفسار انا حاضر ..
التعديل الأخير تم بواسطة النجيلة الصناعية ; 04-01-2014 الساعة 09:40 PM
|
العرض المتطور
