السلام عليكم
انا ابي اشتري بيت*
بس ماني عارفه كيف تتم البيعه
وكيف اتاكد ان البيت ماعليه سلفيه
يعني بس اروح للمحكمه ويسجل صك البيت باسمي وياخذ فلوسه صاحب البيت؟
او كيف؟
وبنسبه ل لسلفيه كيف اتاكد هل مكتوب بصك البيت او ورقه مكتوب فيها من صندوق العقاري؟
ياليت احد يفيدني بنقطتين طريقة البيع والسلفيه
وشاكره لكم

حياك الله اختي


اذا البيت باسم الشخص الي باعه لك فالبيت فعلا ملك له


البيوت الي تكون عليها سلفيه تلقين اسمها بالصكوك باسم الصندوق العقاري


ومايقدر صاحب البيت يتصرف فيه الا بعد اكمال الاقساط او التنازل للمشتري الجديد



اطلبي الصك وتأكدي اذا باسم البائع او باسم الصندوق العقاري



وربي يوفقك

اخوي شرقاوي شاكره لك
بس
صاحب البيت يقول اول كان عليه سلفيه من صندوق العقاري
بس الان لا ماعليه شي البيت حر
سؤالي كيف اتاكد هل يكتبون صندوق العقاري بصك
غير مرهون او غير مطلوب لصندوق؟اوكيف

بس اختي فيه نقطة مهمة ودي انبهك لها

وهو لما نتأكد من ان الصك باسم البائع لازم نتأكد من مطابقة الصك على الارض بالواقع ومطابقة اطوال الارض

يعني اتخيلي لو شخص جاء ومعاه صك ارض وقال هذي ارض الفيلا او العمارة ولما تشترينها تكتشفين ان الارض غير الارض اللي عليها المبنى


طبعا كيف نتأكد نروح ناخذ صورة من الصك ونطلع للمكتب الهندسي اللي خطط الحي اللي فيه الارض ونقوله حدد لنا موقع هالارض وقس الاطوال يتاكد ان الارض مبنية بشكل سليم

طبعا بالطريقة هذي المكتب بياخذ اتعاب من مطابقته للارض على المبني والواقع ومن القياس ولكن اضمن اني اشتريت فعلا الشيء الموجود بالواقع

وبالتوفيق