[align=center][/align]السلام عليكم ورحمة الله وبركاته

بعيداً عن الرسميات والمداخل ..


أنا شاب أطمح للنجاح و لدي المقومات و الفكرة لكن ﻻ أملك الخبرة ابدا

مشروعي اللي أفكر فيه : إفتتاح مطعم لبناني أو تركي أو كما يسمى انترناشيونال على قولتهم يعني يكون مزيح من الأكلات التركية والشامية و القليل من الغربية
طبعا راح يكون قسمين : عوائل + شباب

رأس المال : ما يقارب الـ 300 ألف ريال

اللي أحتاجه منكم أخواني هو أنكم تساعدوني كيف ابدأ ، لاني صراحة مالقيت أحد يفيدني أو ينصحني بهالفكرة بل العكس يحطموني و يقولون لي هالفكرة أكبر منك لأنك مبتدأ بهالمجال .. لكن دخلت هالمنتدى و كلي أمل إني بلاقي اللي يوقف معي و يساعدني و يفيدني بخبراته أو أفكارة حتى لو كان يتطلب الأمر اقابله شخصياً

طبعاً الأساسيات : -الشيف ومساعديه : وكيف أحصل على الطباخ اللي ممكن أعتمد عليه و أسلمه مطعم راح احط فيه كل اللي أملكه في أمل النجاح بإذن الله ، و هل ﻻزم أبحث عن الطباخ و مساعديه كلن على حده ؟ أم مكتب العمل يتكفل بهذا كله

المحل : بإذن الله راح يكون مساحته ممتازه وتستوعب العدد الكافي وموقع ممتاز ان شاءالله



ما رأيكم بالفكرة ؟ وماهي ملاحظاتكم ؟ هل لديك مشروع أفضل لي ؟

ﻻ أملك أخوه ينصحونني لكن أملككم انتم
نصائحكم لي قد تكون هي سر نجاحي بعد الله فلا تبخلوا علي بها ♡

أخوكم الصغير : محمد .

هلا اخي الحبيب محمد
واتمنى لك التوفيق والنجاح
راس المال طيب ماشاء الله تبارك الله
بداية هل تفهم في هالشغله
او بمعنى اخر لماذا فكرت فيها
هل لديك تجربه سابقه لك شخصياً او لاحد اقاربك او معارفك
وحبيت تعمل مثله
اذا نعم عليك بسؤاله وزيارته في مطعمه
اذا لا
والفكرة جديده فعليك جمع معلومات اكثر وعدم الاستعجال في التنفيذ
يقال عن الخطه
هي متعه الاخطاء على الورق
ادرس الامر اكثر واجمع معلومات اكثر
واكتب كل التفاصيل
واذا ما اعجبتك قطع الورق وابدأ التخطيط من جديد
وفي النهايه وبعد اتخاذ القرار
عليك بصلاة الاستخارة
والخير كل الخير فيما اختاره الله
اهم شي لا تستعجل
وتقبل تحياتي

^^^
فكرة بهالشغله لسبب واحد اساسي
المدينه اللي انا فيها تفتقر لمثل هالمطاعم
و أغلبية أهلها يروحون إلى مدينة ثانية قريبة منا لأجل مطاعم عوائل راقيه

ولي ما يقارب الـ4 أشهر أدرس هالفكرة و الموقع .. بس أحتاج شخص ذو خبرة بمثل هالمشاربع يوجهني و يفيدني بخبراته

و مشكور أخوي فيكتور على كلامك و أهتمامك ، وما شجعني أكتب مثل هالموضوع اﻻ ﻷني متأكد الكل ماراح يقصر ♡♡

أول شي مثل ما قال خيو فوق الإستخااارة أولا
ثاني شي أنا بأقول كل اللي عندي وان شاء الله لو يفيدك بشي
وان شاء الله تتوفق وربي يبارك لك بمشروعك

البداية بعد الإستخارة
قبل كل شي قسم الفلوس على حسب الأعمال اللي بتسويها
شوف كل شي كم يكلفك وبعدين قسم الفلوس لكل شي على حده
وبعدين ابدأ ابحث وطبق
ف عندك
1 : حدد بالضبط إنت ويش تحب يكون بالمطعم أكل
وجبات سريعة ( شاورما , برقر , بروست ، بيتزا ) أوووو مطعم أكلات موسع
إذا موسع حدد قائمة من البداية بنوع الأكل المطلوب لأنه على أساس الأكل
تحدد كم عامل أو معلم طبخ وهذا بالنطقة الثالثة الشرح
ولو تحب أساعدك بقائمة أكل منوعة اذا كان الأكل موسع اساعدك

2 : ديكور المحل لا تسويه أي كلام ترا الديكور مطلب للعين قبل الأكل
ولا تبالغ فيه وتخسر سوي الديكور المناسب واختار ألوان مناسبة
ونصيحة تخلي المحل كله قزاز وحتى العمالة شغلهم يكون قدام الناس
وبنظافتهم ويطمنون على نظافة المطعم والأكل

وهذي امثلة
مركز تحميل الصور

مركز تحميل الصور

3: عمالة المطعم والمعلمين يعتمد على نوع الأكل
مثال من خلال معرفتي بالمطاعم وتذوقي لها
للشاورما والفطاير والبيتزا عندك الأتراك مبدعين فيها فاذا تعرف معلم شاروما بأي مطعم روح له
واتكلم معاه ممكن يدلك على أحد أو يعرف أحد ببلده معلم ممتاز وتستقدمه
أما للأكلات الهندية جيب لك معلم طبخ هندي وهم ممتازين بعد في طعم الأكلات
عندهم التست مبدعين فيه فينفعك بالرز والإيدامات والدجاج والمقليات واذا توفقت
بسعوديين فخير وبركة .
تضيف لكل معلم عامل مساعد منهم وعامل مسؤول عن السلطات وهذا ممكن يكون فلبيني تبع السلطات
وتحتاج واحد كاشير ومدير مطعم مسؤول و3 عمال الى 4 يشوفون الطلبات وتنظيف المحل أول بأول
4: شوف المحل كم يكلف من طاولات وكراسي + ماكينات طبخ أو قلي أو شاورما أو ثلاجات للعصير أو أواني
طبخ إلخ + مكيفات تبريد .

بعض النصائح
باذن الله اذا إفتتحت المحل أهم شي نظافة المحل سمعة لك وللمطعم
سواء كان العمال بلبس موحد ونظيف أو نظافة المحل أول بأول أو نظافة المكان
اللي يطبخون فيه ومثل ما قلت لك أول المطعمإذا كان كله قزاز وواضح كل شي
للناس قدام عيونهم يرتاحون أكثر

النصيحة الثانية
إسم المحل إختاره أجنبي بمعنى عربي
يعني شوف أسماء مطاعم إيطالية معناها العربي جميل
دائما الأسماء الغريبة لها إقبال مثل الديكور وينتشر بسرعة ان شاء الله

النصيحة الثالثة
إذا بدأت إستمر ولا تيأس حتى لو كملت سنة في ناس بدأو بسنه والنجاح
ما كان إلا بعد سنين المهم إنك تشرف باستمرار على مطعمك وتهتم بشكل
دوري على كل شي بالمطعم

النصيحة الرابعة
لا تطول مدة الديكور واختيار العمالة مع الإفتتاح
مثلا أقصد يعني أول ما تبدأ بعمل الديكور وجلب العمالة تكتب لوحة برا المحل
بالإفتتاح قريبا بس لا تطول خلي مثلاً مدة الإعلان 3 أسابيع إلى شهر فقط
عشان ما يملون الناس ينتظرون وبعدها الإفتتاح على طول
وقبل لا تفتح المحل بيوم واحد انشر الأعلان عبر الواتس أب ومنشورات على السيارات
فيها موقع المطعم بصورة والأكلات على الوجه الثاني من الورقة
وممكن تسوي مثلا شي مجاني بس أوووول يوم إفتتاح وأعلن ععن هذا الشي
مثلا يعني كل ساندوتشين شاورما معاه واحد بطاطس مقلية مجاناً وهذا ما يكلف كثير
أو مثلا إشتري 2 بروست واحصل على ببسي مجانا
يعني زي كذا أقصد وباذن الله تنجح معاك

النصيحة 5
حاول يكون في مساحة لو بسيطة فيها كراسي إنتظار بحيث إذا جا الزبون عندك
وطلباته كثير يلاقي مكان يجلس فيه وحط برادة موية واعتبرها مثلا صدقة جارية
للك ولوالدينك

النصيحة 6
حاول يكون في تليفزيون بوسط المطعم لصور المطعم والأكلات والأسعار
الخ فقط في القسمين سواء العوائل او الأفراد يشتغل طول الوقت بسسس صور
للمطعم لا دش ولا غيره نصيحة

لو في شي رجعت للموضوع
بصراحة قريت موضوعك وحبيت اساعدك من خلال ما شفت من مطاعم
واتمنى لك التوفيق والنجاح

حياك الله بين اخوانك واخواتك
وشكرا لثقتك بنا وان شاء الله نكون عند حسن ظنك..

نصائح الاخوه رائعه بارك الله فيهم

وانا اضيف لهم نصيحه من شخص فتح مطعم واول شي عمله سافر دبي واتعلم الطبخ خطوه خطوه واشتغل طباخ وفهم اصول الطبخ كل صغيره وكبيره وخفاياه وصار عنده خلفيه حلوه وجاء السعوديه وبدأ بفتح مطعم صغير فطاير وشاورما ومع الايام بدأ يكبر ويزيد الدخل وكبر المطعم وزاد المأكولات وصاار مطعم كبير وفتح اكثر من فرع ببعض المدن وهو رجل اعمال له بزنس متنوع عقار ومقاولات وماشااء الله ناجح ..

القاعده اللي يخليها الانسان بباله :
صعود السلم خطوه خطوه + الصبر + هدوء الاعصاب = بإذن الله تنجح ..

والعماله تعمل لك كم اعلان وتنقل كفالتهم عليك ممكن سوريين او لبنانيين او اتراك مثل ماقال الاخ ..
او
تستقدمهم من بلدانهم بلغني وعندي ناس تستقدم عماله من شهر لشهرين ونص يكونو بإذن الله عندك..

والله يوفقك ..

لاتنسى المعادلة الالهية
رضى الوالدين + الاخلاص في العمل والخوف من الله = التوفيق وسعة الرزق وسمعة الطيبة وزبائن دائمين

الله يوفقك ويوسع رزقك اميييين

أخوي [ يبقى هناك أمل]

أشكرك من قلبي على ردك الوافي و المجزي
مثل ما قلت لكم من أول فكرتي يكون مطعم لبناني أو تركي أو كما يسمى انترناشيونال يعني مزيج من الاكل اللبناني و التركي و القليل من الغربي

مطعم يتسع للعائلات و الشباب

و أكبر شيء شايل همه من وين أجيب الشيف اللي أعتمد عليه و أثق فيه

أللي يقدر يجيب لي شيف ممكن أعتمد عليه ويكون له خبرات سابقة في مطاعم أو فنادق و يطلب السعي اللي يبيه انا مستعد وماراح نختلف بإذن الله

ووالله ردودكم اعطتني دفعة أمل ما تتخيلونها أشكركم من كل قلبي
فعلا الدنيا باقي به ناس يتمنون لغيرهم الخير ♡♡

اختي [أحلام للتسويق ]

كنتوا عند حسن ظني و زود بعد
أشكركم من كل قلبي على هالردود


و أهم شيء العماله أحتاج شيف يعتمد عليه ، انت قلتي أعلن : إذا ممكن تفيديني وين هالمواقع أو المنتديات اللي ممكن أعلن فيها

و المكاتب اللي تقولين عنه مضمونين يجيبون لك شخص على ماتبي انت ويجيبون لك خبراته وﻻ زي كل المكاتب يجيبون لك أطرف واحد و يسكتونك به ، إذا مضمون أتمنى تفيديني بأرقامهم أو أماكنهم

و لك مني جزيل الشكر ♡

[ زرقاء اليمامة]

الله يرزقنا رضى الوالدين ، و الخوف من الله

و جزاك الله كل خير ♡