سلام عليكم ورحمة الله وبركاتة


كيف حالكم ان شاءالله طيبين

موضوعي يا اخوان انا الان طالب لغة انجليزيه وبتخرج ان شاءالله بعد عشرة ايام معدلي حاليا 3.14 واكيد بيرتفع بعد التخرج بس مو كثير

موضوعي اني والله والله محتاااااااار مابين التدريس كمعلم او الكليه الامنيه ملازم
خلوني اشرح لكم الشي اللي محيرني
اولا التدريس من ناحية العطله حلوه وانك مدني غير كذا يقولي واحد من المعلمين تعيش حياه صعبه اول سنواتك لكن بعدين حلوه وهو يقصد من ناحيه انك تطيح في القروض وراتبك مايكفي طبعا الراتب 8000 وانا انسان حق سفرات. المهم الراتب مو طموحي غير كذا انت بعيد عن اهلك وتقريبا سنه اوسنتين على مابال تكون قريب من اهلك وقرض سياره ويعدها بسنوات زواج ،، احس بتمرمط
،،،،،،،،،،،،،،،،،،،
بالنسبه للكليه الامنيه دراسه سنتين وبعدها ملازم لكن اللي سمعته من احد الاخوان ان الامنيه اذا تخصصك انجليزي ف بيكون تعيينك في المطارات والاستخبارات وغيرها المهتمه باللغه الانجليزيه ويقول 90% يكون التوظيف في المدن الكبيره ، الرياض جده ، الشرقيه. هل هذا الكلام صحيح؟؟؟؟؟؟؟؟؟؟؟؟؟؟؟؟ !؟
والشي الثاني اللي مادخل رأسي يقول ان بعد التخرج من الكليه يتحكمون فيك حتى شعرك ودقنك ماتتهنى فيه هل هالشي صحيح ؟؟؟؟ رغم ان الامنية مالها دخل في الجيش

معلومات عن نفسي انا انسان اصرف كثير ومايقنعني الا الشي الغالي لان قيمته فيه وبسافر كثير الخارجي. وماتعتقد ان كل هالاشياء يقدر يسويها مدرس في بداياته. خذوا الموضوع بجديه والله محتااار ، خايف اروح ترديس واندم والعكس كذلك
اتمنى من هو في هذا المجال سواء معلم او ملازم ان يفيدني في هالتساؤلات والله اني محتاااار كثير حتى عندي اختبارات وشاغل هالموضوع وهالتساؤلات اكثر من الاختبارات
اتمنى الاجابه حتى لو شي بسيط وبكون شاكر لكم
شي اخير هذي اول مشاركه لي ولي الشرف اك ن بين هالنخبه النافعة بأذن الله
شكرا