سلام عليكم ورحمة الله وبركاتة


كيف حالكم ان شاءالله طيبين

موضوعي يا اخوان انا الان طالب لغة انجليزيه وبتخرج ان شاءالله بعد عشرة ايام معدلي حاليا 3.14 واكيد بيرتفع بعد التخرج بس مو كثير

موضوعي اني والله والله محتاااااااار مابين التدريس كمعلم او الكليه الامنيه ملازم
خلوني اشرح لكم الشي اللي محيرني
اولا التدريس من ناحية العطله حلوه وانك مدني غير كذا يقولي واحد من المعلمين تعيش حياه صعبه اول سنواتك لكن بعدين حلوه وهو يقصد من ناحيه انك تطيح في القروض وراتبك مايكفي طبعا الراتب 8000 وانا انسان حق سفرات. المهم الراتب مو طموحي غير كذا انت بعيد عن اهلك وتقريبا سنه اوسنتين على مابال تكون قريب من اهلك وقرض سياره ويعدها بسنوات زواج ،، احس بتمرمط
،،،،،،،،،،،،،،،،،،،
بالنسبه للكليه الامنيه دراسه سنتين وبعدها ملازم لكن اللي سمعته من احد الاخوان ان الامنيه اذا تخصصك انجليزي ف بيكون تعيينك في المطارات والاستخبارات وغيرها المهتمه باللغه الانجليزيه ويقول 90% يكون التوظيف في المدن الكبيره ، الرياض جده ، الشرقيه. هل هذا الكلام صحيح؟؟؟؟؟؟؟؟؟؟؟؟؟؟؟؟ !؟
والشي الثاني اللي مادخل رأسي يقول ان بعد التخرج من الكليه يتحكمون فيك حتى شعرك ودقنك ماتتهنى فيه هل هالشي صحيح ؟؟؟؟ رغم ان الامنية مالها دخل في الجيش

معلومات عن نفسي انا انسان اصرف كثير ومايقنعني الا الشي الغالي لان قيمته فيه وبسافر كثير الخارجي. وماتعتقد ان كل هالاشياء يقدر يسويها مدرس في بداياته. خذوا الموضوع بجديه والله محتااار ، خايف اروح ترديس واندم والعكس كذلك
اتمنى من هو في هذا المجال سواء معلم او ملازم ان يفيدني في هالتساؤلات والله اني محتاااار كثير حتى عندي اختبارات وشاغل هالموضوع وهالتساؤلات اكثر من الاختبارات
اتمنى الاجابه حتى لو شي بسيط وبكون شاكر لكم
شي اخير هذي اول مشاركه لي ولي الشرف اك ن بين هالنخبه النافعة بأذن الله
شكرا

اقولك اخوي ،، والله لا انا ولا غيري يدلك على الصواب وعلى اللي بيصلح لك ابدن )/). اذا تبا النتيجه والخيره اللي بيختارها لك ربك هي كله ركعتين تصليها وتستخير الله سبحانه فيها وشوف مع الايام وش بتختتر وصدقني اللي بتختاره انت هو اللي بيكون من ربك خيره الله سبحانه ،،، انا لك من الناصحين صل واستخر ربك وصدقني ماتندم ،، والله يوفقك ويسهل اك امرك

شوف انا بعطيك رائي و بقولك ليش انا مختار هالشيء
( التدريس ) ,, راحة .. و تعين عند اهلك ,, و تسافر وين ماتبي : )
و الراتب 8 الاف كويسة جدا كبدايه , لاتنسى الاجازات ، و الله يكتب لك الي فيه خير ،
نصيحه ، شف آللي انت تبيه ماعليك من كلامي وكلام الاخوان اهم شيء ترضي نفسك وانا اخوك و بالتوفيق لك ،، ^_^

اللة يوفقكك التدريس يكفي أنها مدنيهه :D
وثاني شيء معك كل سنة 3 شهور أجازه
وألا العسكري شهر بالكثر بالكثير شهر ونص
ووتعين مو عند اهلك احتمال إذا ما معك واسطة
أنا أنصحكك مدنيه واللة يوفقكك بكل شيء

آيه بالتوفيق تخرج اول بعدين اختر لا تتحمس من الحين تراقي ناس معدلاتهم ممتازه ولا أنقبلو بالأمنيه واااااسطات و التعليم تبطي ماجاك التعيين لكن أتمنى لك التوفيق

أنت الحين محتار ودامك سألت غيرك راح تحتار أكثر..أختر اللي تبيه أول وبعدين أسأل علشان تقدر تفكر..

تصحيح معلومة للأخ تعاتبنا..

بعد التحية..التعيين بالنسبة لمعلم اللغة الإنجليزية مضمون وبنفس السنة بعد..لأن التعليم
محتاج للكفاءة الوطنية وللتقليل من المدرسين العرب في اللغة الإنجليزية..التعيين بنسبة 300 بالمئة
في نفس السنة اللي يتخرج منها الشخص!!

انا بقول لك رائي بكل صراحه ..

انا اشوف التدريس افضل لك .. ليش ؟ لانك انت راعي سفريات وراعي السفريات يحتاج لاجازات عشان يقدر يروح ويجي .. صح ولا لا خلينا نحسبها .. معاك اجازه كل سنه لاتقل عن 3 شهور واجازة الحج 10 ايام واجازة بين الترمين 10 ايام واجازة الربيع 10 ايام .. غير كذا دوامك مريح .. كيف مريح يعني ممكن مايجي اساعه 10 الصباح الا وانت في البيت وهذا ع قولتهم على اقل تقدير 3 ايام في الاسبوع
ليه ؟ لان المواد العلميه اعتقد قدمو وقتها مثل الرياضيات والانجليزي والكيمياء . تصير الحصص مبكره يعني بدري ممكن حصه اولى وثانيه وثالثه ورابعه بالكثير .

الراتب 8000 . وانت راعي سفريات تراها حلوه تصريف الفلوس هذا يرجع لك انت بنفسك اذا انت ع قولتهم تحب تشوف دنيا وتسافر اوروبا وكذا 8000 تكفيك بشرط انك تعرف كيف تصرف ريالك .. رحله شخص واحد الى سويسرا لمدة 15 يوم تكلف حول 15 الف ريال .. يعني حق راتبين تجيب راس سويسرا وش تبي اكثر من كذا

طبعا ماراح تسكن في فنادق 5 نجوم راح تاخذ فنادق 3 نجوم وامور الحجز والمواصالات وغيره تضبطها من المكتب من السعوديه من عندك من هنا . وغيرها كثير من الدول انا اعطيتك مثال كا اغلا دوله والكل يتمنى يروحها سويسرا النمسا وهذي الديار اما اذا بتروح ماليزيا اندونيسيا راح تكون التكلفه اقل بكثير . ..

واما على السياره اذا بتسوي جمعيه لنفسك وتفك نفسك من الاقساط وتاخذ سياره كاش تمام .. عندك الكامري سوناتا سيارات حلوه وعمليه وتخدمك وسعرها تمام مقارنه مع راتبك ووضعك وغيرها سيارات عاد انت وذوقك ...

اللحين انت رحت شفت دنيا وتمشيت ولفيت العالم .. يابو الشباب ومعاك موتر جديد .. وجالس بالشقه لحالك وطفشان والجو برد وتبي تتزوج هههههههههههه

وش تسوي .. طبعا هالكلام ماراح يصير الا بعد فتره من وضيفتك يعني اقل تقدير سنتين .. سنة الحياه كذا محد يتوظف على طول يتجوز الا اذا الله فااااتح عليه مره وعلى اهله .. يتجوز على طول ..

طبعا في السنتين هذي . خلينا نقول متوظف ورحت وجيت وصرفت فلوس كثير على سفرياتك وسياره وكذا وجمعت مبلغ بسيط . يعني خلينا نقول حول 40 الى 50 الف واذا سياراتك اقساط خلينا نقول كمان انك انتهيت من الاقساط .. وراتبك ارتفع وصار وضعك احسن

عاد اللحين في الزواج انت وطريقتك .. في صرفية الزواج والتكاليف وغيرها ..

هذا اقتراحي لك كامدرس يا استاذ هاي واي

روح للكليه الامنيه

يكفي لجيت عند احد من اقاربك قالو ذا نقيب فلانه

مو مدرس

ما شاء الله محتار

يا حليلك :D

اختار وزير حلووووة

تسلم ياوحش والله انك فتحت مخي شوي انا كنت حرط الامنيه براسي عشان الرواتب لكن انت ماشاءالله عليك فصلتها لي زين وان شاءالله اتخرج واعدي اختبار المعلمين شكرا لك مادري كيف اشكرك والله