السلام عليكم ورحمة الله وبركاتة وبعد
اخواني انا فكرت بموضوع مؤسسة حقت مقاولات بستقدم لي مبلط ومسرمك ومليس طبعا انا عسكري بقدم بسم زوجتي المهم ....... انا ماعندي زيك الفكرة الكاملة عن هالمشروع الحاجة اللي انا اعرفها انه هالشغلة تدر ذهب خصوصا بأيامنا هذه الله يديم الستر والعافية فما ادري كم التكلفة كاملة لهامشروع بفتح لي محل صغير وبسوي اجراءات السجل والرخصة ومصلحة الزكاة ومكتب العمل وكل هالشغلات كم تكلفتها تكفون مع اجار المحل وكيف العمال اذى جو كيف بيكون شغلنا هل يروحون بأنفسهم يدورون شغل ولا كيف وهل اخذ نسبة منهم والا رواتب وهل اسكنهم والا هم يسكنون وهل اسوي لهم تأمين طبي لو انمرض واحد منهم صراحة حاجات كثيرة تحتاج استفسارات .

ومالي غنى عن مشورتكم الحقيقة بهالشغلات وفقنا ربنا لما يحب ويرضى مستني ردودكم

بالتوفيق

الله يرزقك من واسع فضله
أولاً المبلط هو واحد سواءً للسراميك أو للبورسلان أو أي بلاط تقريبا إلا الرخام
وأحيانا يكون فاهم للرخام
الشي الثاني على الي أعرفه ما ينفتح مقاولات بأسم حرمه ما أدري النظام تغير ولالا
المقاولات بشكل عام تعتمد على العامل ثم العامل ثم العامل هم الموارد الأساسية للمؤسسة
اذا شغلهم كويس وانت واياهم عسل بأذن الله أموركم ماشيه
التكلفة المتوسطة تقريبا 40000 مع صبرررررررررر حتى يعطيك مكتب العمل تأشيرات

مؤسسة مقاولات باسم امراه عادي بالنسبه للسجل
اما الرخصه من البلديه شرطهم يكون للمراءه كفيل المراجعات
لاانه رح يكون فيه عماله رجال والكفيل مسؤول عنهم
مشروع المقاولات مايكلفك يكفي مكتب وموجوده بالايجار الشهري
تطلع عليها الرخصه وتستقبل المشاريع ركز على مشاريع الباطن مهمه
تجيب عليها عمال عدد كبير لما تسوي الرخصه يعطوك اعتقد ثلاثه
تاشيرات أساسيه وانت تصنفهم على كيفك
انشاء الله الاخوان يفيدونك بشكل أوسع وأوضح وموفق باذن الله*

حياك الله اخوي
حاول انت بنفسك تدخل نفسك مع ناس تشتغل بالمقاولات
وتفهم كل صغيره وكبيره ممكن تشتغل مسوق تتعاون
مع مؤسسه ومن هنا تبدأ تتعلم شوي شوي
ويكون عندك إلمام كامل بحيث لما تبدأ تفتح المؤسسه وتجيب عماله تكون فاهم عليهم مايحسو انك مو فاهم ومع الايام تتعلم اكثر واكثر ..
والله يوفقك

بارك الله فيكم

اشتغغغغغغل الله يوفقكك و البلد فيها خييييير كثير بس يبي لها جد و اجتهاد