السلام عليكم انا شغال في شركة مقاولات ومماطلين في الرواتب كل الموظفين تعبو نفسيا تخيلو من سنة مافيه شهر استلامناه في وقته والى ا الان ما استلمنا شهر 12 ميلادي هل يعقل ؟؟؟

ي جماعة الخير بس ابي احد يوجهني بالخطوات لان ذولي م ينفع معهم لاحق ولا باطل وغير سالفة البصمة بعد الي عندنا خربانه وانت وحضك يمكن تحظرك يمكن لا ارجو منكم الافادة ولكم كل الشكر

شف وانا اخوك

صل الفجر كل يوم وادع ربك اللي ماتنام عينه

صدقني بيجيك الحل اللي يرضيك هنا والله ماحد بيقدم حاجه ولااحد راح يأخر حاجه

إلا بامر ربك ،

وروح قدم شكوى لوزارة العمل


والله يسهل دربك

ياخوي هذي شركاااااات المقاولات دايم معروف يصير معاهم كذا ويحتجون بأنهم لم يستلمو مستخلصاتهم
عندك الحين شركة السويلم للمقاولات تم تسليمهم راتب شهر 10 يعني عندك شهرين متأخرة وإذا جات يجيك راتب شهر واحد منهم فقط
يعني دايم شركات المقاولات يصير معهم كذا طيب اللي عليه ديون وأقساط شهرية واللي عليه التزامات شهرية واللي عليه ظروف وش يسوي راح تدخل بمواقف حرجة وتضطر تتسلف من هذا ومن هذا ويصير مالك وجه حتى تقابلهم
حسبي الله ونعم الوكيل