السلام عليكم هذي اول مشاركة معاكم ...

انا اول شي بنت وعندي سجل تجاري ولاني عارفه ابداء من وين
كثير اقراء عن مشروع القلابات وانه يدخل فلوس كثيره
ياليت اي احد عنده خبره بالموضوع يفيدني وصح اني بنت بس اهلي داعميني وابوي وده اني اشتغل وهو او واحد من اخواني يقدر يصير وكيلي
وشكراً

على وشو طلعتي السجل التجاري اقصد المشروع اللي باسمه السجل
اللي اعرفه مايطلعون سجل من غير مسمي لمشروع

حبيبتي هالزمن ماعاد فيه فرق بين المراءه والرجل بالاعمال التجاريه
عندها صلاحيه ادارة مشاريع ورخص وسجلات لكن بعض المشاريع
يشرطون كفيل والامور الحمد لله طيبه
وطالما الحمد لله معاك سند بعد الله ابوك وعائلتك الله يحفظهم لك
والمال متوفر شدي
حيلك وشوفي مشروع تفهمين فيه وتحبينه حتى تنجحين فيه

اما مشروع القلابات والسطحات صحيح فيه خير كثير لكن اذا
الشخص باشر عمله بنفسه مايعتمد على السواقين لانهم مارح
يخلصون معاك ورح يشتغل لصالحه ويرش للكفيل جزء بسيط
وان لاابد من السايق فالأفضل حتى تضمنين مكسبك دخلي شاحنتك
بسايق او بدونها
بشركات تشغلها لك بايجار سنوي يشغلونها وانتي مرتاحه وفلوسك بجيبك

لو تسمعين نصيحتي ان حددتي هالمشروع فأنصحك تستاجرين قلاب او سطحه
بدل الشراء وان شفتي شغلها طيب اشتري والله. يبارك لك

اذا مافيه خبره في القلابات
ابحثي عن مشروع آخر
تقدرين تديرينه وتشغلينه بمساعدة ابوك واخوانك.

الله يوفقك ويرزقك الرزق الواسع امييين
ملاحظة اذا كان اخوك متفرغ خليه يقوم بالعمل بنفسه لايعتمد على احد

كيف استاجر قلاب وبعدين ادخله شركه باجار شهري او سنوي . . هذي ما فهمتهى

لديك سجل تجاري ولديك الدعم المادي والمعنوي ماشاء الله

اولا انتي قطعتي نصف المشوار ولك النصف الاخر عالفكرة
رأيي في فكرة القلابات والمعدات الثقيلة بصفة عامة انها تجارة وقتيه بحيث يستهلكون الشركات المعدات ويكسرونها ويردونها لك
في ناس تقول يرجع راس مالي وفيه ربح
نععم يرجع ان شاء الله لكن انا ابي مشروع مستديم وغير مكلف وبنفس الوقت يستمر معي
اتوقع ورأيي الشخصي لو فيها خير الشركات ما تستأجر بل تشتري هي سيارات وعرضت رأيي على اكثر من شخص وايدوني بالموضوع وقالوا لي الربح في مثل هالمشاريع للي يملكون مجموعه كبيرة من المعدات وليس معدة او معدتين
لكن فكري واستخيري
وحاولي تشوفين مشروع ثاني مثل كوفي شوب نسائي مقصف مدرسي بحيث تقدرين تشرفين عليه بنفسك
تكلفته قليلة وادارته سهلة ودخله قريب من دخل المعدات
وبالتوفيق

المعدات الثقيلة سلاح ذو حدين .. يعني لو نجحتي فيه راح تكون الارباح خخيالية .. اما اذا كان حظك زفت فيه راح تتعبين من ناحية الصيانه لان القطع غالية جدا .. وبعد العمالة مالهم امااان .. وإذا اجرتيها للشركات راح يجيك عائد مالي شهري حلو لكن الضريبة بتكون انهم ماراح يهتمون للشي الي اسئجروه منك .. راح يكسرونها بالتحميل ... فنصيحتي لك توجهي للشي الي تحبينه انتي .. حتى لو كانة العوائد المالية قليلة مع الايام راح تكبر .. تحياتي

بالتوفيق بس المعدات تبالها صبر وورش ومتابعه

لكن فيها خير بعد توفيق الله