اللي عنده خبره في المواقع ولو متوسطه هو من عنده الخبره وانا من عندي جميع الافكار
ويكون من اهل الرياض للتواصل اليومي اذا كتب الله بيننا نتشارك
المبلغ المطلوب كبدايه تقريبا في حدود 5000 الاف اذا يبي يشاركني بالنصف او الثلث براحته وانا بباقي المبلغ ((مثلا اذا بيشاركني بالنص بيدفع 2500 وانا 2500 ))
يمكن ما نخسر في البدايه الى الف الفين بس الباقي رصيد للآعلانات والحمايه ...الخ نشوف لنا طريقه نوثق فيها باقي الفلوس بالطريقه المناسبه للجميع
طبعا والله الهدف من مشاركته بالمبلغ اثبات جديته لاني لو ادفــع المبلغ كامل ما يفرق معه ربح خسر الموقع ابي عزيمه واصــــرار من اول يــــوم
طبعا كل المبلغ في انشاء الموقع والحمايه والاعلانات وما راح نحط في جيوبنا ولا ريال الين ما نوقف على رجولنا وكل شئ تحت اشرافي انا والشريك
والمحال مفتوح شريك او شريكين كلامي ينطبق على شريك واحد او اثنين (كحد اعلى اثنين وانا الثالث)
وآسآلكم بالله اللي مو جاد واللي ما له نيه يدخل في هالمشروع لا يرسلي
واللي جاد يعطيني موثق من الله انه ما ينفذ المشروع الا معي وان لا يصرح بالمشروع والافكار لمخلوق < عاد لا تدققون على حرصي الزائد
تصور للفكره بشكل عام
طبعا الموقع يخدم التجار والمبتدئين بالتجاره واللي ما بداء الى الآن
ويخدم الــــزبون ويـــخدمنا لآننا سوف نتعرف على التــجار ونتعرف على كل صغيره و كبيره في الســـوق بكل ما فيه من انشطه بآذن الله
ويحوي ايضا اقسام ثانيه لا تقل اهميه عن الهدف الاساسي
وهدفنا في من منظورنا الاول كخدمه وطنيه انسانيه وذات عوائد بآذن الله قوووويه فيما بعد

الله يوفقكك ويعنيكك ..

الله يوفقك ويرزقك الرزق الواسع
امييين

الله يوفقك ويسر امرك

الله يجزاكم خير على هالدعوات الطيبه

ومو لازم شريك اللي يعرف لي اسضافه معتمده ومجربه بالامانه يدلني عليها

بانتظار تفاصيل المشروع على الخاص اخي الكريم

طلبك موجود باذن الله

الله يوووفقك ويرزقك الانسان اللي يخاف الله فيك ويكون عون لك ..

الف شكر على الردود وعلى هالدعوات

وباقي ما لقيت الى الآن

يفضل من الرياض للمقابله