مسااء الخير للجميع..

الثلاثاء كنت في الرياض وسويت الكشف الطبي وبعده رحت للقاعدة الجوية
اليوم علشان المقدم يوقع على أوراقي وعطوني دفتر طلب الإلتحاق في القوات الجوية..
طلبوا مني أروح للأدلة الجنائية بالرياض علشان أسوي البصمات قبل ما أروح لحائل..
أثناء خروجي من قسم التجنيد في القاعدة قريت في دفتر طلب الإلتحاق أنه
((( يجب على الطالب التعهد بأن لا يطالب بالنقل من وحدته خلال الخمس سنوات الأولى )))
يعني يقصدون أنه أخدم في قاعدة الرياض الجوية 5 سنوات بعدين أقدم طلب نقل!!!
صراحة التعهد هذا حطمني بعدما كنت مبسوط في الشرطة الجوية..
بعد ما قريت دفتر طلب الألتحاق مر من عندي ضابط برتبة رائد في القوات الجوية..
وقف عندي وسألني عن إسمي ومن أي مدينة وكذا..بعد ما عرف معلومات عني نصحني وقاللي بالحرف الواحد ((( لا تدخل الجوية .. والله راح تندم )))

صراحة بعد اللي صار لي اليوم من نصيحة الضابط والتعهد في الدفتر صرت مو متحمس للشرطة الجوية بعد ما كنت أتمنى أنقل لمطار حائل الإقليمي ((( مو مشكلة لو بعد سنتين مثلا ))) !!!

زبدة الكلام من الضابط لي ونصيحة أخ لأخوانه :ـ

اللي طوله فوق 170 ومعدله حلو ويسكن في مدينة ما فيها قاعدة جوية
الأفضل له يقدم في الأمن العام أو المخدرات أو الحرس الملكي ويبتعد عن القوات المسلحة!!!

مع التنويه الى أنه قبل الكشف الطبي تكلم معي ضابط برتبة مقدم بعد ما شاف أوراقي
وإستغرب إني أقدم شرطة جوية برتبة جندي بمعدل 91.99 علمي وإني جاي من برا الرياض!!!
وطلب مني أكمل جامعة أو اروح للأمن العام!!!

هذا اللي صار معي بالحرف الواحد والله على ما أقول شهيد..أسف على الإطالة بس حبيت افضفض!

وهو صادق وانا اخوك كمل جامعة

بعدين القوات المسلحة يبون واحد حلم حياته وعشقه شي اسمه التعسكر والعسكرية والبدلة
يبون واحد بالفعل يعرف ايش معنى وطن وايش معنى الدفاع عنه

اما تقول لي ما ابي ابي عند اهلي

اذا اهلك مو محتاجين لك فخلاص تراك كبرت وصرت رجال وش تبي بعد بجلسة في بيت اهلك؟؟؟
الا توظف وتتزوج وتصير انت بكبرك اهل تصير اب ويجيك عيال

بعدين تعال وش فيها الرياض؟
فرص عمل في كل مكان ان بغيت الجيش وان بغيت المدني وان بغيت القطاع الخاص وان بغيت الجامعات والمستشفيات والمدن الطبية الله يعافينا ولايبتلينا

المهم نصيحتي لك

اذا اهلك ما يحتاجونك خصوصا امك وخواتك
واذا انت تعشق شي اسمه عسكرية وبدلة وسلاح وحدود الوطن
فلا تتراجع

ترى اللي سواه معك الضابط اختبار
وفي الغالب انهم يبون بعد الدورة يبتعثونك تكمل تعليمك وتعلق النجمة

بس اهم شي في كلامي اللي حطيته لك باللون الاحمر
وبالتوفيق لنا اجمعين في الدارين
سلام

شف الكلام الي قاله لك الظابط اختبار
لكن سالفة الامن العام تراه اقشر على الاقل الرياض اقرب وبه خدمات وافضل
لكن الامن العام يقلعونك يم الشرقية ولا الغربية ماتدري وين تعيينك فيه
حظك ونصيبك الامن العام


حنا ماندري عن ظروفك لكن اذا ظروفك تسمح انك تكمل دراسة كمل لو هي تقنية
وان ماتسمح لك ظروفك ادخل هذي وتوكل على الله
على الاقل بالرياض والخدمات كله به
وغير كذا سالفة الاهل وما الاهل يالغالي كلنا نبي نبعد عن اهلنا ومحدن ماشيتن الدنيا على كيفه
وبكرى ان شا الله تظبط امورك وتتزوج وتلهى بام عيالك

والله يوفقك ويوفق الجميع

اي نعم الطلاب المتفوقين في الرياضيات والفيزياء يعطونهم دورة 45 يوم وبعد كذا يبتعثونهم داخليا لدراسة الهندسة ويتخرجون بعد اتمام الدراسة ملازم اول مهندس في البرية والحرس والامن ، وملازم مهندس في الجوية
والسبب ان الدراسة في الكلية الجوية الحربية خمس سنوات= الدراسة في كلية الهندسة
في حين الدراسة في الامنية والبرية وكلية الحرس ثلاث سنوات عشان كذا تحسب السنتين الاضافيتين في كلية الهندسة له ويتخرج ملازم اول مهندس

انا قال لي احد الضباط في الجوية يوم قدمت عليهم هل عندك نية تكمل وانا قلت لا ...... مع ان نسبتي اعلى منك بكثير تخيل
مشكلتي اني مصروف عن الدراسة بعين الله يشفي مرضى المسلمين
واصلا كان هدفي بعد ما تخرجت من الثانوي قبل 12 سنة انو ادخل الهندسة واقدم على القوات البرية سلاح المهندسين تحديدا يعطوني دورة 45 يوم مدري 90 يوم واعلق النجمتين الله كريم
دخلت الهندسة وتفوقت احسن من الثانوي لكن صار اللي صار والله يشفيني
اخوي الله يكتب لي ولك اللي فيه الخير وصلاح امري الدنيا والاخرة

اهم شي انك قلت ان ميولك عسكريةيعني لا تتركها نهائيا الميول اهم بكثير من المادة او الراحة الجسدية
لان الراحة النفسية هي الاهم وراحتك النفسية راح تكون مع ميولك ، الفلوس عمرها ما اشترت السعادة لاحد

سلام يا بطل

الله يوفقك اخوي عندي استفسار ماهي الاوراق التي طلبوها عند اتصالهم لك علشان تجيبها عند موعد الكشف الطبي

من جد ٩١ وتسجل جندي طيب ليه كنت زي مصطفى بالمدرسه ودافور والحين جندي أنا نسبتي ٧١ وإلا ما انحديت عليها و واحد معنا مقدم نسبته ٥٨ يعني وش استفدت زيك زيه وهو فال أمها ههههه وانت تعبت بالتوفيق

استخير ربك وكمل امورك ولو ربك مو رايد لك مابتكمل
بس اهم شي استخاره ولاتضيع فرصه غيرك يتمناها..
بالتوفيق للجميع

يارجال ادخلها ، والظاهر كلام الضابط كان اختبار لك والله اعلم
ترا فرصه ما تتعوض وان تركتها يرزقك ربي بأحسن منها ان شاءالله ،
القوات الجويه اعلى رواتب بوزارة الدفاع وحلوه مرررررره وكثير يتمناها
وموفق يارب ،