نصيحه منى كمل جاااامعة ولاحق على العسسسكرية


حتى لو خلصت الجامعة تقدر تدخل الامنية سنه وحده برتبة ملازم اول


واتمنى لك التوفيق

ولله شوف ، ماهو اختبار ولا شي ..وليش بيختبرك اصلآ ؟ خل كلام الاعضاء قال اختبار قال :|
من متى النصيحه صارت اختبار ، فكونا من الفلسفه الفاضيه ،
النصيحه بلاش وبتجي يوم تصير بفلوس خخخ

نسبتك 91 ي ابن الناس م جربت كليات عسكرية : )
م جربت جامعه ؟ م جربت ارامكو ؟ م جربت سابك ، م جربت معادن ؟ م جربت جامعة البترول ..
م جربت الخطوط الجويه ، م جربت شركة الكهرباء .. ؟
ترا في حاجات كثيره تطلب نسبتك .. وغيرك يتمناها ...

لو مثلآ افترضنا انك تبي العسكرية ومييييييولك عسكري ..

ليه تحطم نفسك ياخي من بدايتها جندي ؟
ترا لو تحطم نفسك جندي بيكون تقاعدك عـ رقيب ب الكثييييير !
ياخي وش تستفيد لاصار عمرك فوق 40 وراتبك م وصل 15 الف .. ؟

جديآ اتمنى منك النظر في موضوعك ولا انصحك الا لاني مريت في نفس وضعك ..
خل طموحك اكبر ي خوي .. حتى لو انك محتاج اضغط على نفسك وكمل دراسه
الاحتياج ينتج ب النفس العزم والارادة ، خلي طموحك اكبر
لو مره انت متحطم ع الاقل خليها تقنيه .. ع الاقل تعلق 3 شرطات ،
مع اني اشوف تدرس جامعه ..ووقتها قدم ع الحربيه وعلق النجمه .. لو تبي الجويه
او الامنيه وروح الداخليه ، حتى لو ربي م وفقك مثلآ ب الكليات
ترا تخش ب الجامعه 4 شرطات يعني رقيب ، يعني يمديك تعلق النجمتين قبل م تتقاعد : )،
فكر في كلامي رجاء ولا تحطم نفسك من اول عمرك عشان م تندم : ) ، نصيحة اخ لـ اخوه
وانا احب لك مثل م احب لنفسي ولا اعرفك ولا يهمني تتوظف او لا ،،
مجرد نصيحه لك مثل ماجاتني نصائح وصحصحت ..


=====


وبخصوص الاخ الي يقول يرسلونك ابتعاث ؟ ههههههههههه سلامات يالاخو غلطان ؟

ومدة الدراسه غلطان مو 5 سنوات ،الدراسه ب الحربيه 3 سنوات لو خشيتها ب الثانوي ، وكل الكليات العسكرية .. لاتفتي من راسك رجاءً
واحد من اخوياي الروح ب الروح الحين ب الحربيه .. واحد اعرفه الحين نقيب ب الاستخبارات متخرج كمان من الحربيه ، السالفه ي بعدي لو انت جندي = جندي طول عمرك

من سابع المستحيلات تصير ضابط بدون بكالورويس .. حتى الضباط الي ب الحربيه يحصلون على بكالوريوس بالعلوم العسكرية .. : )

سالفة انه تصير جندي ويبتعثونك كلام غلط 100% ..
يبتعثون الي في المعاهد فقط ويرجعون كمان بنفس الرتبه وكيل رقيب ولاكنه دارس برا
عنده صلاحيات اكثر يكون ،

الي يسجل فرد = فرد طول عمره .
مستحيل الفرد يصير ضابط بعد النظام الجديد ذا : )

كان عام 1424 تقدر تصير ضابط لو انت فرد ، لانه في احتياج ب الضباط
تجيب الجامعه وانت جندي وتطلع ملازم ، لاكن الحين تغير النظام في اخر 10 سنوات ي الحبيب ..


بالتوفيق

صح مدة الدراسة بكلية الملك فيصل الجوية 3 سنوات وليست 5 سنوات كما ذكرت انا في مداخلتي السابقة

وانا اقترحت عليه في البدية انه يكمل دراستة يا ربك كريم
بس الله اعلم بظروفه

هو من سكان حايل ومتخرج عام 1432
يعني الكليات العسكرية خلاص ما تبيه

الافضل انه يكمل هندسة او طب وبعدين يقدم على دورة تخريج الضباط

ان اقبلوه فبها ولا شهادته مرموقه والقطاع الخاص بيوظفه براتب دبل رواتب العسكرية

وانا اشوف الافضل له يدخل تخصص سهل ونادر
لانه راح يتفوق فيه الى اقصى حد ووقتها يجيه الققطاع الخاص يشحذه شحذه
مثلا : ادارة مالية، محاسبة ، قانون ، ترجمة لغات، ادارة صحية ، الخ الخ

شكرا للجميع على مروره..يعطيكم العافية..الله يوفقكم جميعاً..ااامين

نصيحتي لاتخششششششششششش

حرام عليك نسبتك وطولك وتخش قوات مسلحه

وشرطه بعد خفرات


روح ادرس لك شي طيب يفيدك وتتوظف مدني مرتاح وابعد عن العسكرية ماورها الا وجع الراس

انا خلاص طفشت من العطاله خلاص ابي العسكريه وبسسسس لاتقول بعيد والقريب ملينا ياعيال من الدجه والسنين اللي ضاعت الحمد لله خلصت الكشف الطبي برياض ونا من اهل الغربيه مكه وش نسوي هذا مستقبلك لتقولي اهلي أبوي وأمي الرياض مافيها شي حلووووه وفله. لاتخاف خلك جامد اي مكان انت في وطنك ولا تنسى انك تدافع عن وطنك هذا شرف لك صلي صلاة الاستخاره وشوف باذن الله ماتخيب خلك بعيد عن كلام الناس. تراهم ماي ينفعوك ولابريال بس يبون يضيعونك نصيحته تكفى اخوي

ترا القوات المسلحة تساهيل مب زي الأمن العام معقدين الأمن العام سانتي ناقض يكرشوك وأرديك من الشعر بيت الكشف الطبي تبعهم معقد يعني مافيها تساهيل ونا ماتدري ضامن نفسك تكون من مريض. ولي يقولك مدني أنسا احلم احسن لك هههههه جامعي مايلقى مدني ههههههههه اقول مردها عسكريه عهههههههه