[align=center]السلام عليكم ورحمة الله وبركاته،


أسعد الله مسائكم بكل خير . .


أنا وقعت مع مدرسة أهلية وأخبروني بأن الراتب في العقد 2500 لكن راح يعطوني 1500 ريال!
والموارد البشريّة بتعطيني 2500 .. يعني مجموع الراتب 4000 ريال شهريًا، فقلت تمام.


اليوم وصلتني رسالة من التأمينات هذا نصّها:

عزيزي المشترك: ********
تم تسجيلك في نظام التأمينات الاجتماعية برقم ********** وبأجر قدرة 1500 لدى ورشة **** للحدادة وفروعها لصاحبتها ******


وأظن -مش متأكدة- انهم ماراح يسجلوني بالموارد هالنصابين،
و قريبي يقول، احتمال يجيبون باسمك عُمال! ويجيهم دعم :\
أبي معلومة أكيد مش احتمالات.


وأنا راح أنحرم من حافز.. على راتب ما يسوى!
حسبي الله عليهم، أنا ما وقعّت على 1500.

تنصحوني انسحب وإلا كيف؟

أبي خبر أكيد؛ ضروري.
[/align]

نصيحة انسحبي ما راح تستفيدين من الخبره

همي، شكرًا لك..

-

رفع

ورب السموات السبع والارض السبع ان اكبر نصب في القطاع الخاص من المدارس الاهلية تستغل حاجات البنات وخوفهم من ضياع الفرص وخوفهم من انه لو اشتكو اهلهم راح يمنعونهم من العمل نهائيا درءا للمشاكل فيسكتون على حقوقهم والساكت عن الحق شيطان اخرس مدام اخوك معاك ومساندك لاتتركين حقك خذي من عيونهم
شكرا لك وبالتوفيق
معا ضد الفساد

[align=center]وعليكم السلام

اللي أعرفه إن الموارد البشرية تعطيك كثر المبلغ الي بتأخذينه من المؤسسة اللي توظفت فيها .
يعني هم مخصصين لك 1500 الموارد تعطيك 1500 ويصير المجموع 3000 من غير خصم التأمينات والدعم من الموارد بالكثير راح يكون عقب 3 أشهر >>على حسب السعي وراهم
وطالما إنك اتسجلتي في التأمينات فمستحيل إنه يُستغل اسمك مثل مايقول قريبك .
أنا أشوف إنه ماله داعي توترك ..توكلي على الله وباشري فيها بتكسبين خبرة وبتستفيدن من التجربة
و الاستقالة في أي وقت ممكن تقدمينها إذا ماعجبك الوضع .
أما رسالة التأمينات فاأنا مب متأكدة هل يكتبون المبلغ كامل أو فقط اللي تقدمه لك المؤسسة حاولي تسألين عن هالنقطة لأن فيه احتمال تكون المؤسسة غير مدعومة من الموارد البشرية


أتمنى لك التوفيق [/align]

حسبي الله ونعم الوكيل فيهم