السلام عليكم ورحمة وبركاته


فيه موضوع شاغلني وابيكم تعطوني شوركم

وحده مستفيده من الضمان متزوجه بالسر تاخذ ضمان ومقطوعه

وتاخذ من الجمعيات ومن اهل الخير بحجة انها ارمله وام عيال

تاركه عيالها ع شغل اثنين من اخوانهم الكبار

وتاخذ حقوق المستفيدين الصغار من عيالها

حقوق عيالها الصغار من الضمان والمقطوعه

والجمعيات تصب في مصلحتها هي وزوجها

متزوجه اجنبي عاطل وتصرفه من حقوق الايتام

اللي من الجمعيات ومن الضمان ومن اهل الخير

وجميع الجهات اللي ناخذ منهم ماهم عارفين انها متزوجه

وش الحل في نظركم،،،،،

احتيال واضح والشرع حذر لكن الحكم الصريح لأهل العلم والحل لازم تعترف وتعلن زواجها وإذا فيه اضرار تخفيه وفلوس لايتام تبتعد عنها وفلوسها على انها ارمله تسأل شيخ وتقوله انها متزوجه ولا تصارح الضمان عشان إذا ماتستحقه يوقفونه فورا
ورزق الحلال طيب وان قل والحرام والمشبوه شر وان كثر ولازم تتذكر ان الدنياء محطه ولا تشتريها باخرتها إذا كان همها الاخره وجعلنا من يصبحون ويمسون بهم الاخره

هي تزوجت خارج المملكه عشان الدوله ماتعرف تبيها تسال

عارفه انه حرام ولا عليها حتى زواجها بدون علم الدوله

يعني عليها غرامه 10000ريال في حال الدوله عرفت

ودي ابلغ عليها والبعض يقولي مالك شغل فيها الحرام عليها مو عليك

انا اقول قدمي له النصيحه وذكريه بالاخره وانه راح تسئل امام الله وانا هذا مال الضمان له شروط وريال حلال احسن من مليون حرام .. انك تبلغ عليه اشوف هذا مو حل بل فضيحه والستر زين قدمي له النصيحه اكثر من مره وذكره بالله ونسئل الله لنا وله الهدايه

انا مع كلام سسلوم .,
ابدد انك تبلغين عنها مو حل .،
الله العالم بظروفهاآ .. متزوجه اجنبي وتصرف عليه.،
من حقوق عياآلهاآ اليتاآمى ..!!
انصحيههاآ والله يصصلح الحاآل ..،

انا ماكتبت هنا إلا بعد ماعجزت عنها واللي متزوجته عاطل وتزوجها عشان تصرفه


قلت لها ضمان عيالك وصدقات الجمعيات لهم حرام تسالين عنها


لكن ماتسمع عجزت فيها قلت اشوف وجهات نظركم لكن شكلي ماعلي فيها

اختي احاسيس


الساكت عن الحق شيطآن أخرس


المرأه هذي تآخذ اموال اليتامى بدون وجه حق



وحتى زواجها مشكوك في صحته !

كيف تزوجت وكيف تم الزوآج

اعتقد انها تزوجت لمتعتها الخاصه وشهوتها ومافكرت بالاطفال الايتام وأكل مال اليتيم اثمه عظيم جدا


وفوق كل هذا شاركت الأرامل والايتام الآخرين في هبات الدوله رعاها الله لهم



هذه عينه من الأناس الانانيين والي همهم نفسهم بس!

أرى بان تقومين بالابلاغ عنها فورا

فهي لاتستحق ريال واحد يصرف عليها !

اخ شرقاوي

كلامك اللي قلته صحيح تزوجته لمتعتها حتى انها تقول خليني اغسل قلبي

والثور اللي هي اخذته ماعنده كرامه بس هاتي وهاتي ملابس جوالات وتذاكر سفر

المشكله انا عارفه انه حرام والضمان لعيالها مو لها ضمانها مايغطي مصاريفها الخاصه

لكن اللي حولي يقولون مالك شغل فيها الله مطلع عليها وهو اللي بيحاسبها مو انتي

اللي استفزني وخلاني اكتب الموضوع الآن مجهزه وتبي تسافر له

وجالسه تفرفر ع الاسواق وتشتري لها ملابس وجوال وغيررره

شرقاوي مزيون
كلامك سليم مادام انها مااستجابت للنصيحه بالتي هي احسن
فما عليها حسافه لو بلغتي وبدون ماتعرف انه أنتي
اتوقع انه في هالزواج مااتبعوا طرق سليمه والا كان عرف عنها الضمان
اختي مطلقه ومن ثاني شهر للوظيفه تم قطع الضمان عنها لانها بوظيفه حكوميه
وكلش مدون باﻷحوال..
اسأل الله أن يصلح حالها .

__________________
"لله دُر أمي إذا ابتسمت
تهادت جروح قلبي والتئمت"

قال ياما من الرزق قال ياما من قطاعتة؟؟

وانتي وغيرك بتصرفون عليها من جيبكم والا بتنقص من راتبكم؟؟

جت على هالمسكينة لو جينا للحلال والحرام وش يحلل للوزراء والامراء والاميرات مخصصات مالية

من خير هالارض والمواطن محروم؟؟

خافو ربكم واتركوا الخلق للخالق ..