[align=justify]اللع يعوض عليك ويجزاك كل خير على النصيحه
صحيح خطأ كبير بداية المشروع وماتوفر عماله
كان بالامكان تشغل مشروعك بنفسك وتعاون أقاربك اخوانك
اصدقائك
وبعد مشكله انك توفر عماله وتعطيهم رواتب ومابعد انتهي مشروعك
رح تخسر رواتب ومصاريف سكن ومعيشه وخلافه من دخلك الخاص
وماتعرف مشروعك باي وقت رح ينتهي
وبنظري خسارتك
رح تكون اكبر لو وفرت عماله قبل انتهاء المشروع لعله خير لك
تاخير العماله
وش مشروعك فيه شركات تعطيك عماله مختلفه برواتب شهريه
وتطلب العماله اللي تناسبك لكن شرط الشركه يكون المشروع
مؤوسسه او شركه
باذن الله تحصل عماله ويشتغل مشروعك وتعوض خسارتك بوقت قصير
اسال الله التوفيق لك ولكل من يسعى لطلب الرزق الحلال
[/align]

هلا بكم جميعا
لم استسلم ولكن غيرت مسار الخطة واتجهت الي الاستقدام
لعل الفيز ايضا تنفعني بمشروع اخر
اسال الله ان يرزقني واياكم الرزق الحلال
دمتم.سالمين

الحقيقه قرارات وزارة العمل تقتل طموح الشباب وهذي حقيقه اذا كنت انا شاب لسى بادي وابي اكون لي دخل تلزمني بالسعوده انا معك في السعوده ولكن بعد مايكون عندي مثلا محلين اما بفتح بقاله او مغسله هي الاولي لي تقول سعود طيب استاجر محل واوضف سعودي وادفعله وانا مابعد اشتغل محلي ولاعندي ايراد من اين اجيب الفلوس هذا وذا كنت قادر فانا لست بحاجه للمغسله او البقاله فهذا قتل لطموح الشباب اللي توه بادئ

من رأيي أنك أنت بنفسك اللي تشتغل في المحل
وراح تستفيد كثير ومنها
الراتب اللي راح تعطيه العامل راح تاخذه انت يعني اضيفه الى ارباحك
وثانيا لما انت تكون شغال بنفسك راح تحرص على المحل اكثر من العامل
وثالثا راح تطور المحل وتكتسب خبره اكثر
نصيحة اخ
وبالتوفيق

يعطيك العافية على النصيحة
ولكن كيف يمكن لي ان اجد العمال قبل ما ابداء في مشروعي في ظل النظام الحالي
اتمنى انك توضح الطريقة التي تراها مناسبة في مثل هذه الحالة لتجنب الوقوع في الخسارة
وشكرا لك مقدما

كيف العمال قبل المحل ؟؟؟؟اذا كان الوضع معروف ....تستأجر محل وبعدين تقدم على فيز وبعد كم شهر يجوك العمال ...هذا الوضع اللي يسويه الأغلبيه ....كيف تبغى العمال تجيبهم قبل المحل ...الا اذا كان قصدك عمال هاربين من كفلائهم او بدون اقامه فهذا موضوع ثاني .....

بالعكس .. هناك خلل كبير في العقلية السعوديه التجارية للأسف الشديد .. المعادله هي كالتالي: عامل كويس + أنا سعودي بالأسم = تجاره ... هذي ماهي تجاره, هذا لعب عيال ... من قناعتي الشخصية وتجاربي الكثيره إذا أنت ما تعرف أساسيات وتفاصيل الشغله اللي راح تدخلها فأنت أما حل آخير وهي أن تدخل العامل كشريك .. لأنه من الظلم أن تشغله موظف عندك وأنت واحد ما تفهم الشغله, راح تشيب راسه وهو اللي راح يبني المحل أو التجاره وهو اللي راح يكون علاقات ويزبط جميع الأمور اللي راح يحتاجها المشروع لإستمراريته , وفي نفس الوقت أنت قاعد بوظيفتك الحكوميه تشرب شاي الصبح وتبغى تصير تاجر أخر النهار !!!

وفي الآونه الأخير جات وزارة العمل وخربت أم الشغله ... التجارة أعمق من كذا ... أشوف أن المناسب لوضعنا بالسعوديه خاصة مع كسل وخمول الشباب الكبير هو أن تقوم وزارة العمل مع وزارة التجاره بتمكين العمال الأجانب من توقيع عقود شراكه لتشغيل المشاريع الصغيره والمتوسطه على شرط أن يكون المتكفل بالأمور الماديه هو الجانب السعودي الكسلان ... يعني مش معقوله مو فاهم شي ويبي الحلال كله !! خلاص خلك مستثمر, لكن أعط أهل الحق حقوقهم ... مثال بسيط, اللي يفتحون مطاعم, إذا ما عندك خبره بالطبخ وخاصة الصنف اللي راح تقدمه, وقد جربت وسألت ناس عن الجوده وقيمت الأسعار, فأسمحلي, أوقف من بدري أحسن لك ... اما أنك تعتمد على عمال توظفهم عندك وهم راح يسون كل شي !! فهذي أحلام يقظه راح تنقلب كوابيس ... العامل عندما يأتيك كموظف فهو يبحث عن تدريب وعن فريق عمل يشتغل تحت رئيس يوجهه ويرشده ويدربه ... وإن كنت تريده يدير تجارتك, فالمنطق العالمي للتجارة يقول, دخله شريك ولا يكثر .. ولا راح يختلسك وأنت جالس تحك راسك

الي يبي عامل قبل المحل ،، لأزم يتعب في البدأية ، بمعنى ، لازم تشوف المحلات الي نفس نشاطك وتروح تتفاهم مع العمالة ، انك بتفتح نفس المشروع في المنطقة الفلانية ، وابي عمالة مدربة تكون ، جاهزة ،، اذا توفقت بتحصل واحد بيقولك انا بشتغل عندك بس أنقل كفالتي ، ولا عن طريقهم يجيبون لك عمالة مدربة له خبرة هنا بنفس النشاط ، وانت عليك الفيز ،، طيب كيف تشغل عمال في المحل ، قبل ماتصدر الفيز ،، هنا لازم تخالف النظام لأن النظام هو الي يحدك على هالشغلة ،، ^_6 ، توظف عامل عنده خبرة لو تفرق عن راتبه 500 ريال لين يوصلون عمالك لان حرام 6 اشهر المحل مغلق عشان العمالة !! ،،

كيف تجيب العامل ، يأ أنك تتفق مع كفيله يشتغل عندك لفترة معينة ، او واحد مايدري عنه كفيله ، وهذا الي حاصل ،


بإختصار ، الانظمة الي عندنا عقيمة وتخرب أكثر من تصلح يعني ،، أنظمة بالمشمش ^_^ وتستمر الحياة