السلام عليكم
جا في بالي فكره بما اني فاضي طول وقتي وطفران
ومن باب ابي اتعلم واعتمد على الله سبحانه ثم نفسي
انا طالب كليه ولا عندي اي دخل غير المكافىه 800 ريال فا حبيت ازيد دخلي وجا في بالي هالمشروع

انا مستعد اقسط اجهزه جوال مستعمله بالبدايه ثم جديده ثم بعدها اجهزه متفرقه يعني شوي شوي

بالبدايه كيف اضمن حقي اخاف اقسط احد ويجحدني كيف اضمن حقي
وكيف. ابدا العمل هذا بالشكل الصحيح
طالب مشروتكم ي اخواني تراني ماعرف شي
والسلام

الله يوفقك ويرزقك الرزق الواسع
امييين

اخوي يعجبني تفكيرك في البحث عن مشروع يدر لك واسئل الله لك التوفيق والسداد

مجال الاقساط واسع فيه الناجح والخسران ومتعبه من حيث العملاء الي ياخذون منك يتعبونك في التسديد

يعني الشغله هذي بالذات تعتمد على الزبون اذا كان وافي راح ترتاح وتنبسط لاكن اذا ماكنت تعرف الزبون

راح تتعب لان كثير من الي ياخذ اقساط مايسدد ويماطلك وزحمه

لاكن اذا تبي تبدأ في هالمجال خذ نصيحة اخويه مني لك

لاتعطي احد كل راس مالك مثلا 20 جوال او مكيف او غساله او غيره لشخص واحد حاول تقسمها

على كذا واحد حتى اذا واحد ماسدد يسدد الثاني

طبعاً الضمانات كمبياله والان صدر قرار انها تتنفذ من محكمة التنفيذ بدون الرجوع لوزارة التجارة

يعني صارت اقوى من اول


وطبعاً انت تستثمر عند احد شركات التقسيط المعروفه في منطقتك ولاكن حاول تبحث عن الافضل من الناحية الشرعية


لان البعض ياخذه الطمع لأن يقع في الربا ويكون البيع عنده مشبوه لاكن لاتبدا حتى ان تسئل مره ومرتين وثلاث

وتستخير وتتوكل على الله


بصراحه بالنسبه لي ما ا نصح بالاستثمار في الاقساط افضل الكاش او النقد افضل


لان بعض الاحيان تتعب وانت تطارد حقك

وهي كذا التجاره ربح وخساره


وبالتوفييق للجميع واسف على الاطاله

موفق باذن الله

الله يوفقك اخوي حبيت فكرة تشتغل وانتا طالب من ناحية تثبت نفسك ومن ناحيه تانية تكون عندك خبرة جيدة في الحياة
انا اقترح عليك بما انك طالب وعندك مذاكرة واختبارات تشتغل مسوق فيها رواتب وعمولات ومن هنا ممكن تكسب زباين ثقة وتتعرف على ناس من كل الطبقات. ...


في الاخير اتمنى لك التوفيق