جزاك الله خير

السلام عليكم ورحمة الله وبركاتة


الحين ليش ملاحظ في اغلب اعلانات الوظائف خاصه اللي فيها تعقيب او مندوب وجود سيارة خاصه


عشان اكد سيارتي لشغله للشركة مثلا


اتوقع المصلحة للشركة ما هي لي ومادمها للشركة مجبورة توفر سيارة لأعمالها الخاصه


لو انكم موظفين اجانب كان وفرتوا لهم سيارة ولا بعد يروح فيها لمشاويرة الخاصه


بس السعودي ابن البلد لا حرام نسلمة سيارة يخربها ويلعب فيها ما عمركم تصفون النية ابد


سلمني سيارة واجردها جرد كامل علي واذا فيها شي عند التسليم ادفع قيمته اما سالفة اكد سيارتي اللي دافع فيها دم قلبي لمصلحة الشركة لا والف لا


المعذرة على كلامي لكن هذا هو الواقع المر في شركاتنا اللي تخدم الاجنبي اكثر من ابن الوطن

+ اتفق مع الجلاوي
بالاضافة تكد بسيارتك لمصلحتهم والراتب 4 لاغير
واذا الكرم شق مخابيهم عطوك بدل محروقات 200 ريال

طيب ٢٠٠ بدل محروقات


وين راح الزيت والسيفون وغيره العطالات


ولو وفروا لك ذي كلها ما راح يعوضونك باللي طاح من قيمة سيارتك اللي مغطت مشاوير لاعمالهم الخاصه


وغير لاقدر الله لو جاك حادث وانت تقضي لهم مشاويرهم ما طقوا لك خبر

الشركات الي تحترم طاقم موظفينها توفر لهم سياره للعمل

بالتوفيق للجميع