السلام عليكم

بعد تخرجي من الثانويه العامه جلست بدون عمل عاطل ومرت ثلاث سنوات
بعدها قررت اني اطلع وابحث عن عمل بنفسي طبعا انا كان اعتمادي طول الفتره على شخص وهذا اكبر غلط مني بعد معاناه لقيت وظيفه ب هايبر بنده مصفف خضار
عند تسجيلي قابلت شخص حسيت انه يحاول يساعدني وما قصر معي وبعد ثلاث ايام راح اوقع العقد معهم
هذا اول مكان راح اشتغل فيه الصراحه كلما اروح مكتبهم للتوظيف ابغا اساله عن اشياء عن العمل الراتب وين مكان اقدر اتعالج فيه واذا عندهم سكن لاني من منطقه تبعد اربع ساعات وهل راح يكون عليهم انهم يوصلوني مكان العمل الى السكن وهل اكلي علي ام عليهم واسائله ثانيه مهمه ممكن انا مااعرفها او غافل عنها من المفروض اسائل عنها
لاكن ما اعرف وش اساله عنه وبعد انا من تخرجي من الثانويه لين اليوم ماعدت احتك ب الناس
وش راح اسوي بأول يوم دوام للعلم المكان التوظيف بمكان يبعد عني اربع ساعات انا سمعت ان عندهم سكن + موصلات بس كلما اروح مكان التوظيف احس لساني ينعقد من الكلام وكيف اساله

انا جلست ثلاث سنين عاطل بلبيت لمن طلعت شفت نفسي فورطه دمرت نفسي ولا اول انا ماكنت كذا ابد


الله يوفقك كنت من يرد ويحاول يساعدني

وعليكم السلام
1ولا 1000 مبروك وربي يسعدك
ثانيا لابد ونا اخوك تسأله عن الراتب اما المعيشه فلااعتقد انها عليهم اما السكن ممكن
انت ممكن تسأله عن مميزات الوظيفه ومافيها شي اما منطقتكم تبعد عن العمل 4 ساعات فنصيحتى لك اسكن بمكان عملك الان الحوادث الله يكفينا ويكفيك ويكفي القاري شرها كثرت
وربي يوفقك

اسأله عن مميزات الوظيفه واذا فيه شي ودك تساله ولاقاله عادي اسأل لاتبين انك مرتبك ترى الوضع عادي كلنا اول مره نتوظف كذا بعدين كل شي سهالات ..
اسأله كم رواتبهم فيه تأمين طبي , فيه سكن , او مواصلات
الله يوفقك ويرزقك من واسع فضله

اسأل واستفسر عن كل شي انت ماجيتهم عشان سواد عيونهم جيتهم عشان الراتب والوظيفه ۆ اللَّہ نعمه ۆ اللَّہ يوفقك وانا اختك وترتاح بها 😊

عادي داوم وأسأله عن كل شي وقوله انا جديد وحاب اعرف كذا وكذا

ترى الدعوى مي محتاجه شي انت تسأل عن حقوقك

كأنك داخل بنده تقوله فين رف العصيرات

يعني في الحالتين انت تسأل عن شي حق من حقوقك تسأل عنه

حتى هو راح يتجاوب معك لان هذي من مهام المدير (التوجيه)

احب ازيدك معلومات حلووووووووه


بتحس نفسك طفشان وبتزعل تقول ايش هذا انا ايش وظفني


بس كم يوم وتسير عااااادي تحتاج فقط الى تكيف مع الوضع وهذا امر عادي جدا


مثل اول يوم في الابتدائية بكينا وامتلت عيونا دموع ومعاد نبي نروح لكن شفنا العصا

ورحنا بالقوه وتأقلمنا وسرنا سمن على عسل لاتطاوع نفسك ترى فقط تأقلم وتكيف ويسير الوضع عسل إن شاء الله

أولاً مبروك الوظيفة ، ثانياً أساله زي ما تبغى ، أخذه بالكلام حبه حبه ، وراح تسلك أمرك بأذن الله ، بعدين شف السوق نفسه اذا فيه شباب سعوديين رح لهم واسألهم عن العمل ، أشوي أشوي راح تمشي معك باذن الله
( بس ما قلت انت من أي مدينة )
أسال الله العلي العظيم ان يوفقك وان يَسهل أمورك ،ويكتب لك الخير

1. هل راح تكون الوظيفه هذي مُعين لك في المُستقبل ؟!
2. هل هذا سقف طموحك، الوظيفه ماهي عيب لاكن اذا جلست عليها ما راح تعيش ..

الجامعه ثم الجامعه ثم الجامعه ولو كانت بأي ثمن