السلام عليكم ورحمة الله وبركاته ,,,

أنا داخل اليوم عشان أقول لأي عاطل, ثق بالله تعالى واعرف إن لقمتك بيجيبها الله لك لين فمك. لا تيأس ولا تحزن. أغلبنا ودة بوظيفة رسمية عشان يرتاح وهذا حق مشروع ولكن لو مالقيت وظيفة رسمية تجلس بالبيت ؟ أو لو بغيت تشتري شي تروح لبوك تقوله ابغى فلوس ؟
صدقوني يا شباب كل شي يجي خطوة بخطوة وسمعنا كثير إن فيه موظفين كانت بدايتهم مراسلين على عقود أو بند اجور أو مستخدم بعد كذا تدرج لين اصبح مدير ادارة وتطور الأمر إلى منصب أكبر. أنا جايكم بفرصة يا شباب وعندي خلفية بالموضوع اللي بطرحه لكم.

بعد الأمر الملكي الأخير اللي بعام 1432هـ تم تثبيت جميع موظفين الدولة بالداخل والخارج حتى المتعاقدين مع وزارة الخارجية بالممثليات والسفارات بالخارج تم تثبيتهم ورجعوا للوزارات والبعض منهم احتاجوا خدماته في سفارة والبعض الاخر لا زال في الوزارة يمارس عمله.

وزارة الخارجية الآن عندها نقص كبير بالموظفين في القنصليات والسفارات بالخارج بعد تثبيت المتعاقدين وهم الآن لازالوا يتعاقدون ويحتاجون لموظفين على قدر عالي من الكفاءة والقدرة.

راح يحتج البعض ويقول إن وظيفة المتعاقد راتب مقطوع إلخ راح أقول الوضع تحسن الآن (وراح اشر ح لكم الأمور بالتفصيل) والأهم من هذا كله شوفوا المتعاقدين السابقين ترسموا الآن واصبحت عقودهم مجرد ماضي.

سمو الامير خالد بن سعود ناقش وضع المتعاقدين السعوديين بشهر 8 عام 1434هـ ورفعوا للمقام السامي لشمول المتعاقدين بنظام التأمينات الاجتماعية. وغير كذا اصدروا سلم رواتب للمتعاقدين يختلف حسب تصنيف البلد والغلاء المعيشي. والخدمة اصبحت محسوبة بالمرتبة ( كل 3 سنوات بمرتبة إذا جاء ترسيم ) بيجي أحد ويقول هذي وظيفة مضيعة للوقت أقول أحسن من الجلسة بالبيت على الاقل الوااحد يروح هناك ويدرس ومنها موظف يمثل بلده.

والرواتب مجزية بالوقت الحالي زميل لي متعاقد في احدى دول امريكا اللاتينية راتبة 14 الف يقول تكفيني واقدر اجمع بعد.

أكثر من 180 متعاقد تم ترسيمهم كانوا يحملون البكالوريوس ودرسوا وحصلوا على الماجستير وتم تثبيتهم على الماجستير.

أي عاطل مالقى وظيفة يقدر يروح لشؤون الموظفين بوزارة الخارجية ويقدم اوراقة وبفترة قصيرة راح يتصلون علية لأنهم محتاجين موظفين وهذي فرصة.

اي استفسار عن وضع المتعاقدين أنا بالخدمة

الله يعطيك العافية اخوي على المعلومات طيب سؤال لو تكرمت
انا موظف في وزارة العدل مستخدم مرتبه 31 ليا سنة الان في الوظيفة هل اقدر اقدم على الخارجية ؟
تحياتي لك

نقدر نقدم على الخارجيه من ايميلهم ؟

كيف نتواصل معهم يعني كيف نقدم عليهم

ممكن تعطينى كيف طريقة التقديم

هالوظيفة أحسن من الجلسة بالبيت وفيها مميزات

1- هناك بعض الدول تحددها الوزارة تمنح فيها المرشح المتعاقد جواز سفر دبلوماسي ودول أخرى تمنح فيها المرشح جواز سفر خاص. فيه بياناتك كاملة ووظيفتك في السفارة. تحصل من خلال هذا الجواز مميزات وتسهيلات في المطارات وبعض الدول تعامل حامل الجواز الخاص كالدبلوماسي.

[BIMG]https://encrypted-tbn1.gstatic.com/images?q=tbn:ANd9GcSYeOqBrjr2ggyraiC1mAHkWoYBmZNSa oAsfbw4FOrulUks77no[/BIMG]

2- الراتب ممتاز وثق تماما أن الوزارة تخاف عليك أكثر من خوفك على نفسك ولا يمكن إنها تعطيك راتب لا يكفيك. وتستطيع بذكائك أن تدخر بعض المال.
3- تطور لغتك وثقافتك والاهم من هذا تكمل دراستك لأن سمو الامير خالد حريص على أن يطور المتعاقد نفسه من جميع الننواحي.
4- البعض بيقول أي واحد يقدر يفصلك وهذا مو صحيح حتى رئيس البعثة ما يقدر يفصلك أبدا والفصل لا يأتي إلا بتكوين لجنة من قبل الوزارة إن حصل هناك تجاوز وعمل لا أخلاقي. غير كذا محد يقدر يفصلك. واعتقد إن اللي بيقدم رايح للعمل وليس للسياحة.
5- ثق تماما أن أغلب الرسميين في الوزارة كانوا متعاقدين سابقين.
6- عندما تمارس العمل وتكون لديك خبرة ثق أن الوزارة ستتمسك بك سيما إذا كنت نشيط ومجتهد والوزارة ماعندها استعداد تخسر متعاقد تعبت في تدريبة.
7- ثق تماما أن اجتهادتك وتميزك ماراح يضيع وقد يثبتونك على أي وظيفة شاغرة بناءا على توصية رئيس البعثة إن كنت مجتهد.
8- لا فرق بين دبلوماسي ومتعاقد واداري وفني الكل هناك يخدم وطنه ورعاياه وهذا بناءا على التعميم اللي اصدره سمو الامير خالد وقال بالحرف الواحد ( لا فرق بين دبلوماسي واداري وفني ومتعاقد الكل يخدم الوطن والمواطنين ولو أخطأ دبلوماسي سيحاسب والاداري سيحاسب والفني والمتعاقد أيضا سيحاسبون ولا أحد فوق القانون )
9- تذكرون السفير السابق ( عندك حلول ) هذا وهو سفير ورئيس بعثة ولكن عشان كلمته حاسبوه باستبعاده.
10- بشهر 8 عام 1434هـ رفعوا للمقام السامي توصية أن يشمل نظام التأمينات الاجتماعية كل متعاقد سعودي بالخارج وينتظرون الموافقة علية والدولة ماراح تقصر إن شاء الله.
11- خدمتك محسوبة بالمرتبة وليس بالتقاعد (كل 3 سنوات بمرتبة )
12- اللي يسأل عن الراتب هناك سلم رواتب لكل دولة وعلى حسب المؤهل اللي يحمله المتعاقد. وأعرف اشخاص شخصيا يحملون الماجستير ومع هذا ما قال انا متعاقد توكل على الله وقبل الوظيفة وشوي شوي اموره تتحسن. الرواتب حسب ما قالوا لي المتعاقدين انفسهم البعض 14 ألف والبعض 13800 ألف تختلف على حسب الدولة.
- للعاطلين ثقوا بالله تعالى ولا تحسبون أنكم بالغربة لحالكم انتوا في سفارة بلدكم كنكم في وطنكم وبين اخوانكم وزملائكم لا تضيعوا الفرصة والله الانسان ما يدري ايش الله يكتب له والرزق بيد الله سبحانه.

واسف على الاطالة