قصتي مع المدرسة الاهلية ....

عاطله ونحمد الله · #11 (**permalink**) 20-01-2014, 09:25 AM

حسبي الله ونعم الوكيل .. اهنيك اللي صبرتي سنه وش هالظلم ..
اذا معك ورقه اخلاء طرف من المدرسه روحي لمكتب العمل ..

ديم الغيم · #12 (**permalink**) 20-01-2014, 03:37 PM

الله يعوضني ويعوضك بالوظيفة الحكومية اللي حارمينا منها

حسبي الله وكفى

نص محامي · #13 (**permalink**) 22-01-2014, 06:38 AM

اقتباس:

المشاركة الأصلية كتبت بواسطة مدرسة جغرافيا

انا همي الحين اطلع من وزارة العمل عشان ماتتعلق اموري بحافز صعوبات العمل او ما يبحثولي الموارد عن عمل اخر لاني حسب الوزارة موظفة وإلا الفلوس العوض عند رب العالمين في ذمتهم

اختي اذا اسمك ملغي في التامينات على طول يلغى اسمك من وزاره العمل

ويطلع حاله العامل :نهايه خدمه

هذا رابط تحقق من الاشتراك في التامينات
http://www.gosi.gov.sa/portal/web/guest/212

اذا طلع لك

"أنت حاليا غير مسجل لدى أي منشأة خاضعة لنظام التأمينات الاجتماعية ولكن سبق تسجيلك بمنشأة خاضعة للنظام"

فانتي وضعك سليم

بالنسبه لكلامك عن حافز هم يراقبون اشتراك التامينات فقط

اما عن اسمك في وزاره العمل

تحققي منه بالسجل المدني عن طريق موقع وزاره العمل

http://mol.gov.sa/Services/Inquiry/SaudiEmpInquiry.aspx

اذا كان حاله العامل: نهايه خدمه

كذا انتي مفصوله مايتغير ولايحذف اسمك الا اذا سجلتي بالتامينات في شركه جديده

لكن يبقى اسمك في وزاره العمل نهايه خدمه حتى يتسجل اسمك في شركه ثانيه

مدرسة جغرافيا · #14 (**permalink**) 22-01-2014, 02:36 PM

الله يعطيك العافية على الرد الجميل
في التامينات سبق تسجيلك
وفي زارة العمل الحالة على رأس العمل
حسبي الله ونعم الوكيل

خريجة إم أي إس · #15 (**permalink**) 23-01-2014, 12:34 AM

الله يعوضك بالوظيفة الحكومية قريبا

.
.

عشان كذا عندي تخوف و تردد من المدارس الأهلية
أصحابها أغلبهم مصاصين دماء بشكل

حسبهم الله

حياة الزهراني · #16 (**permalink**) 23-01-2014, 01:21 AM

استشيري محامي افضل هو بيعطيكي الطريقة الصحيحة

نص محامي · #17 (**permalink**) 23-01-2014, 01:51 AM

اقتباس:

المشاركة الأصلية كتبت بواسطة مدرسة جغرافيا

الله يعطيك العافية على الرد الجميل
في التامينات سبق تسجيلك
وفي زارة العمل الحالة على رأس العمل
حسبي الله ونعم الوكيل

انا صار لي مثلك وجلست اسبوعين وحاله العامل على راس العمل

وبعدها صار نهايه خدمه

هي وزاره العمل متى ماحدثت البيانات يتغير

لكن عن حافز المطور مافيه مشكله لانه يشوف انك موظفه او لا من التامينات

ودامه مكتوب سبق تسجيلك معناته غير موظفه حسب موقع التامينات

الله يوفقك ويسهل امرك

رويال رويال · #18 (**permalink**) 31-01-2014, 02:09 AM

ياأختي لاتصيرين ضعيفة شخصية المدارس الأهليه يبي لها وحده تنهش بأسنانها مثلهم حسبي الله عليهم

لاتتواصلين مع المالكة ولاشي خليها هي الي تلحق وراك

اسمعي وانا اختك اطلعي فرع التأمينات الأجتماعيه واطلبي برنت واستفسري اذا انتي مازلتي موجودة عندهم على رأس العمل ولالا

طبعا قولي للموظفه أنا تركت المدرسة وأخلي طرفي ومازالت المدرسة معلقه اسمي عندهم
وأبي أقدم شكوى وقدمي شكوى عليهم نصيحة لاتروحين مكتب العمل روحي للمحكمة العمالية وخذي اثباتاتك وقدمي عليهم شكوى

فهمتي لاتتركين اسمك لانك راح تحرمين من التوظيف في أي قطاع خاص

وراح تحرمين من حافز اذا حبيتي تسجلين فيه

وراح يستفيدون من أسمك في السعودة

بعدين كيف اسمك موجود في الموارد البشريه وهم ماسجلوك اختي روحي موقع الموارد البشريه وادخلي على خانة تحقق وبعدها دخلي رقم سجلك المدني واذا طلع اسمك موجود

تقدرين تروحين لقسم الموارد وترفعين تظلم

او روحي مرة وحده للمحكمة العماليه وارفعي دعوة واطلبي تعويض

وخلي المديرة تتأدب

طيب

طبعا الشكوى

إجابة سؤال · #19 (**permalink**) 01-02-2014, 07:29 AM

لاحول ولا قوة إلا بالله.

جد الله يعينك.

لما أعطوك خبرة ماوقعتي على شيء؟ المفروض توقعي على إخلاء طرف. وهذا الإخلاء يكون معك نسخة منه
تودينه للتأمينات لإنزال اسمك.

مع العلم المفروض المدرس ةزي مادخلت اسمك تنزله. وبعدين فكرة ادفعوا م فلوسكم؟ عسى ماشر؟ كلام غير صحيح.

مدرسة جغرافيا · #20 (**permalink**) 02-02-2014, 06:52 PM

شكراً ع المرور
الشكوى اشتكيت مرتين مرة بالموارد ونزل اسمي
ووقعت عقد الموارد البشرية بعد شكوى تقدمت فيها للاشراف التربوي لما طلبوا منا ندفع رواتبنا ( دفعوا رواتبهم أغلب المعلمات ووقعوا تعهد بالدفع حتى يصل الراتب 3100)ولما تقدمت بالشكوى رجعت المدرسة فلوسهم ووقعنا عقد الموارد لكن الراتب غير ثابت لدرجة أنه وصل شهرذي القعدة 500ريال فقط من المدرسة
ليش لاننا قعنا أجباري على التنازل عن بدل النقل وارتب الإجازة (الي يقول كيف اجباري / لما يكونون معلمات المدرسة ماهمهم إلا أنفسهم ويشهدون زور عشان الادارة )
المشكلة الوحيدة المتبقة ان اسمي لا زال في وزارة العمل على رأس العمل وبإذن الله تنحل عما قريب