السلام عليكم
اخواني انا بديت بمشروع تقسيط بطاقات سوى
وش رأيكم فية وهل فية نسبة خسارة او لا

ما فيه خسارة ويعتمد على قدرتك في تحصيل وتجميع الاقساط لدى عملائك ومن ثم تدوير الاقساط بمعنى انك تقسط الايرادات الشهرية
الاهم كم نسبة الربح والضمانات

ممكن شرح للفكرة تقسيط بطاقات سوا

التقسيط مشروع جيد لكن فيه مخاطره
لاانه البعض الامن رحم ربي يماطلون بالدفع
والبعض مايدفع ورح تتعب ورآهم الاان وكلت شخص
يكون ورآهم بالسداد وعدم التاخير شخص متفرغ لهم
ولو إنا نشوف مكاتب التقسيط كثرت واكيد وجدو
ارباح ماليه ولااماكانو استمرو لكن المشكله بالأشخاص اللي مايسددون
يحتاجون متابعه من شخص متفرغ لهم وتمشي امورك
شغله متعبه لكن الله يعين

من تجربة في التقسيد
الارباح خيالية ولاكن تأكد ان اقل شي كل 10 اشخاص بيكون فيهم واحد او اثنين ما راح يسددون لا كن خلهم لا تطرد وراهم لين يكون عندك عدد 5 ما سددو واستحقت اقصادهم كاملة وقدم شكوى مره وحده
اقوولك مره ثانية الارباح خيالية

التقسيط من المشاريع المضمونه بس يحتاج له صبر
كثيرين دخلو مجال التقسيط وفشلو لان السبب ما يعرفون الضمانات

مشكورين يا اخوااان
طيب وش الضمانات اللي اطلبها منهم عشان اظمن حقي

[align=center]
كيف بديت ي هاجس ؟

استثمرت في مؤسسه والا شغل فردي ؟

الضمانات المعروفه الشيك والكمبياله
[/align]

لاتدخل التقسيط على اساس انك بعت سلعة ويالله انتظر وبعد كم شهر اطلع رأس مالها ثم اخذ الربح

لا كذا بترجع مذموما مدحورا كما رجع الشخص اللي بمشاركة سابقة

ياحبيبي فتح ذهنك واتبع هالنظام

افرض ان رأس مالك 100الف

وتبغى تشغلها بالتقسيط .. كل ما عليك هو نثرها على عدد من العملاء طبعا كل ما زاد عدد العملاء زاد الامان

ثم انتظر نهاية الشهر بتجيك 10,000ريال اذا كان قسط كل 1,000ريال 100ريال

حلو

عندها وقبل استلام القسط قول مثلا انك تبغى ربح 4000ريال بالشهر

طيب انت شغلت 100الف بفائدة 80%

اي ان اجمالي المبلغ 180,000ريال بس وين بأيدي الناس وهالناس عددهم كبير لحدما يعني مستحيل يتعثر القسط الشهري بنسبة 30%

طيب انت منتظر 10,000ريال
ولكن ماستلمت الا 7,000ريال

انت كل اللي عليك تستلم اول 4,000ريال وتأخذها كربح والباقي اللي هي ال3000ريال تدورها

بحيث الشهر الثاني تكون منتظر 10,300

لاحظ انت كسبت 4,000ريال هالشهر
انت بتدوير ال3,000ريال عززت رأس المال المشغل
انت اضفت حماية لربح الشهر التالي مقدار الحماية 300ريال
ثم الشهر التالي تضيف حماية وهكذا وهكذا الي ان تصير تلعب بالمشروع لعب