المشاركة الأصلية كتبت بواسطة ღ احلى همس ღ

حلوه فكره السائق ,,,

واكثر ناس محتاجه هذي الفكره هم طالبات الجامعه ,,, ( الصباح و الظهر يكون للطالبات وباقي الفتره للمشاوير الخاصه )

لي زمليه مع سائق خاص تدفع بالكورس الواحد بــ 1600 ريال او اكثر بعد (السائق سوداني ),,, لكن طبعاً مايزيد عدد البنات بالسياره عن اربع بنات ,,, وبنفس الحي يكونون ,, ومضبوط بالمواعيد ,, ولا يتكلم كثير

وسهله انك تحصل زباين ,,, تعمل لك بوستر ويتلزق عند باب الجامعه ,,,

اما المشاوير الخاصه تبدء من عند معارفك ,,, وشوي شوي راح تشتهر ويكون لك صيت

بالتوفيق أخوي ,,,

المشاركة الأصلية كتبت بواسطة عدال

لا بصراحة الليموزينات أرخص ، يعني مشوار من الدخل للعليا باليموزين من 25 إلى 30
لكن بالسايق الخاص تقريباً 50 ريال وإذا بيوديني ويجيبني احيان يحسبها 70 ، 75 إذا مو أكثر طبعاً يعني الأعسار تختلف طبعاً على حسب المشوار لـ وين وتختلف بعد حسب الوقت اللي باخذه فيه يعني بآخذه ليوم ولا نص يوم وهالشكل ، والله يكتب لك اللي فيه الخير وإذا ع الزباين الحريم ما راح يبطلوا مشواير إلا لا بطل ابليس وسوسة للعالمين