شغله حلوه ومربحه ولكن بحر يوبي له واحد يفهمها زين
وقد ارست لك ع الخاص رساله علشان توضح لي بعض الامور ومارديت علي

عموما بالتــوفيق لك

انا شغال في التقسط من سنتين والحمدلله ضاعفت راس المال مرتين في ذي الفتره
بعد قرار وزارة التجاره بمنع الشيكات تم تحويل مشاكل التقسيط من الشرطه الى المحكمه
لانه جاء قضاء جديد اسمه القضاء التنفيذي هذا القضاء يخلص معاملتك في مده اقصاها شهرين افضل من القضاء العادي اللي تجلس معاملتك سنين بس لما كانت بالشرطه كانت اسرع بكثير
انا عندي زبون ماطلني فوق 5 شهور وكانت المتاخره عليه 6750 ريال قدمت الاوراق للقضاء التنفيذي وقفوا خدماته في البنك والجوازات والاحوال المدنيه
هوا راح البنك وكلم مدير البنك حتى يفتح حسابه قال له لازم يكون في حسابك 6750 ريال يكون محجوز باسمي
هوا دفعه جيت بسحبه قال لي المدير تاخذ المبلغ من موسسة النقد رحت موسسه النقد قال مالنا علاقه انت روح للمحكمه وهم يحولونك تسحب الفلوس من البنك
رحنا انا والزبون للقاضي قال له انا ما راح احول الاوراق للبنك يا تدفع هنا وننهي كل الاوراق او تودعها في حساب القضاء التنفيذي وانا استلمها من المحكمه
المشكله المبلغ في حسابه محجوز لا انا ولا هوا ولا مدير البنك يقدر ياخذها
بعدها كل واحد راح بطريقه انا توقعت منه اتصال لان لسى حسابه موقف بس ما اتصل
تاكدت من احد الزملاء في البنك بالكشف على حسابه طلع يسحب فلوسه من البنك مباشره باستثناء المبلغ اللي باسمي
انا الحين متحير القاضي موقف خدماته وهوا يسحب لان عنده واسطه بالبنك ومؤسسه النقد
اتمنى لو احد عنده خلفيه عن الموضوع يعلمني

^^^

حاب أدخل هالمجال ولكن مشكلتي بأنني راح أتعب كثير من هالعينات أي المماطلين..

بخصوص مشكلتك ما عندي حل لك ولكن ممكن لو تسأل محامي تجد عنده الجواب بمشئة الله..

بالتوفيق جميعاً.~

مشروع التقسيط هو الطريق الأسهل لثراء اذا عرف الشخص اسراره وعرف كيف يقوم بتدوير الأرباح أقولها هنا من تجربة في مجال التقسيط ولن يفهم هذا الكلام الي من حب ومارس هذه التجربة !!!

اخوي الفراهيدي انا ما اقدر ارسل على الخاص لان المشاركات قليله
انت اذا دخلت التقسيط بتواجه من المماطلين
انت لا تقسط لاي شخص حتى ما تواجه مشاكل التقسيط له شروط
من الضمانات الشيكات وسند الامر والكمبياله

ياليت تفيدني لو ابغي استثمر مبلغ 50 الف في التقسيط
هل اقسم المبلغ علي خمسه اشخاص بحيث كل عميل 10 الف
ولا اقسم 50 الف علي ثلاث اشخاص بحيث عمليين 15 الف وعميل 10 الف
ياليت تفيدني افضل طريقه لتجني ارباح اكبر وابعد عن المخاطر

معظم انظمة مكاتب التقسيط لا تعطي الزبون اكثر من طاقته وهيا الا تزيد فوق 20%
مثلا انا اقسط مكيفات الزامل سعر المكيف 1800 والقسط الشهري 150 للمكيف الواحد
اول شئ اطلب كشف حسابه لاخر ثلاثه شهور
اذا كان صافي الراتب 6000 نحسب كآلاتي
6000 ÷ 100 × 20 = 1200
بعدها اقسم على دخل سعر المكيف كذا نحسبها 1200 ÷ 150 = 8
هذا الشخص لا اعطيه اكثر من 8 مكيفات معظم اللي اعطيتهم فوق ذي النسبه واجهت مشاكل معاهم
انت لا تعطي الا على صافي الراتب حتى تقل نسبة المخاطره عندك