استغفرالله واتوب إليه

استغفر الله العلي العظيم الذي لا إله الا هو الحي القيوم يحيي ويميت وهو على كل شيء قدير

ياجماعة فيه احد سوى مقابلة جديدة او وقع عقد لحد الان ؟ او جاه اتصال !

ياليت احد يقولنا من البنات اذا صار معكم شي

هلا فيك
انا سويت مقابله قبل شهر
ما اتصلوا علي ولا حاجه
وكلمت الموظف اللي اتصلت علي لتحديد المقابله
قالت بعد اسبوع من المقابله اذا ما اتصلوا عليك
هذا دليل انك ما اجتزت المقابله


اذا الله كاتب لك هل وظيفة بيصلوا علي لو بعد سنه


بالتوفيق للجميع


اذا احد اتصلواا عليه ياليت
يضيف رد


دمت سالمين

الى الان ماحد اتصل علي

المشكلة انه فيه ناس معهم شهادات عالية وبصميم تخصص بعض الاقسام هناك ومع خبرات قوية جداً من مستشفيات مرجعية حكومية تعتبر من اقوى المستشفيات بالمملكة العربية السعودية ومستوى الشرق الاوسط ولا اتصلو عليهم
حتى ان بعضهم و اعرفهم شخصياً معهم خبرات تشغيلية يعني خبرتهم متركزة على تشغيل المستشفيات الجديده وهم اولى بكثير من غيرهم
وعندهم قدرات قوية على تحمل الضغط ولهم شهر مقدمين وحتى الان ماتصلو عليهم

والمشكلة ان المستشفى كل شوي مسوي نظام للتقديم الاول عن طريق موقع الجامعة والثاني نظام بدائي جداً كأنه نظام اتصل بنا معدل

يعني على الأقل يردون على الأتصالات والأستفسارات المرسلة لهم بالبريد الالكتروني واتوقع هذا حق كل متقدم يريد شغل احد هذه الوظائف على الأقل انه يعرف اذا تم قبولة او لا

حتى انه فيه بعض الشباب المتحمسين للتشغيل يحاولون التواصل معهم لكن لايوجد رد ابداً

اتوقع ان الموضوع بالاخير بيوصل لمخاطبة الجامعة بشكل رسمي واذا لم تتخذ الاجرائات اللازمة نخاطب الجهات المسؤلة وهي الجهات التي تقوم بعمل المراجعة الداخلية للوزارات والجامعات وهيئة مكافحة الفساد وحده من هذي الهيئات وانا متأكد بإذن الله انه بتتخذ بحقهم الاجرائات اللازمة
ًحتى اني اعرف واحد بمكافحة الفساد يقول ارسلو مكتوب الى الهيئة مرفقة فيه جميع المستندات والاوراق الي تخص الموضوع
ولاهو محتاج الا ثلاثة او خمسة بالكثير ويقول انه بنفسه يرفعه للقسم المختص هناك وبالتالي راح ينرفع الى رئيس الهيئة والتصريح بالموضوع خلال اسبوعين
ولا يخلي الشخص يعصب الا شي واحد انهم مايردون على تلفوناتهم
السؤال الي يطرح نفسه ليش عندك تلفون من اساس اذا ماحد يرد عليه هل هو ديكور على المكتب عشان يدخل ضمن اكسسوارات المكتب؟ !
وليش تحط رقم هاتف مع الاعلان علشان ماترد عليه ؟

لكن لازم نصبر قليلاً الان هم منزلين وظائف جديده ونشوف وش بيصير بعد هذا كله

تحياتي لكم

هلاا احساس العود
اولا هدى اعصابك طال عمرك كلها وظيفة يمكن اذا ما قبلت فيها يمكن خيره لك
ثانيا من ناحية الفساد كل ادارة حكوميه ماخذه حقها من الفساد
ثالثا بما انك تعرف ناس معهم خبراته ولاا اتصلو عليهم هذا دليل ان الشغله فيها معاملات ومطوله
انا سئلت موظف اداري شغال بمستشفي يقول بما ان الوظائف تشغيل ذاتي المقبولين ترسل اوراقهم للوزارة
والتأخير من الوزارة قسم التشغيل الذاتي

رابعا المستشفي جديد واتوقع اللي عملواا مقابله معي من اسلوبهم واسئلهم انهم
انهم تو متوظفين شهرين ثلاث شهور بالكثير

وبنهاية اذا في احد يقدر يمر عليهم
علي قسم الموارد البشريه سواا خيرا


والسلام

عندي مقابله الاسبوع الجاي ومرررره خائفه
الله يعافيكم اللي دخل مقابله قبل كذا بقولي ايش يسألون بالضبط وأيش يركزون عليه
وأيش جنسيات اللي يقابلون ؟ لان كاتبين لي ان ثلاث أشخاص راح يقابلوني
وأكون جداً شاكره لكم
بالعلم أني مقدمه على برنامج الابتعاث اللي تبعهم تمريض ،

الله يجزا اللي يجاوبني الفردوس الأعلى ،

السلام
ديما انا عملت مقابله بالمستشفي وظيفة وليس برنامج الابتعاث
ولكن في مواضيع يمكن تفيدك مواضيع مشابهه

http://www.ly2l.org/vb/t168217.html

http://www.******.us/vb/forum118/thread290776.html





بالتوفيق