السلام عليكم جميعاً ..

يا شباب والله إني بحالة كرب شديد ما يعلمه إلا الله ..

قبل فترة تعرضت سيارتي للتكسير وانسرقت المحفظة وبداخلها بطاقة الاحوال والرخصة
وقدمت يوم الأربعاء الماضي على بدل فاقد وأعطوني ورقة عليها ختم الاحوال ( تم التدقيق ) وقالوا لي تعال بعد اسبوعين تتصور !!

واليوم أعلنت الخدمة المدنية موعد اختباري لشؤون الموظفين يوم الأحد 25/3/1435

وش الحل يا شباب ساعدوني .. الله يفرج همي وهمكم .

في جواز ؟؟


واتوقع ان الورقة اللي من الاحوال تكفي ..

يمديك تطلع جواز

لا والله يا شباب ما عندي جواز ، ولا أقدر أطلع جواز بدون الاثبات

اجل روح الاحوال وخذ برنت واشرح لهم الوضع وادخل على المدير

تنصحوني اروح وزارة الخدمة المدنية واكلمهم بالموضوع من بدري ؟؟

بشرنا وش يصير معك اللة يكون بعونك

جرب تطلع جواز بورقة الاثبات المؤقت واشرح للاحوال الموضوع
لان الجواز يطلع في نص ساعه اما البطاقة يبي لها وقت وبعد تتصور يبي لها وقت ثاني انتظار اسبوعين
يعني يمكن ما تمسكها قبل شهر وهذا روتين ما تقدر تقدمه ولا تأخره

واذا قفلت معك خلاص
ادخل للاختبار بوثيقتك وصورة بطاقتك القديمة والورقة المؤقتة الجديدة

أولا- خذ الورقة اللي من الأحوال وصورها .--وإذا يمديك تاخذ برنت من الأحوال خذ.
ثانيا -صور الشهادة.
ثالثا- حاول تدور بالبيت في الملفات إذا عندك طلاب عن صورة لبطاقة الأحوال اللي انسرقت .
رابعا- إذا عندك كرت عائلة خذه مع الصورة.
خامسا -إذا عندك ورقة من المرور أو الشرطة مثبت حالة السرقة خذها مع الصورة.
سادسا-خذ لك تعريف أو اثبات من مقر عملك أصل وصورة.
حاول تجمع كل صور الأوراق ودبسها مع بعض ويفضل أول ورقة تكون صورة الورقة اللي من الأحوال ورح لإختبارك بدري وأشرح لهم الوضع وإن شاء الله ربي ييسر أمرك ويوفقك بإختبارك.
حاولت أعصر مخي وطلعت لك بهالحل وإن شاء الله يفيدك.
وإذايمديك تمر الجوازات حاول تصدر لك جواز بالورقة اللي من الأحوال والله يكتب لك الخيرة .
ملاحظة أهم شيئ تكون معك الورقةالأصل اللي من الأحوال يوم الأختبار.

الله يوفقك وييسر أمورك أخوي .. إن شاء الله أسوي اللي قلت لي عليه ،، والله يكتب لنا ولكم الخير .